This is the multi-page printable view of this section. Click here to print.

Return to the regular view of this page.

Srimad Bhagavad Gita

The Srimad Bhagavad Gita is a philosophical dialogue between Krishna and Arjuna occurring on the battlefield of Kurukshetra before the beginning of the great war. The text explores duty, action, devotion, knowledge, self-discipline, and liberation, becoming one of the most influential spiritual and philosophical works in world literature.

    Editorial Note

    The Srimad Bhagavad Gita is one of the most important philosophical and spiritual texts of Indian civilization.

    It appears within the Bhishma Parva of the Mahabharata, at the moment just before the Kurukshetra war begins.

    The setting is dramatic:

    • armies stand ready for battle
    • conches have sounded
    • and war is about to begin.

    At that moment, Arjuna experiences a deep moral and emotional crisis.

    The dialogue between Krishna and Arjuna then unfolds, transforming the battlefield into a space of philosophical inquiry and spiritual teaching.

    The Gita is not only about war.

    It explores fundamental human questions:

    • What is duty?
    • How should one act?
    • What causes suffering?
    • What is the nature of the self?
    • How can inner peace be achieved?

    Structure and Composition

    • Total Adhyayas: 18

    • Total Shlokas: ~700

    • Narrative Coverage:

      • Arjuna’s moral crisis before battle
      • Krishna’s teachings on action and duty
      • Karma Yoga (path of action)
      • Jnana Yoga (path of knowledge)
      • Bhakti Yoga (path of devotion)
      • Meditation and self-discipline
      • Nature of the self and reality
      • Cosmic form of Krishna
      • Liberation and spiritual freedom

    📌 Textual Note: The Bhagavad Gita forms part of the Bhishma Parva of the Mahabharata and is preserved within the broader Sanskrit manuscript traditions of the epic. This presentation follows the textual lineage associated with the BORI Critical Edition tradition and related scholarly preservation projects.

    Major Characters and Roles

    • Krishna - charioteer, teacher, and guide revealing spiritual wisdom
    • Arjuna - warrior experiencing moral conflict and existential doubt
    • Sanjaya - narrator describing the dialogue to Dhritarashtra
    • Dhritarashtra - blind king hearing the events of Kurukshetra

    Thematic Flow

    1. Crisis and Doubt Arjuna becomes emotionally overwhelmed before battle

    2. Teaching on Duty Krishna explains righteous action and responsibility

    3. Paths of Spiritual Practice Different approaches toward self-realization are discussed

    4. Nature of Reality The self, the world, and the divine are explored philosophically

    5. Vision of the Cosmic Form Krishna reveals his universal form

    6. Liberation and Inner Freedom The dialogue concludes with spiritual clarity and action guided by wisdom

    Philosophical Significance

    The Bhagavad Gita combines multiple streams of Indian philosophical thought into a unified spiritual dialogue.

    Major themes include:

    • Dharma (Duty) - individuals must act according to righteous responsibility
    • Karma Yoga - action should be performed without attachment to results
    • Jnana Yoga - wisdom and self-knowledge lead toward liberation
    • Bhakti Yoga - devotion creates spiritual connection and surrender
    • Atman and Brahman - the eternal self transcends temporary worldly existence
    • Self-Control and Meditation - disciplined awareness leads to inner stability

    A foundational teaching of the Gita is:

    karmaṇy-evādhikāras te mā phaleṣu kadācana

    This emphasizes focusing upon rightful action rather than attachment to outcomes.

    The Gita presents spirituality not as escape from life, but as wise and disciplined participation within it.

    Simple Summary (For Easy Understanding)

    The Bhagavad Gita begins on the battlefield of Kurukshetra.

    Arjuna sees:

    • teachers
    • relatives
    • friends
    • and loved ones

    standing on both sides of the war.

    He becomes deeply disturbed and refuses to fight.

    Krishna then begins teaching him about:

    • duty
    • morality
    • self-control
    • spiritual knowledge
    • devotion
    • and the nature of life itself.

    Krishna explains that:

    • the soul is eternal
    • actions should be performed without selfish attachment
    • and fear should not prevent righteous action.

    The Gita also teaches different spiritual paths, including:

    • disciplined action
    • meditation
    • knowledge
    • and devotion.

    One of the most famous moments occurs when Krishna reveals his cosmic universal form to Arjuna.

    By the end of the dialogue, Arjuna regains clarity and prepares to act according to dharma.

    The Bhagavad Gita teaches that:

    • inner wisdom is essential during crisis
    • action should be guided by ethics rather than fear
    • and spiritual understanding can exist within ordinary life and responsibility.

    Overview of the 18 Chapters

    1. Arjuna Vishada Yoga

    Arjuna experiences despair and moral confusion before battle.

    2. Sankhya Yoga

    Krishna introduces the nature of the self, wisdom, and disciplined action.

    3. Karma Yoga

    The importance of selfless action is explained.

    4. Jnana Karma Sannyasa Yoga

    Knowledge, action, and spiritual understanding are connected.

    5. Karma Sannyasa Yoga

    Renunciation and disciplined action are compared.

    6. Dhyana Yoga

    Meditation and control of the mind are discussed.

    7-12. Bhakti and Divine Nature

    Krishna explains devotion, divine reality, and the cosmic form.

    13-18. Knowledge, Ethics, and Liberation

    The final chapters discuss:

    • nature and consciousness
    • human qualities
    • faith
    • discipline
    • and liberation.

    Historical and Literary Importance

    The Bhagavad Gita became one of the most influential texts in Indian and global intellectual history.

    It shaped discussions on:

    • philosophy
    • spirituality
    • ethics
    • politics
    • psychology
    • and self-discipline.

    The text influenced numerous thinkers and traditions, including:

    • Vedanta
    • Yoga traditions
    • Bhakti movements
    • modern Indian reformers
    • and global philosophical discourse.

    The Gita is unique because it places profound spiritual inquiry directly within the challenges of ordinary human responsibility and moral conflict.

    Its enduring message is that wisdom, discipline, compassion, and ethical action must remain connected.

    Source Note: This presentation follows the Sanskrit textual tradition of the Bhagavad Gita within the Mahabharata Critical Edition lineage. Digital preservation and manuscript-based access are maintained through scholarly initiatives including Ambuda and related Sanskrit preservation projects.

    Reading Mode - Change for details

    Original Texts

    Adhyaya: 1/18 (47)

    अथ प्रथमोऽध्यायः अर्जुनविषादयोगः
    atha prathamo'dhyāyaḥ arjunaviṣādayogaḥ

    GITA 1-1

    धृतराष्ट्र उवाच ।
    धर्मक्षेत्रे कुरुक्षेत्रे समवेता युयुत्सवः ।
    मामकाः पाण्डवाश्चैव किमकुर्वत सञ्जय ॥ १-१॥
    dhṛtarāṣṭra uvāca |
    dharmakṣetre kurukṣetre samavetā yuyutsavaḥ |
    māmakāḥ pāṇḍavāścaiva kimakurvata sañjaya || 1-1||

    GITA 1-2

    सञ्जय उवाच ।
    दृष्ट्वा तु पाण्डवानीकं व्यूढं दुर्योधनस्तदा ।
    आचार्यमुपसङ्गम्य राजा वचनमब्रवीत् ॥ १-२॥
    sañjaya uvāca |
    dṛṣṭvā tu pāṇḍavānīkaṃ vyūḍhaṃ duryodhanastadā |
    ācāryamupasaṅgamya rājā vacanamabravīt || 1-2||

    GITA 1-3

    पश्यैतां पाण्डुपुत्राणामाचार्य महतीं चमूम् ।
    व्यूढां द्रुपदपुत्रेण तव शिष्येण धीमता ॥ १-३॥
    paśyaitāṃ pāṇḍuputrāṇāmācārya mahatīṃ camūm |
    vyūḍhāṃ drupadaputreṇa tava śiṣyeṇa dhīmatā || 1-3||

    GITA 1-4

    अत्र शूरा महेष्वासा भीमार्जुनसमा युधि ।
    युयुधानो विराटश्च द्रुपदश्च महारथः ॥ १-४॥
    atra śūrā maheṣvāsā bhīmārjunasamā yudhi |
    yuyudhāno virāṭaśca drupadaśca mahārathaḥ || 1-4||

    GITA 1-5

    धृष्टकेतुश्चेकितानः काशिराजश्च वीर्यवान् ।
    पुरुजित्कुन्तिभोजश्च शैब्यश्च नरपुङ्गवः ॥ १-५॥
    dhṛṣṭaketuścekitānaḥ kāśirājaśca vīryavān |
    purujitkuntibhojaśca śaibyaśca narapuṅgavaḥ || 1-5||

    GITA 1-6

    युधामन्युश्च विक्रान्त उत्तमौजाश्च वीर्यवान् ।
    सौभद्रो द्रौपदेयाश्च सर्व एव महारथाः ॥ १-६॥
    yudhāmanyuśca vikrānta uttamaujāśca vīryavān |
    saubhadro draupadeyāśca sarva eva mahārathāḥ || 1-6||

    GITA 1-7

    अस्माकं तु विशिष्टा ये तान्निबोध द्विजोत्तम ।
    नायका मम सैन्यस्य संज्ञार्थं तान्ब्रवीमि ते ॥ १-७॥
    asmākaṃ tu viśiṣṭā ye tānnibodha dvijottama |
    nāyakā mama sainyasya saṃjñārthaṃ tānbravīmi te || 1-7||

    GITA 1-8

    भवान्भीष्मश्च कर्णश्च कृपश्च समितिञ्जयः ।
    अश्वत्थामा विकर्णश्च सौमदत्तिस्तथैव च ॥ १-८॥ (सौमदत्तिर्जयद्रथः)
    bhavānbhīṣmaśca karṇaśca kṛpaśca samitiñjayaḥ |
    aśvatthāmā vikarṇaśca saumadattistathaiva ca || 1-8|| (saumadattirjayadrathaḥ)

    GITA 1-9

    अन्ये च बहवः शूरा मदर्थे त्यक्तजीविताः ।
    नानाशस्त्रप्रहरणाः सर्वे युद्धविशारदाः ॥ १-९॥
    anye ca bahavaḥ śūrā madarthe tyaktajīvitāḥ |
    nānāśastrapraharaṇāḥ sarve yuddhaviśāradāḥ || 1-9||

    GITA 1-10

    अपर्याप्तं तदस्माकं बलं भीष्माभिरक्षितम् ।
    पर्याप्तं त्विदमेतेषां बलं भीमाभिरक्षितम् ॥ १-१०॥
    aparyāptaṃ tadasmākaṃ balaṃ bhīṣmābhirakṣitam |
    paryāptaṃ tvidameteṣāṃ balaṃ bhīmābhirakṣitam || 1-10||

    GITA 1-11

    अयनेषु च सर्वेषु यथाभागमवस्थिताः ।
    भीष्ममेवाभिरक्षन्तु भवन्तः सर्व एव हि ॥ १-११॥
    ayaneṣu ca sarveṣu yathābhāgamavasthitāḥ |
    bhīṣmamevābhirakṣantu bhavantaḥ sarva eva hi || 1-11||

    GITA 1-12

    तस्य सञ्जनयन्हर्षं कुरुवृद्धः पितामहः ।
    सिंहनादं विनद्योच्चैः शङ्खं दध्मौ प्रतापवान् ॥ १-१२॥
    tasya sañjanayanharṣaṃ kuruvṛddhaḥ pitāmahaḥ |
    siṃhanādaṃ vinadyoccaiḥ śaṅkhaṃ dadhmau pratāpavān || 1-12||

    GITA 1-13

    ततः शङ्खाश्च भेर्यश्च पणवानकगोमुखाः ।
    सहसैवाभ्यहन्यन्त स शब्दस्तुमुलोऽभवत् ॥ १-१३॥
    tataḥ śaṅkhāśca bheryaśca paṇavānakagomukhāḥ |
    sahasaivābhyahanyanta sa śabdastumulo'bhavat || 1-13||

    GITA 1-14

    ततः श्वेतैर्हयैर्युक्ते महति स्यन्दने स्थितौ ।
    माधवः पाण्डवश्चैव दिव्यौ शङ्खौ प्रदध्मतुः ॥ १-१४॥
    tataḥ śvetairhayairyukte mahati syandane sthitau |
    mādhavaḥ pāṇḍavaścaiva divyau śaṅkhau pradadhmatuḥ || 1-14||

    GITA 1-15

    पाञ्चजन्यं हृषीकेशो देवदत्तं धनञ्जयः ।
    पौण्ड्रं दध्मौ महाशङ्खं भीमकर्मा वृकोदरः ॥ १-१५॥
    pāñcajanyaṃ hṛṣīkeśo devadattaṃ dhanañjayaḥ |
    pauṇḍraṃ dadhmau mahāśaṅkhaṃ bhīmakarmā vṛkodaraḥ || 1-15||

    GITA 1-16

    अनन्तविजयं राजा कुन्तीपुत्रो युधिष्ठिरः ।
    नकुलः सहदेवश्च सुघोषमणिपुष्पकौ ॥ १-१६॥
    anantavijayaṃ rājā kuntīputro yudhiṣṭhiraḥ |
    nakulaḥ sahadevaśca sughoṣamaṇipuṣpakau || 1-16||

    GITA 1-17

    काश्यश्च परमेष्वासः शिखण्डी च महारथः ।
    धृष्टद्युम्नो विराटश्च सात्यकिश्चापराजितः ॥ १-१७॥
    kāśyaśca parameṣvāsaḥ śikhaṇḍī ca mahārathaḥ |
    dhṛṣṭadyumno virāṭaśca sātyakiścāparājitaḥ || 1-17||

    GITA 1-18

    द्रुपदो द्रौपदेयाश्च सर्वशः पृथिवीपते ।
    सौभद्रश्च महाबाहुः शङ्खान्दध्मुः पृथक्पृथक् ॥ १-१८॥
    drupado draupadeyāśca sarvaśaḥ pṛthivīpate |
    saubhadraśca mahābāhuḥ śaṅkhāndadhmuḥ pṛthakpṛthak || 1-18||

    GITA 1-19

    स घोषो धार्तराष्ट्राणां हृदयानि व्यदारयत् ।
    नभश्च पृथिवीं चैव तुमुलोऽभ्यनुनादयन् ॥ १-१९॥ (तुमुलो व्यनुनादयन्)
    sa ghoṣo dhārtarāṣṭrāṇāṃ hṛdayāni vyadārayat |
    nabhaśca pṛthivīṃ caiva tumulo'bhyanunādayan || 1-19|| (tumulo vyanunādayan)

    GITA 1-20

    अथ व्यवस्थितान्दृष्ट्वा धार्तराष्ट्रान् कपिध्वजः ।
    प्रवृत्ते शस्त्रसम्पाते धनुरुद्यम्य पाण्डवः ॥ १-२०॥
    atha vyavasthitāndṛṣṭvā dhārtarāṣṭrān kapidhvajaḥ |
    pravṛtte śastrasampāte dhanurudyamya pāṇḍavaḥ || 1-20||

    GITA 1-21

    हृषीकेशं तदा वाक्यमिदमाह महीपते ।
    अर्जुन उवाच ।
    सेनयोरुभयोर्मध्ये रथं स्थापय मेऽच्युत ॥ १-२१॥
    hṛṣīkeśaṃ tadā vākyamidamāha mahīpate |
    arjuna uvāca |
    senayorubhayormadhye rathaṃ sthāpaya me'cyuta || 1-21||

    GITA 1-22

    यावदेतान्निरीक्षेऽहं योद्धुकामानवस्थितान् ।
    कैर्मया सह योद्धव्यमस्मिन् रणसमुद्यमे ॥ १-२२॥
    yāvadetānnirīkṣe'haṃ yoddhukāmānavasthitān |
    kairmayā saha yoddhavyamasmin raṇasamudyame || 1-22||

    GITA 1-23

    योत्स्यमानानवेक्षेऽहं य एतेऽत्र समागताः ।
    धार्तराष्ट्रस्य दुर्बुद्धेर्युद्धे प्रियचिकीर्षवः ॥ १-२३॥
    yotsyamānānavekṣe'haṃ ya ete'tra samāgatāḥ |
    dhārtarāṣṭrasya durbuddheryuddhe priyacikīrṣavaḥ || 1-23||

    GITA 1-24

    सञ्जय उवाच ।
    एवमुक्तो हृषीकेशो गुडाकेशेन भारत ।
    सेनयोरुभयोर्मध्ये स्थापयित्वा रथोत्तमम् ॥ १-२४॥
    sañjaya uvāca |
    evamukto hṛṣīkeśo guḍākeśena bhārata |
    senayorubhayormadhye sthāpayitvā rathottamam || 1-24||

    GITA 1-25

    भीष्मद्रोणप्रमुखतः सर्वेषां च महीक्षिताम् ।
    उवाच पार्थ पश्यैतान्समवेतान्कुरूनिति ॥ १-२५॥
    bhīṣmadroṇapramukhataḥ sarveṣāṃ ca mahīkṣitām |
    uvāca pārtha paśyaitānsamavetānkurūniti || 1-25||

    GITA 1-26

    तत्रापश्यत्स्थितान्पार्थः पितॄनथ पितामहान् ।
    आचार्यान्मातुलान्भ्रातॄन्पुत्रान्पौत्रान्सखींस्तथा ॥ १-२६॥
    tatrāpaśyatsthitānpārthaḥ pitṝnatha pitāmahān |
    ācāryānmātulānbhrātṝnputrānpautrānsakhīṃstathā || 1-26||

    GITA 1-27

    श्वशुरान्सुहृदश्चैव सेनयोरुभयोरपि ।
    तान्समीक्ष्य स कौन्तेयः सर्वान्बन्धूनवस्थितान् ॥ १-२७॥
    śvaśurānsuhṛdaścaiva senayorubhayorapi |
    tānsamīkṣya sa kaunteyaḥ sarvānbandhūnavasthitān || 1-27||

    GITA 1-28

    कृपया परयाविष्टो विषीदन्निदमब्रवीत् ।
    अर्जुन उवाच ।
    दृष्ट्वेमं स्वजनं कृष्ण युयुत्सुं समुपस्थितम् ॥ १-२८॥
    kṛpayā parayāviṣṭo viṣīdannidamabravīt |
    arjuna uvāca |
    dṛṣṭvemaṃ svajanaṃ kṛṣṇa yuyutsuṃ samupasthitam || 1-28||

    GITA 1-29

    सीदन्ति मम गात्राणि मुखं च परिशुष्यति ।
    वेपथुश्च शरीरे मे रोमहर्षश्च जायते ॥ १-२९॥
    sīdanti mama gātrāṇi mukhaṃ ca pariśuṣyati |
    vepathuśca śarīre me romaharṣaśca jāyate || 1-29||

    GITA 1-30

    गाण्डीवं स्रंसते हस्तात्त्वक्चैव परिदह्यते ।
    न च शक्नोम्यवस्थातुं भ्रमतीव च मे मनः ॥ १-३०॥
    gāṇḍīvaṃ sraṃsate hastāttvakcaiva paridahyate |
    na ca śaknomyavasthātuṃ bhramatīva ca me manaḥ || 1-30||

    GITA 1-31

    निमित्तानि च पश्यामि विपरीतानि केशव ।
    न च श्रेयोऽनुपश्यामि हत्वा स्वजनमाहवे ॥ १-३१॥
    nimittāni ca paśyāmi viparītāni keśava |
    na ca śreyo'nupaśyāmi hatvā svajanamāhave || 1-31||

    GITA 1-32

    न काङ्क्षे विजयं कृष्ण न च राज्यं सुखानि च ।
    किं नो राज्येन गोविन्द किं भोगैर्जीवितेन वा ॥ १-३२॥
    na kāṅkṣe vijayaṃ kṛṣṇa na ca rājyaṃ sukhāni ca |
    kiṃ no rājyena govinda kiṃ bhogairjīvitena vā || 1-32||

    GITA 1-33

    येषामर्थे काङ्क्षितं नो राज्यं भोगाः सुखानि च ।
    त इमेऽवस्थिता युद्धे प्राणांस्त्यक्त्वा धनानि च ॥ १-३३॥
    yeṣāmarthe kāṅkṣitaṃ no rājyaṃ bhogāḥ sukhāni ca |
    ta ime'vasthitā yuddhe prāṇāṃstyaktvā dhanāni ca || 1-33||

    GITA 1-34

    आचार्याः पितरः पुत्रास्तथैव च पितामहाः ।
    मातुलाः श्वशुराः पौत्राः श्यालाः सम्बन्धिनस्तथा ॥ १-३४॥
    ācāryāḥ pitaraḥ putrāstathaiva ca pitāmahāḥ |
    mātulāḥ śvaśurāḥ pautrāḥ śyālāḥ sambandhinastathā || 1-34||

    GITA 1-35

    एतान्न हन्तुमिच्छामि घ्नतोऽपि मधुसूदन ।
    अपि त्रैलोक्यराज्यस्य हेतोः किं नु महीकृते ॥ १-३५॥
    etānna hantumicchāmi ghnato'pi madhusūdana |
    api trailokyarājyasya hetoḥ kiṃ nu mahīkṛte || 1-35||

    GITA 1-36

    निहत्य धार्तराष्ट्रान्नः का प्रीतिः स्याज्जनार्दन ।
    पापमेवाश्रयेदस्मान्हत्वैतानाततायिनः ॥ १-३६॥
    nihatya dhārtarāṣṭrānnaḥ kā prītiḥ syājjanārdana |
    pāpamevāśrayedasmānhatvaitānātatāyinaḥ || 1-36||

    GITA 1-37

    तस्मान्नार्हा वयं हन्तुं धार्तराष्ट्रान्स्वबान्धवान् ।
    स्वजनं हि कथं हत्वा सुखिनः स्याम माधव ॥ १-३७॥
    tasmānnārhā vayaṃ hantuṃ dhārtarāṣṭrānsvabāndhavān |
    svajanaṃ hi kathaṃ hatvā sukhinaḥ syāma mādhava || 1-37||

    GITA 1-38

    यद्यप्येते न पश्यन्ति लोभोपहतचेतसः ।
    कुलक्षयकृतं दोषं मित्रद्रोहे च पातकम् ॥ १-३८॥
    yadyapyete na paśyanti lobhopahatacetasaḥ |
    kulakṣayakṛtaṃ doṣaṃ mitradrohe ca pātakam || 1-38||

    GITA 1-39

    कथं न ज्ञेयमस्माभिः पापादस्मान्निवर्तितुम् ।
    कुलक्षयकृतं दोषं प्रपश्यद्भिर्जनार्दन ॥ १-३९॥
    kathaṃ na jñeyamasmābhiḥ pāpādasmānnivartitum |
    kulakṣayakṛtaṃ doṣaṃ prapaśyadbhirjanārdana || 1-39||

    GITA 1-40

    कुलक्षये प्रणश्यन्ति कुलधर्माः सनातनाः ।
    धर्मे नष्टे कुलं कृत्स्नमधर्मोऽभिभवत्युत ॥ १-४०॥
    kulakṣaye praṇaśyanti kuladharmāḥ sanātanāḥ |
    dharme naṣṭe kulaṃ kṛtsnamadharmo'bhibhavatyuta || 1-40||

    GITA 1-41

    अधर्माभिभवात्कृष्ण प्रदुष्यन्ति कुलस्त्रियः ।
    स्त्रीषु दुष्टासु वार्ष्णेय जायते वर्णसङ्करः ॥ १-४१॥
    adharmābhibhavātkṛṣṇa praduṣyanti kulastriyaḥ |
    strīṣu duṣṭāsu vārṣṇeya jāyate varṇasaṅkaraḥ || 1-41||

    GITA 1-42

    सङ्करो नरकायैव कुलघ्नानां कुलस्य च ।
    पतन्ति पितरो ह्येषां लुप्तपिण्डोदकक्रियाः ॥ १-४२॥
    saṅkaro narakāyaiva kulaghnānāṃ kulasya ca |
    patanti pitaro hyeṣāṃ luptapiṇḍodakakriyāḥ || 1-42||

    GITA 1-43

    दोषैरेतैः कुलघ्नानां वर्णसङ्करकारकैः ।
    उत्साद्यन्ते जातिधर्माः कुलधर्माश्च शाश्वताः ॥ १-४३॥
    doṣairetaiḥ kulaghnānāṃ varṇasaṅkarakārakaiḥ |
    utsādyante jātidharmāḥ kuladharmāśca śāśvatāḥ || 1-43||

    GITA 1-44

    उत्सन्नकुलधर्माणां मनुष्याणां जनार्दन ।
    नरके नियतं वासो भवतीत्यनुशुश्रुम ॥ १-४४॥ (नरकेऽनियतं)
    utsannakuladharmāṇāṃ manuṣyāṇāṃ janārdana |
    narake niyataṃ vāso bhavatītyanuśuśruma || 1-44|| (narake'niyataṃ)

    GITA 1-45

    अहो बत महत्पापं कर्तुं व्यवसिता वयम् ।
    यद्राज्यसुखलोभेन हन्तुं स्वजनमुद्यताः ॥ १-४५॥
    aho bata mahatpāpaṃ kartuṃ vyavasitā vayam |
    yadrājyasukhalobhena hantuṃ svajanamudyatāḥ || 1-45||

    GITA 1-46

    यदि मामप्रतीकारमशस्त्रं शस्त्रपाणयः ।
    धार्तराष्ट्रा रणे हन्युस्तन्मे क्षेमतरं भवेत् ॥ १-४६॥
    yadi māmapratīkāramaśastraṃ śastrapāṇayaḥ |
    dhārtarāṣṭrā raṇe hanyustanme kṣemataraṃ bhavet || 1-46||

    GITA 1-47

    सञ्जय उवाच ।
    एवमुक्त्वार्जुनः सङ्ख्ये रथोपस्थ उपाविशत् ।
    विसृज्य सशरं चापं शोकसंविग्नमानसः ॥ १-४७॥
    sañjaya uvāca |
    evamuktvārjunaḥ saṅkhye rathopastha upāviśat |
    visṛjya saśaraṃ cāpaṃ śokasaṃvignamānasaḥ || 1-47||

    Adhyaya: 2/18 (72)

    अथ द्वितीयोऽध्यायः साङ्ख्ययोगः
    atha dvitīyo'dhyāyaḥ sāṅkhyayogaḥ

    GITA 2-1

    सञ्जय उवाच ।
    तं तथा कृपयाविष्टमश्रुपूर्णाकुलेक्षणम् ।
    विषीदन्तमिदं वाक्यमुवाच मधुसूदनः ॥ २-१॥
    sañjaya uvāca |
    taṃ tathā kṛpayāviṣṭamaśrupūrṇākulekṣaṇam |
    viṣīdantamidaṃ vākyamuvāca madhusūdanaḥ || 2-1||

    GITA 2-2

    श्रीभगवानुवाच ।
    कुतस्त्वा कश्मलमिदं विषमे समुपस्थितम् ।
    अनार्यजुष्टमस्वर्ग्यमकीर्तिकरमर्जुन ॥ २-२॥
    śrībhagavānuvāca |
    kutastvā kaśmalamidaṃ viṣame samupasthitam |
    anāryajuṣṭamasvargyamakīrtikaramarjuna || 2-2||

    GITA 2-3

    क्लैब्यं मा स्म गमः पार्थ नैतत्त्वय्युपपद्यते ।
    क्षुद्रं हृदयदौर्बल्यं त्यक्त्वोत्तिष्ठ परन्तप ॥ २-३॥
    klaibyaṃ mā sma gamaḥ pārtha naitattvayyupapadyate |
    kṣudraṃ hṛdayadaurbalyaṃ tyaktvottiṣṭha parantapa || 2-3||

    GITA 2-4

    अर्जुन उवाच ।
    कथं भीष्ममहं सङ्ख्ये द्रोणं च मधुसूदन ।
    इषुभिः प्रतियोत्स्यामि पूजार्हावरिसूदन ॥ २-४॥
    arjuna uvāca |
    kathaṃ bhīṣmamahaṃ saṅkhye droṇaṃ ca madhusūdana |
    iṣubhiḥ pratiyotsyāmi pūjārhāvarisūdana || 2-4||

    GITA 2-5

    गुरूनहत्वा हि महानुभावान्।ह् ।
    श्रेयो भोक्तुं भैक्ष्यमपीह लोके ।
    हत्वार्थकामांस्तु गुरूनिहैव ।
    भुञ्जीय भोगान् रुधिरप्रदिग्धान् ॥ २-५॥
    gurūnahatvā hi mahānubhāvān|h |
    śreyo bhoktuṃ bhaikṣyamapīha loke |
    hatvārthakāmāṃstu gurūnihaiva |
    bhuñjīya bhogān rudhirapradigdhān || 2-5||

    GITA 2-6

    न चैतद्विद्मः कतरन्नो गरीयो ।
    यद्वा जयेम यदि वा नो जयेयुः ।
    यानेव हत्वा न जिजीविषाम\- ।
    स्तेऽवस्थिताः प्रमुखे धार्तराष्ट्राः ॥ २-६॥
    na caitadvidmaḥ kataranno garīyo |
    yadvā jayema yadi vā no jayeyuḥ |
    yāneva hatvā na jijīviṣāma\- |
    ste'vasthitāḥ pramukhe dhārtarāṣṭrāḥ || 2-6||

    GITA 2-7

    कार्पण्यदोषोपहतस्वभावः ।
    पृच्छामि त्वां धर्मसम्मूढचेताः ।
    यच्छ्रेयः स्यान्निश्चितं ब्रूहि तन्मे ।
    शिष्यस्तेऽहं शाधि मां त्वां प्रपन्नम् ॥ २-७॥
    kārpaṇyadoṣopahatasvabhāvaḥ |
    pṛcchāmi tvāṃ dharmasammūḍhacetāḥ |
    yacchreyaḥ syānniścitaṃ brūhi tanme |
    śiṣyaste'haṃ śādhi māṃ tvāṃ prapannam || 2-7||

    GITA 2-8

    न हि प्रपश्यामि ममापनुद्याद्।ह् ।
    यच्छोकमुच्छोषणमिन्द्रियाणाम् ।
    अवाप्य भूमावसपत्नमृद्धं ।
    राज्यं सुराणामपि चाधिपत्यम् ॥ २-८॥
    na hi prapaśyāmi mamāpanudyād|h |
    yacchokamucchoṣaṇamindriyāṇām |
    avāpya bhūmāvasapatnamṛddhaṃ |
    rājyaṃ surāṇāmapi cādhipatyam || 2-8||

    GITA 2-9

    सञ्जय उवाच ।
    एवमुक्त्वा हृषीकेशं गुडाकेशः परन्तप ।
    न योत्स्य इति गोविन्दमुक्त्वा तूष्णीं बभूव ह ॥ २-९॥
    sañjaya uvāca |
    evamuktvā hṛṣīkeśaṃ guḍākeśaḥ parantapa |
    na yotsya iti govindamuktvā tūṣṇīṃ babhūva ha || 2-9||

    GITA 2-10

    तमुवाच हृषीकेशः प्रहसन्निव भारत ।
    सेनयोरुभयोर्मध्ये विषीदन्तमिदं वचः ॥ २-१०॥
    tamuvāca hṛṣīkeśaḥ prahasanniva bhārata |
    senayorubhayormadhye viṣīdantamidaṃ vacaḥ || 2-10||

    GITA 2-11

    श्रीभगवानुवाच ।
    अशोच्यानन्वशोचस्त्वं प्रज्ञावादांश्च भाषसे ।
    गतासूनगतासूंश्च नानुशोचन्ति पण्डिताः ॥ २-११॥
    śrībhagavānuvāca |
    aśocyānanvaśocastvaṃ prajñāvādāṃśca bhāṣase |
    gatāsūnagatāsūṃśca nānuśocanti paṇḍitāḥ || 2-11||

    GITA 2-12

    न त्वेवाहं जातु नासं न त्वं नेमे जनाधिपाः ।
    न चैव न भविष्यामः सर्वे वयमतः परम् ॥ २-१२॥
    na tvevāhaṃ jātu nāsaṃ na tvaṃ neme janādhipāḥ |
    na caiva na bhaviṣyāmaḥ sarve vayamataḥ param || 2-12||

    GITA 2-13

    देहिनोऽस्मिन्यथा देहे कौमारं यौवनं जरा ।
    तथा देहान्तरप्राप्तिर्धीरस्तत्र न मुह्यति ॥ २-१३॥
    dehino'sminyathā dehe kaumāraṃ yauvanaṃ jarā |
    tathā dehāntaraprāptirdhīrastatra na muhyati || 2-13||

    GITA 2-14

    मात्रास्पर्शास्तु कौन्तेय शीतोष्णसुखदुःखदाः ।
    आगमापायिनोऽनित्यास्तांस्तितिक्षस्व भारत ॥ २-१४॥
    mātrāsparśāstu kaunteya śītoṣṇasukhaduḥkhadāḥ |
    āgamāpāyino'nityāstāṃstitikṣasva bhārata || 2-14||

    GITA 2-15

    यं हि न व्यथयन्त्येते पुरुषं पुरुषर्षभ ।
    समदुःखसुखं धीरं सोऽमृतत्वाय कल्पते ॥ २-१५॥
    yaṃ hi na vyathayantyete puruṣaṃ puruṣarṣabha |
    samaduḥkhasukhaṃ dhīraṃ so'mṛtatvāya kalpate || 2-15||

    GITA 2-16

    नासतो विद्यते भावो नाभावो विद्यते सतः ।
    उभयोरपि दृष्टोऽन्तस्त्वनयोस्तत्त्वदर्शिभिः ॥ २-१६॥
    nāsato vidyate bhāvo nābhāvo vidyate sataḥ |
    ubhayorapi dṛṣṭo'ntastvanayostattvadarśibhiḥ || 2-16||

    GITA 2-17

    अविनाशि तु तद्विद्धि येन सर्वमिदं ततम् ।
    विनाशमव्ययस्यास्य न कश्चित्कर्तुमर्हति ॥ २-१७॥
    avināśi tu tadviddhi yena sarvamidaṃ tatam |
    vināśamavyayasyāsya na kaścitkartumarhati || 2-17||

    GITA 2-18

    अन्तवन्त इमे देहा नित्यस्योक्ताः शरीरिणः ।
    अनाशिनोऽप्रमेयस्य तस्माद्युध्यस्व भारत ॥ २-१८॥
    antavanta ime dehā nityasyoktāḥ śarīriṇaḥ |
    anāśino'prameyasya tasmādyudhyasva bhārata || 2-18||

    GITA 2-19

    य एनं वेत्ति हन्तारं यश्चैनं मन्यते हतम् ।
    उभौ तौ न विजानीतो नायं हन्ति न हन्यते ॥ २-१९॥
    ya enaṃ vetti hantāraṃ yaścainaṃ manyate hatam |
    ubhau tau na vijānīto nāyaṃ hanti na hanyate || 2-19||

    GITA 2-20

    न जायते म्रियते वा कदाचिन्।ह् ।
    नायं भूत्वा भविता वा न भूयः ।
    अजो नित्यः शाश्वतोऽयं पुराणो ।
    न हन्यते हन्यमाने शरीरे ॥ २-२०॥
    na jāyate mriyate vā kadācin|h |
    nāyaṃ bhūtvā bhavitā vā na bhūyaḥ |
    ajo nityaḥ śāśvato'yaṃ purāṇo |
    na hanyate hanyamāne śarīre || 2-20||

    GITA 2-21

    वेदाविनाशिनं नित्यं य एनमजमव्ययम् ।
    कथं स पुरुषः पार्थ कं घातयति हन्ति कम् ॥ २-२१॥
    vedāvināśinaṃ nityaṃ ya enamajamavyayam |
    kathaṃ sa puruṣaḥ pārtha kaṃ ghātayati hanti kam || 2-21||

    GITA 2-22

    वासांसि जीर्णानि यथा विहाय ।
    नवानि गृह्णाति नरोऽपराणि ।
    तथा शरीराणि विहाय जीर्णा\- ।
    न्यन्यानि संयाति नवानि देही ॥ २-२२॥
    vāsāṃsi jīrṇāni yathā vihāya |
    navāni gṛhṇāti naro'parāṇi |
    tathā śarīrāṇi vihāya jīrṇā\- |
    nyanyāni saṃyāti navāni dehī || 2-22||

    GITA 2-23

    नैनं छिन्दन्ति शस्त्राणि नैनं दहति पावकः ।
    न चैनं क्लेदयन्त्यापो न शोषयति मारुतः ॥ २-२३॥
    nainaṃ chindanti śastrāṇi nainaṃ dahati pāvakaḥ |
    na cainaṃ kledayantyāpo na śoṣayati mārutaḥ || 2-23||

    GITA 2-24

    अच्छेद्योऽयमदाह्योऽयमक्लेद्योऽशोष्य एव च ।
    नित्यः सर्वगतः स्थाणुरचलोऽयं सनातनः ॥ २-२४॥
    acchedyo'yamadāhyo'yamakledyo'śoṣya eva ca |
    nityaḥ sarvagataḥ sthāṇuracalo'yaṃ sanātanaḥ || 2-24||

    GITA 2-25

    अव्यक्तोऽयमचिन्त्योऽयमविकार्योऽयमुच्यते ।
    तस्मादेवं विदित्वैनं नानुशोचितुमर्हसि ॥ २-२५॥
    avyakto'yamacintyo'yamavikāryo'yamucyate |
    tasmādevaṃ viditvainaṃ nānuśocitumarhasi || 2-25||

    GITA 2-26

    अथ चैनं नित्यजातं नित्यं वा मन्यसे मृतम् ।
    तथापि त्वं महाबाहो नैवं शोचितुमर्हसि ॥ २-२६॥
    atha cainaṃ nityajātaṃ nityaṃ vā manyase mṛtam |
    tathāpi tvaṃ mahābāho naivaṃ śocitumarhasi || 2-26||

    GITA 2-27

    जातस्य हि ध्रुवो मृत्युर्ध्रुवं जन्म मृतस्य च ।
    तस्मादपरिहार्येऽर्थे न त्वं शोचितुमर्हसि ॥ २-२७॥
    jātasya hi dhruvo mṛtyurdhruvaṃ janma mṛtasya ca |
    tasmādaparihārye'rthe na tvaṃ śocitumarhasi || 2-27||

    GITA 2-28

    अव्यक्तादीनि भूतानि व्यक्तमध्यानि भारत ।
    अव्यक्तनिधनान्येव तत्र का परिदेवना ॥ २-२८॥
    avyaktādīni bhūtāni vyaktamadhyāni bhārata |
    avyaktanidhanānyeva tatra kā paridevanā || 2-28||

    GITA 2-29

    आश्चर्यवत्पश्यति कश्चिदेन\- ।
    माश्चर्यवद्वदति तथैव चान्यः ।
    आश्चर्यवच्चैनमन्यः शृणोति ।
    श्रुत्वाप्येनं वेद न चैव कश्चित् ॥ २-२९॥
    āścaryavatpaśyati kaścidena\- |
    māścaryavadvadati tathaiva cānyaḥ |
    āścaryavaccainamanyaḥ śṛṇoti |
    śrutvāpyenaṃ veda na caiva kaścit || 2-29||

    GITA 2-30

    देही नित्यमवध्योऽयं देहे सर्वस्य भारत ।
    तस्मात्सर्वाणि भूतानि न त्वं शोचितुमर्हसि ॥ २-३०॥
    dehī nityamavadhyo'yaṃ dehe sarvasya bhārata |
    tasmātsarvāṇi bhūtāni na tvaṃ śocitumarhasi || 2-30||

    GITA 2-31

    स्वधर्ममपि चावेक्ष्य न विकम्पितुमर्हसि ।
    धर्म्याद्धि युद्धाच्छ्रेयोऽन्यत्क्षत्रियस्य न विद्यते ॥ २-३१॥
    svadharmamapi cāvekṣya na vikampitumarhasi |
    dharmyāddhi yuddhācchreyo'nyatkṣatriyasya na vidyate || 2-31||

    GITA 2-32

    यदृच्छया चोपपन्नं स्वर्गद्वारमपावृतम् ।
    सुखिनः क्षत्रियाः पार्थ लभन्ते युद्धमीदृशम् ॥ २-३२॥
    yadṛcchayā copapannaṃ svargadvāramapāvṛtam |
    sukhinaḥ kṣatriyāḥ pārtha labhante yuddhamīdṛśam || 2-32||

    GITA 2-33

    अथ चेत्त्वमिमं धर्म्यं सङ्ग्रामं न करिष्यसि ।
    ततः स्वधर्मं कीर्तिं च हित्वा पापमवाप्स्यसि ॥ २-३३॥
    atha cettvamimaṃ dharmyaṃ saṅgrāmaṃ na kariṣyasi |
    tataḥ svadharmaṃ kīrtiṃ ca hitvā pāpamavāpsyasi || 2-33||

    GITA 2-34

    अकीर्तिं चापि भूतानि कथयिष्यन्ति तेऽव्ययाम् ।
    सम्भावितस्य चाकीर्तिर्मरणादतिरिच्यते ॥ २-३४॥
    akīrtiṃ cāpi bhūtāni kathayiṣyanti te'vyayām |
    sambhāvitasya cākīrtirmaraṇādatiricyate || 2-34||

    GITA 2-35

    भयाद्रणादुपरतं मंस्यन्ते त्वां महारथाः ।
    येषां च त्वं बहुमतो भूत्वा यास्यसि लाघवम् ॥ २-३५॥
    bhayādraṇāduparataṃ maṃsyante tvāṃ mahārathāḥ |
    yeṣāṃ ca tvaṃ bahumato bhūtvā yāsyasi lāghavam || 2-35||

    GITA 2-36

    अवाच्यवादांश्च बहून्वदिष्यन्ति तवाहिताः ।
    निन्दन्तस्तव सामर्थ्यं ततो दुःखतरं नु किम् ॥ २-३६॥
    avācyavādāṃśca bahūnvadiṣyanti tavāhitāḥ |
    nindantastava sāmarthyaṃ tato duḥkhataraṃ nu kim || 2-36||

    GITA 2-37

    हतो वा प्राप्स्यसि स्वर्गं जित्वा वा भोक्ष्यसे महीम् ।
    तस्मादुत्तिष्ठ कौन्तेय युद्धाय कृतनिश्चयः ॥ २-३७॥
    hato vā prāpsyasi svargaṃ jitvā vā bhokṣyase mahīm |
    tasmāduttiṣṭha kaunteya yuddhāya kṛtaniścayaḥ || 2-37||

    GITA 2-38

    सुखदुःखे समे कृत्वा लाभालाभौ जयाजयौ ।
    ततो युद्धाय युज्यस्व नैवं पापमवाप्स्यसि ॥ २-३८॥
    sukhaduḥkhe same kṛtvā lābhālābhau jayājayau |
    tato yuddhāya yujyasva naivaṃ pāpamavāpsyasi || 2-38||

    GITA 2-39

    एषा तेऽभिहिता साङ्ख्ये बुद्धिर्योगे त्विमां शृणु ।
    बुद्।ह्ध्या युक्तो यया पार्थ कर्मबन्धं प्रहास्यसि ॥ २-३९॥
    eṣā te'bhihitā sāṅkhye buddhiryoge tvimāṃ śṛṇu |
    bud|hdhyā yukto yayā pārtha karmabandhaṃ prahāsyasi || 2-39||

    GITA 2-40

    नेहाभिक्रमनाशोऽस्ति प्रत्यवायो न विद्यते ।
    स्वल्पमप्यस्य धर्मस्य त्रायते महतो भयात् ॥ २-४०॥
    nehābhikramanāśo'sti pratyavāyo na vidyate |
    svalpamapyasya dharmasya trāyate mahato bhayāt || 2-40||

    GITA 2-41

    व्यवसायात्मिका बुद्धिरेकेह कुरुनन्दन ।
    बहुशाखा ह्यनन्ताश्च बुद्धयोऽव्यवसायिनाम् ॥ २-४१॥
    vyavasāyātmikā buddhirekeha kurunandana |
    bahuśākhā hyanantāśca buddhayo'vyavasāyinām || 2-41||

    GITA 2-42

    यामिमां पुष्पितां वाचं प्रवदन्त्यविपश्चितः ।
    वेदवादरताः पार्थ नान्यदस्तीति वादिनः ॥ २-४२॥
    yāmimāṃ puṣpitāṃ vācaṃ pravadantyavipaścitaḥ |
    vedavādaratāḥ pārtha nānyadastīti vādinaḥ || 2-42||

    GITA 2-43

    कामात्मानः स्वर्गपरा जन्मकर्मफलप्रदाम् ।
    क्रियाविशेषबहुलां भोगैश्वर्यगतिं प्रति ॥ २-४३॥
    kāmātmānaḥ svargaparā janmakarmaphalapradām |
    kriyāviśeṣabahulāṃ bhogaiśvaryagatiṃ prati || 2-43||

    GITA 2-44

    भोगैश्वर्यप्रसक्तानां तयापहृतचेतसाम् ।
    व्यवसायात्मिका बुद्धिः समाधौ न विधीयते ॥ २-४४॥
    bhogaiśvaryaprasaktānāṃ tayāpahṛtacetasām |
    vyavasāyātmikā buddhiḥ samādhau na vidhīyate || 2-44||

    GITA 2-45

    त्रैगुण्यविषया वेदा निस्त्रैगुण्यो भवार्जुन ।
    निर्द्वन्द्वो नित्यसत्त्वस्थो निर्योगक्षेम आत्मवान् ॥ २-४५॥
    traiguṇyaviṣayā vedā nistraiguṇyo bhavārjuna |
    nirdvandvo nityasattvastho niryogakṣema ātmavān || 2-45||

    GITA 2-46

    यावानर्थ उदपाने सर्वतः सम्प्लुतोदके ।
    तावान्सर्वेषु वेदेषु ब्राह्मणस्य विजानतः ॥ २-४६॥
    yāvānartha udapāne sarvataḥ samplutodake |
    tāvānsarveṣu vedeṣu brāhmaṇasya vijānataḥ || 2-46||

    GITA 2-47

    कर्मण्येवाधिकारस्ते मा फलेषु कदाचन ।
    मा कर्मफलहेतुर्भूर्मा ते सङ्गोऽस्त्वकर्मणि ॥ २-४७॥
    karmaṇyevādhikāraste mā phaleṣu kadācana |
    mā karmaphalaheturbhūrmā te saṅgo'stvakarmaṇi || 2-47||

    GITA 2-48

    योगस्थः कुरु कर्माणि सङ्गं त्यक्त्वा धनञ्जय ।
    सिद्।ह्ध्यसिद्।ह्ध्योः समो भूत्वा समत्वं योग उच्यते ॥ २-४८॥
    yogasthaḥ kuru karmāṇi saṅgaṃ tyaktvā dhanañjaya |
    sid|hdhyasid|hdhyoḥ samo bhūtvā samatvaṃ yoga ucyate || 2-48||

    GITA 2-49

    दूरेण ह्यवरं कर्म बुद्धियोगाद्धनञ्जय ।
    बुद्धौ शरणमन्विच्छ कृपणाः फलहेतवः ॥ २-४९॥
    dūreṇa hyavaraṃ karma buddhiyogāddhanañjaya |
    buddhau śaraṇamanviccha kṛpaṇāḥ phalahetavaḥ || 2-49||

    GITA 2-50

    बुद्धियुक्तो जहातीह उभे सुकृतदुष्कृते ।
    तस्माद्योगाय युज्यस्व योगः कर्मसु कौशलम् ॥ २-५०॥
    buddhiyukto jahātīha ubhe sukṛtaduṣkṛte |
    tasmādyogāya yujyasva yogaḥ karmasu kauśalam || 2-50||

    GITA 2-51

    कर्मजं बुद्धियुक्ता हि फलं त्यक्त्वा मनीषिणः ।
    जन्मबन्धविनिर्मुक्ताः पदं गच्छन्त्यनामयम् ॥ २-५१॥
    karmajaṃ buddhiyuktā hi phalaṃ tyaktvā manīṣiṇaḥ |
    janmabandhavinirmuktāḥ padaṃ gacchantyanāmayam || 2-51||

    GITA 2-52

    यदा ते मोहकलिलं बुद्धिर्व्यतितरिष्यति ।
    तदा गन्तासि निर्वेदं श्रोतव्यस्य श्रुतस्य च ॥ २-५२॥
    yadā te mohakalilaṃ buddhirvyatitariṣyati |
    tadā gantāsi nirvedaṃ śrotavyasya śrutasya ca || 2-52||

    GITA 2-53

    श्रुतिविप्रतिपन्ना ते यदा स्थास्यति निश्चला ।
    समाधावचला बुद्धिस्तदा योगमवाप्स्यसि ॥ २-५३॥
    śrutivipratipannā te yadā sthāsyati niścalā |
    samādhāvacalā buddhistadā yogamavāpsyasi || 2-53||

    GITA 2-54

    अर्जुन उवाच ।
    स्थितप्रज्ञस्य का भाषा समाधिस्थस्य केशव ।
    स्थितधीः किं प्रभाषेत किमासीत व्रजेत किम् ॥ २-५४॥
    arjuna uvāca |
    sthitaprajñasya kā bhāṣā samādhisthasya keśava |
    sthitadhīḥ kiṃ prabhāṣeta kimāsīta vrajeta kim || 2-54||

    GITA 2-55

    श्रीभगवानुवाच ।
    प्रजहाति यदा कामान्सर्वान्पार्थ मनोगतान् ।
    आत्मन्येवात्मना तुष्टः स्थितप्रज्ञस्तदोच्यते ॥ २-५५॥
    śrībhagavānuvāca |
    prajahāti yadā kāmānsarvānpārtha manogatān |
    ātmanyevātmanā tuṣṭaḥ sthitaprajñastadocyate || 2-55||

    GITA 2-56

    दुःखेष्वनुद्विग्नमनाः सुखेषु विगतस्पृहः ।
    वीतरागभयक्रोधः स्थितधीर्मुनिरुच्यते ॥ २-५६॥
    duḥkheṣvanudvignamanāḥ sukheṣu vigataspṛhaḥ |
    vītarāgabhayakrodhaḥ sthitadhīrmunirucyate || 2-56||

    GITA 2-57

    यः सर्वत्रानभिस्नेहस्तत्तत्प्राप्य शुभाशुभम् ।
    नाभिनन्दति न द्वेष्टि तस्य प्रज्ञा प्रतिष्ठिता ॥ २-५७॥
    yaḥ sarvatrānabhisnehastattatprāpya śubhāśubham |
    nābhinandati na dveṣṭi tasya prajñā pratiṣṭhitā || 2-57||

    GITA 2-58

    यदा संहरते चायं कूर्मोऽङ्गानीव सर्वशः ।
    इन्द्रियाणीन्द्रियार्थेभ्यस्तस्य प्रज्ञा प्रतिष्ठिता ॥ २-५८॥
    yadā saṃharate cāyaṃ kūrmo'ṅgānīva sarvaśaḥ |
    indriyāṇīndriyārthebhyastasya prajñā pratiṣṭhitā || 2-58||

    GITA 2-59

    विषया विनिवर्तन्ते निराहारस्य देहिनः ।
    रसवर्जं रसोऽप्यस्य परं दृष्ट्वा निवर्तते ॥ २-५९॥
    viṣayā vinivartante nirāhārasya dehinaḥ |
    rasavarjaṃ raso'pyasya paraṃ dṛṣṭvā nivartate || 2-59||

    GITA 2-60

    यततो ह्यपि कौन्तेय पुरुषस्य विपश्चितः ।
    इन्द्रियाणि प्रमाथीनि हरन्ति प्रसभं मनः ॥ २-६०॥
    yatato hyapi kaunteya puruṣasya vipaścitaḥ |
    indriyāṇi pramāthīni haranti prasabhaṃ manaḥ || 2-60||

    GITA 2-61

    तानि सर्वाणि संयम्य युक्त आसीत मत्परः ।
    वशे हि यस्येन्द्रियाणि तस्य प्रज्ञा प्रतिष्ठिता ॥ २-६१॥
    tāni sarvāṇi saṃyamya yukta āsīta matparaḥ |
    vaśe hi yasyendriyāṇi tasya prajñā pratiṣṭhitā || 2-61||

    GITA 2-62

    ध्यायतो विषयान्पुंसः सङ्गस्तेषूपजायते ।
    सङ्गात्सञ्जायते कामः कामात्क्रोधोऽभिजायते ॥ २-६२॥
    dhyāyato viṣayānpuṃsaḥ saṅgasteṣūpajāyate |
    saṅgātsañjāyate kāmaḥ kāmātkrodho'bhijāyate || 2-62||

    GITA 2-63

    क्रोधाद्भवति सम्मोहः सम्मोहात्स्मृतिविभ्रमः ।
    स्मृतिभ्रंशाद् बुद्धिनाशो बुद्धिनाशात्प्रणश्यति ॥ २-६३॥
    krodhādbhavati sammohaḥ sammohātsmṛtivibhramaḥ |
    smṛtibhraṃśād buddhināśo buddhināśātpraṇaśyati || 2-63||

    GITA 2-64

    रागद्वेषविमुक्तैस्तु विषयानिन्द्रियैश्चरन् (रागद्वेषवियुक्तैस्तु) ।
    आत्मवश्यैर्विधेयात्मा प्रसादमधिगच्छति ॥ २-६४॥
    rāgadveṣavimuktaistu viṣayānindriyaiścaran (rāgadveṣaviyuktaistu) |
    ātmavaśyairvidheyātmā prasādamadhigacchati || 2-64||

    GITA 2-65

    प्रसादे सर्वदुःखानां हानिरस्योपजायते ।
    प्रसन्नचेतसो ह्याशु बुद्धिः पर्यवतिष्ठते ॥ २-६५॥
    prasāde sarvaduḥkhānāṃ hānirasyopajāyate |
    prasannacetaso hyāśu buddhiḥ paryavatiṣṭhate || 2-65||

    GITA 2-66

    नास्ति बुद्धिरयुक्तस्य न चायुक्तस्य भावना ।
    न चाभावयतः शान्तिरशान्तस्य कुतः सुखम् ॥ २-६६॥
    nāsti buddhirayuktasya na cāyuktasya bhāvanā |
    na cābhāvayataḥ śāntiraśāntasya kutaḥ sukham || 2-66||

    GITA 2-67

    इन्द्रियाणां हि चरतां यन्मनोऽनुविधीयते ।
    तदस्य हरति प्रज्ञां वायुर्नावमिवाम्भसि ॥ २-६७॥
    indriyāṇāṃ hi caratāṃ yanmano'nuvidhīyate |
    tadasya harati prajñāṃ vāyurnāvamivāmbhasi || 2-67||

    GITA 2-68

    तस्माद्यस्य महाबाहो निगृहीतानि सर्वशः ।
    इन्द्रियाणीन्द्रियार्थेभ्यस्तस्य प्रज्ञा प्रतिष्ठिता ॥ २-६८॥
    tasmādyasya mahābāho nigṛhītāni sarvaśaḥ |
    indriyāṇīndriyārthebhyastasya prajñā pratiṣṭhitā || 2-68||

    GITA 2-69

    या निशा सर्वभूतानां तस्यां जागर्ति संयमी ।
    यस्यां जाग्रति भूतानि सा निशा पश्यतो मुनेः ॥ २-६९॥
    yā niśā sarvabhūtānāṃ tasyāṃ jāgarti saṃyamī |
    yasyāṃ jāgrati bhūtāni sā niśā paśyato muneḥ || 2-69||

    GITA 2-70

    आपूर्यमाणमचलप्रतिष्ठं ।
    समुद्रमापः प्रविशन्ति यद्वत् ।
    तद्वत्कामा यं प्रविशन्ति सर्वे ।
    स शान्तिमाप्नोति न कामकामी ॥ २-७०॥
    āpūryamāṇamacalapratiṣṭhaṃ |
    samudramāpaḥ praviśanti yadvat |
    tadvatkāmā yaṃ praviśanti sarve |
    sa śāntimāpnoti na kāmakāmī || 2-70||

    GITA 2-71

    विहाय कामान्यः सर्वान्पुमांश्चरति निःस्पृहः ।
    निर्ममो निरहङ्कारः स शान्तिमधिगच्छति ॥ २-७१॥
    vihāya kāmānyaḥ sarvānpumāṃścarati niḥspṛhaḥ |
    nirmamo nirahaṅkāraḥ sa śāntimadhigacchati || 2-71||

    GITA 2-72

    एषा ब्राह्मी स्थितिः पार्थ नैनां प्राप्य विमुह्यति ।
    स्थित्वास्यामन्तकालेऽपि ब्रह्मनिर्वाणमृच्छति ॥ २-७२॥
    eṣā brāhmī sthitiḥ pārtha naināṃ prāpya vimuhyati |
    sthitvāsyāmantakāle'pi brahmanirvāṇamṛcchati || 2-72||

    Adhyaya: 3/18 (43)

    अथ तृतीयोऽध्यायः कर्मयोगः
    atha tṛtīyo'dhyāyaḥ karmayogaḥ

    GITA 3-1

    अर्जुन उवाच ।
    ज्यायसी चेत्कर्मणस्ते मता बुद्धिर्जनार्दन ।
    तत्किं कर्मणि घोरे मां नियोजयसि केशव ॥ ३-१॥
    arjuna uvāca |
    jyāyasī cetkarmaṇaste matā buddhirjanārdana |
    tatkiṃ karmaṇi ghore māṃ niyojayasi keśava || 3-1||

    GITA 3-2

    व्यामिश्रेणेव वाक्येन बुद्धिं मोहयसीव मे ।
    तदेकं वद निश्चित्य येन श्रेयोऽहमाप्नुयाम् ॥ ३-२॥
    vyāmiśreṇeva vākyena buddhiṃ mohayasīva me |
    tadekaṃ vada niścitya yena śreyo'hamāpnuyām || 3-2||

    GITA 3-3

    श्रीभगवानुवाच ।
    लोकेऽस्मिन् द्विविधा निष्ठा पुरा प्रोक्ता मयानघ ।
    ज्ञानयोगेन साङ्ख्यानां कर्मयोगेन योगिनाम् ॥ ३-३॥
    śrībhagavānuvāca |
    loke'smin dvividhā niṣṭhā purā proktā mayānagha |
    jñānayogena sāṅkhyānāṃ karmayogena yoginām || 3-3||

    GITA 3-4

    न कर्मणामनारम्भान्नैष्कर्म्यं पुरुषोऽश्नुते ।
    न च संन्यसनादेव सिद्धिं समधिगच्छति ॥ ३-४॥
    na karmaṇāmanārambhānnaiṣkarmyaṃ puruṣo'śnute |
    na ca saṃnyasanādeva siddhiṃ samadhigacchati || 3-4||

    GITA 3-5

    न हि कश्चित्क्षणमपि जातु तिष्ठत्यकर्मकृत् ।
    कार्यते ह्यवशः कर्म सर्वः प्रकृतिजैर्गुणैः ॥ ३-५॥
    na hi kaścitkṣaṇamapi jātu tiṣṭhatyakarmakṛt |
    kāryate hyavaśaḥ karma sarvaḥ prakṛtijairguṇaiḥ || 3-5||

    GITA 3-6

    कर्मेन्द्रियाणि संयम्य य आस्ते मनसा स्मरन् ।
    इन्द्रियार्थान्विमूढात्मा मिथ्याचारः स उच्यते ॥ ३-६॥
    karmendriyāṇi saṃyamya ya āste manasā smaran |
    indriyārthānvimūḍhātmā mithyācāraḥ sa ucyate || 3-6||

    GITA 3-7

    यस्त्विन्द्रियाणि मनसा नियम्यारभतेऽर्जुन ।
    कर्मेन्द्रियैः कर्मयोगमसक्तः स विशिष्यते ॥ ३-७॥
    yastvindriyāṇi manasā niyamyārabhate'rjuna |
    karmendriyaiḥ karmayogamasaktaḥ sa viśiṣyate || 3-7||

    GITA 3-8

    नियतं कुरु कर्म त्वं कर्म ज्यायो ह्यकर्मणः ।
    शरीरयात्रापि च ते न प्रसिद्।ह्ध्येदकर्मणः ॥ ३-८॥
    niyataṃ kuru karma tvaṃ karma jyāyo hyakarmaṇaḥ |
    śarīrayātrāpi ca te na prasid|hdhyedakarmaṇaḥ || 3-8||

    GITA 3-9

    यज्ञार्थात्कर्मणोऽन्यत्र लोकोऽयं कर्मबन्धनः ।
    तदर्थं कर्म कौन्तेय मुक्तसङ्गः समाचर ॥ ३-९॥
    yajñārthātkarmaṇo'nyatra loko'yaṃ karmabandhanaḥ |
    tadarthaṃ karma kaunteya muktasaṅgaḥ samācara || 3-9||

    GITA 3-10

    सहयज्ञाः प्रजाः सृष्ट्वा पुरोवाच प्रजापतिः ।
    अनेन प्रसविष्यध्वमेष वोऽस्त्विष्टकामधुक् ॥ ३-१०॥
    sahayajñāḥ prajāḥ sṛṣṭvā purovāca prajāpatiḥ |
    anena prasaviṣyadhvameṣa vo'stviṣṭakāmadhuk || 3-10||

    GITA 3-11

    देवान्भावयतानेन ते देवा भावयन्तु वः ।
    परस्परं भावयन्तः श्रेयः परमवाप्स्यथ ॥ ३-११॥
    devānbhāvayatānena te devā bhāvayantu vaḥ |
    parasparaṃ bhāvayantaḥ śreyaḥ paramavāpsyatha || 3-11||

    GITA 3-12

    इष्टान्भोगान्हि वो देवा दास्यन्ते यज्ञभाविताः ।
    तैर्दत्तानप्रदायैभ्यो यो भुङ्क्ते स्तेन एव सः ॥ ३-१२॥
    iṣṭānbhogānhi vo devā dāsyante yajñabhāvitāḥ |
    tairdattānapradāyaibhyo yo bhuṅkte stena eva saḥ || 3-12||

    GITA 3-13

    यज्ञशिष्टाशिनः सन्तो मुच्यन्ते सर्वकिल्बिषैः ।
    भुञ्जते ते त्वघं पापा ये पचन्त्यात्मकारणात् ॥ ३-१३॥
    yajñaśiṣṭāśinaḥ santo mucyante sarvakilbiṣaiḥ |
    bhuñjate te tvaghaṃ pāpā ye pacantyātmakāraṇāt || 3-13||

    GITA 3-14

    अन्नाद्भवन्ति भूतानि पर्जन्यादन्नसम्भवः ।
    यज्ञाद्भवति पर्जन्यो यज्ञः कर्मसमुद्भवः ॥ ३-१४॥
    annādbhavanti bhūtāni parjanyādannasambhavaḥ |
    yajñādbhavati parjanyo yajñaḥ karmasamudbhavaḥ || 3-14||

    GITA 3-15

    कर्म ब्रह्मोद्भवं विद्धि ब्रह्माक्षरसमुद्भवम् ।
    तस्मात्सर्वगतं ब्रह्म नित्यं यज्ञे प्रतिष्ठितम् ॥ ३-१५॥
    karma brahmodbhavaṃ viddhi brahmākṣarasamudbhavam |
    tasmātsarvagataṃ brahma nityaṃ yajñe pratiṣṭhitam || 3-15||

    GITA 3-16

    एवं प्रवर्तितं चक्रं नानुवर्तयतीह यः ।
    अघायुरिन्द्रियारामो मोघं पार्थ स जीवति ॥ ३-१६॥
    evaṃ pravartitaṃ cakraṃ nānuvartayatīha yaḥ |
    aghāyurindriyārāmo moghaṃ pārtha sa jīvati || 3-16||

    GITA 3-17

    यस्त्वात्मरतिरेव स्यादात्मतृप्तश्च मानवः ।
    आत्मन्येव च सन्तुष्टस्तस्य कार्यं न विद्यते ॥ ३-१७॥
    yastvātmaratireva syādātmatṛptaśca mānavaḥ |
    ātmanyeva ca santuṣṭastasya kāryaṃ na vidyate || 3-17||

    GITA 3-18

    नैव तस्य कृतेनार्थो नाकृतेनेह कश्चन ।
    न चास्य सर्वभूतेषु कश्चिदर्थव्यपाश्रयः ॥ ३-१८॥
    naiva tasya kṛtenārtho nākṛteneha kaścana |
    na cāsya sarvabhūteṣu kaścidarthavyapāśrayaḥ || 3-18||

    GITA 3-19

    तस्मादसक्तः सततं कार्यं कर्म समाचर ।
    असक्तो ह्याचरन्कर्म परमाप्नोति पूरुषः ॥ ३-१९॥
    tasmādasaktaḥ satataṃ kāryaṃ karma samācara |
    asakto hyācarankarma paramāpnoti pūruṣaḥ || 3-19||

    GITA 3-20

    कर्मणैव हि संसिद्धिमास्थिता जनकादयः ।
    लोकसङ्ग्रहमेवापि सम्पश्यन्कर्तुमर्हसि ॥ ३-२०॥
    karmaṇaiva hi saṃsiddhimāsthitā janakādayaḥ |
    lokasaṅgrahamevāpi sampaśyankartumarhasi || 3-20||

    GITA 3-21

    यद्यदाचरति श्रेष्ठस्तत्तदेवेतरो जनः ।
    स यत्प्रमाणं कुरुते लोकस्तदनुवर्तते ॥ ३-२१॥
    yadyadācarati śreṣṭhastattadevetaro janaḥ |
    sa yatpramāṇaṃ kurute lokastadanuvartate || 3-21||

    GITA 3-22

    न मे पार्थास्ति कर्तव्यं त्रिषु लोकेषु किञ्चन ।
    नानवाप्तमवाप्तव्यं वर्त एव च कर्मणि ॥ ३-२२॥
    na me pārthāsti kartavyaṃ triṣu lokeṣu kiñcana |
    nānavāptamavāptavyaṃ varta eva ca karmaṇi || 3-22||

    GITA 3-23

    यदि ह्यहं न वर्तेयं जातु कर्मण्यतन्द्रितः ।
    मम वर्त्मानुवर्तन्ते मनुष्याः पार्थ सर्वशः ॥ ३-२३॥
    yadi hyahaṃ na varteyaṃ jātu karmaṇyatandritaḥ |
    mama vartmānuvartante manuṣyāḥ pārtha sarvaśaḥ || 3-23||

    GITA 3-24

    उत्सीदेयुरिमे लोका न कुर्यां कर्म चेदहम् ।
    सङ्करस्य च कर्ता स्यामुपहन्यामिमाः प्रजाः ॥ ३-२४॥
    utsīdeyurime lokā na kuryāṃ karma cedaham |
    saṅkarasya ca kartā syāmupahanyāmimāḥ prajāḥ || 3-24||

    GITA 3-25

    सक्ताः कर्मण्यविद्वांसो यथा कुर्वन्ति भारत ।
    कुर्याद्विद्वांस्तथासक्तश्चिकीर्षुर्लोकसङ्ग्रहम् ॥ ३-२५॥
    saktāḥ karmaṇyavidvāṃso yathā kurvanti bhārata |
    kuryādvidvāṃstathāsaktaścikīrṣurlokasaṅgraham || 3-25||

    GITA 3-26

    न बुद्धिभेदं जनयेदज्ञानां कर्मसङ्गिनाम् ।
    जोषयेत्सर्वकर्माणि विद्वान्युक्तः समाचरन् ॥ ३-२६॥
    na buddhibhedaṃ janayedajñānāṃ karmasaṅginām |
    joṣayetsarvakarmāṇi vidvānyuktaḥ samācaran || 3-26||

    GITA 3-27

    प्रकृतेः क्रियमाणानि गुणैः कर्माणि सर्वशः ।
    अहङ्कारविमूढात्मा कर्ताहमिति मन्यते ॥ ३-२७॥
    prakṛteḥ kriyamāṇāni guṇaiḥ karmāṇi sarvaśaḥ |
    ahaṅkāravimūḍhātmā kartāhamiti manyate || 3-27||

    GITA 3-28

    तत्त्ववित्तु महाबाहो गुणकर्मविभागयोः ।
    गुणा गुणेषु वर्तन्त इति मत्वा न सज्जते ॥ ३-२८॥
    tattvavittu mahābāho guṇakarmavibhāgayoḥ |
    guṇā guṇeṣu vartanta iti matvā na sajjate || 3-28||

    GITA 3-29

    प्रकृतेर्गुणसम्मूढाः सज्जन्ते गुणकर्मसु ।
    तानकृत्स्नविदो मन्दान्कृत्स्नविन्न विचालयेत् ॥ ३-२९॥
    prakṛterguṇasammūḍhāḥ sajjante guṇakarmasu |
    tānakṛtsnavido mandānkṛtsnavinna vicālayet || 3-29||

    GITA 3-30

    मयि सर्वाणि कर्माणि संन्यस्याध्यात्मचेतसा ।
    निराशीर्निर्ममो भूत्वा युध्यस्व विगतज्वरः ॥ ३-३०॥
    mayi sarvāṇi karmāṇi saṃnyasyādhyātmacetasā |
    nirāśīrnirmamo bhūtvā yudhyasva vigatajvaraḥ || 3-30||

    GITA 3-31

    ये मे मतमिदं नित्यमनुतिष्ठन्ति मानवाः ।
    श्रद्धावन्तोऽनसूयन्तो मुच्यन्ते तेऽपि कर्मभिः ॥ ३-३१॥
    ye me matamidaṃ nityamanutiṣṭhanti mānavāḥ |
    śraddhāvanto'nasūyanto mucyante te'pi karmabhiḥ || 3-31||

    GITA 3-32

    ये त्वेतदभ्यसूयन्तो नानुतिष्ठन्ति मे मतम् ।
    सर्वज्ञानविमूढांस्तान्विद्धि नष्टानचेतसः ॥ ३-३२॥
    ye tvetadabhyasūyanto nānutiṣṭhanti me matam |
    sarvajñānavimūḍhāṃstānviddhi naṣṭānacetasaḥ || 3-32||

    GITA 3-33

    सदृशं चेष्टते स्वस्याः प्रकृतेर्ज्ञानवानपि ।
    प्रकृतिं यान्ति भूतानि निग्रहः किं करिष्यति ॥ ३-३३॥
    sadṛśaṃ ceṣṭate svasyāḥ prakṛterjñānavānapi |
    prakṛtiṃ yānti bhūtāni nigrahaḥ kiṃ kariṣyati || 3-33||

    GITA 3-34

    इन्द्रियस्येन्द्रियस्यार्थे रागद्वेषौ व्यवस्थितौ ।
    तयोर्न वशमागच्छेत्तौ ह्यस्य परिपन्थिनौ ॥ ३-३४॥
    indriyasyendriyasyārthe rāgadveṣau vyavasthitau |
    tayorna vaśamāgacchettau hyasya paripanthinau || 3-34||

    GITA 3-35

    श्रेयान्स्वधर्मो विगुणः परधर्मात्स्वनुष्ठितात् ।
    स्वधर्मे निधनं श्रेयः परधर्मो भयावहः ॥ ३-३५॥
    śreyānsvadharmo viguṇaḥ paradharmātsvanuṣṭhitāt |
    svadharme nidhanaṃ śreyaḥ paradharmo bhayāvahaḥ || 3-35||

    GITA 3-36

    अर्जुन उवाच ।
    अथ केन प्रयुक्तोऽयं पापं चरति पूरुषः ।
    अनिच्छन्नपि वार्ष्णेय बलादिव नियोजितः ॥ ३-३६॥
    arjuna uvāca |
    atha kena prayukto'yaṃ pāpaṃ carati pūruṣaḥ |
    anicchannapi vārṣṇeya balādiva niyojitaḥ || 3-36||

    GITA 3-37

    श्रीभगवानुवाच ।
    काम एष क्रोध एष रजोगुणसमुद्भवः ।
    महाशनो महापाप्मा विद्।ह्ध्येनमिह वैरिणम् ॥ ३-३७॥
    śrībhagavānuvāca |
    kāma eṣa krodha eṣa rajoguṇasamudbhavaḥ |
    mahāśano mahāpāpmā vid|hdhyenamiha vairiṇam || 3-37||

    GITA 3-38

    धूमेनाव्रियते वह्निर्यथादर्शो मलेन च ।
    यथोल्बेनावृतो गर्भस्तथा तेनेदमावृतम् ॥ ३-३८॥
    dhūmenāvriyate vahniryathādarśo malena ca |
    yatholbenāvṛto garbhastathā tenedamāvṛtam || 3-38||

    GITA 3-39

    आवृतं ज्ञानमेतेन ज्ञानिनो नित्यवैरिणा ।
    कामरूपेण कौन्तेय दुष्पूरेणानलेन च ॥ ३-३९॥
    āvṛtaṃ jñānametena jñānino nityavairiṇā |
    kāmarūpeṇa kaunteya duṣpūreṇānalena ca || 3-39||

    GITA 3-40

    इन्द्रियाणि मनो बुद्धिरस्याधिष्ठानमुच्यते ।
    एतैर्विमोहयत्येष ज्ञानमावृत्य देहिनम् ॥ ३-४०॥
    indriyāṇi mano buddhirasyādhiṣṭhānamucyate |
    etairvimohayatyeṣa jñānamāvṛtya dehinam || 3-40||

    GITA 3-41

    तस्मात्त्वमिन्द्रियाण्यादौ नियम्य भरतर्षभ ।
    पाप्मानं प्रजहि ह्येनं ज्ञानविज्ञाननाशनम् ॥ ३-४१॥
    tasmāttvamindriyāṇyādau niyamya bharatarṣabha |
    pāpmānaṃ prajahi hyenaṃ jñānavijñānanāśanam || 3-41||

    GITA 3-42

    इन्द्रियाणि पराण्याहुरिन्द्रियेभ्यः परं मनः ।
    मनसस्तु परा बुद्धिर्यो बुद्धेः परतस्तु सः ॥ ३-४२॥
    indriyāṇi parāṇyāhurindriyebhyaḥ paraṃ manaḥ |
    manasastu parā buddhiryo buddheḥ paratastu saḥ || 3-42||

    GITA 3-43

    एवं बुद्धेः परं बुद्ध्वा संस्तभ्यात्मानमात्मना ।
    जहि शत्रुं महाबाहो कामरूपं दुरासदम् ॥ ३-४३॥
    evaṃ buddheḥ paraṃ buddhvā saṃstabhyātmānamātmanā |
    jahi śatruṃ mahābāho kāmarūpaṃ durāsadam || 3-43||

    Adhyaya: 4/18 (42)

    अथ चतुर्थोऽध्यायः ज्ञानकर्मसंन्यासयोगः
    atha caturtho'dhyāyaḥ jñānakarmasaṃnyāsayogaḥ

    GITA 4-1

    श्रीभगवानुवाच ।
    इमं विवस्वते योगं प्रोक्तवानहमव्ययम् ।
    विवस्वान्मनवे प्राह मनुरिक्ष्वाकवेऽब्रवीत् ॥ ४-१॥
    śrībhagavānuvāca |
    imaṃ vivasvate yogaṃ proktavānahamavyayam |
    vivasvānmanave prāha manurikṣvākave'bravīt || 4-1||

    GITA 4-2

    एवं परम्पराप्राप्तमिमं राजर्षयो विदुः ।
    स कालेनेह महता योगो नष्टः परन्तप ॥ ४-२॥
    evaṃ paramparāprāptamimaṃ rājarṣayo viduḥ |
    sa kāleneha mahatā yogo naṣṭaḥ parantapa || 4-2||

    GITA 4-3

    स एवायं मया तेऽद्य योगः प्रोक्तः पुरातनः ।
    भक्तोऽसि मे सखा चेति रहस्यं ह्येतदुत्तमम् ॥ ४-३॥
    sa evāyaṃ mayā te'dya yogaḥ proktaḥ purātanaḥ |
    bhakto'si me sakhā ceti rahasyaṃ hyetaduttamam || 4-3||

    GITA 4-4

    अर्जुन उवाच ।
    अपरं भवतो जन्म परं जन्म विवस्वतः ।
    कथमेतद्विजानीयां त्वमादौ प्रोक्तवानिति ॥ ४-४॥
    arjuna uvāca |
    aparaṃ bhavato janma paraṃ janma vivasvataḥ |
    kathametadvijānīyāṃ tvamādau proktavāniti || 4-4||

    GITA 4-5

    श्रीभगवानुवाच ।
    बहूनि मे व्यतीतानि जन्मानि तव चार्जुन ।
    तान्यहं वेद सर्वाणि न त्वं वेत्थ परन्तप ॥ ४-५॥
    śrībhagavānuvāca |
    bahūni me vyatītāni janmāni tava cārjuna |
    tānyahaṃ veda sarvāṇi na tvaṃ vettha parantapa || 4-5||

    GITA 4-6

    अजोऽपि सन्नव्ययात्मा भूतानामीश्वरोऽपि सन् ।
    प्रकृतिं स्वामधिष्ठाय सम्भवाम्यात्ममायया ॥ ४-६॥
    ajo'pi sannavyayātmā bhūtānāmīśvaro'pi san |
    prakṛtiṃ svāmadhiṣṭhāya sambhavāmyātmamāyayā || 4-6||

    GITA 4-7

    यदा यदा हि धर्मस्य ग्लानिर्भवति भारत ।
    अभ्युत्थानमधर्मस्य तदात्मानं सृजाम्यहम् ॥ ४-७॥
    yadā yadā hi dharmasya glānirbhavati bhārata |
    abhyutthānamadharmasya tadātmānaṃ sṛjāmyaham || 4-7||

    GITA 4-8

    परित्राणाय साधूनां विनाशाय च दुष्कृताम् ।
    धर्मसंस्थापनार्थाय सम्भवामि युगे युगे ॥ ४-८॥
    paritrāṇāya sādhūnāṃ vināśāya ca duṣkṛtām |
    dharmasaṃsthāpanārthāya sambhavāmi yuge yuge || 4-8||

    GITA 4-9

    जन्म कर्म च मे दिव्यमेवं यो वेत्ति तत्त्वतः ।
    त्यक्त्वा देहं पुनर्जन्म नैति मामेति सोऽर्जुन ॥ ४-९॥
    janma karma ca me divyamevaṃ yo vetti tattvataḥ |
    tyaktvā dehaṃ punarjanma naiti māmeti so'rjuna || 4-9||

    GITA 4-10

    वीतरागभयक्रोधा मन्मया मामुपाश्रिताः ।
    बहवो ज्ञानतपसा पूता मद्भावमागताः ॥ ४-१०॥
    vītarāgabhayakrodhā manmayā māmupāśritāḥ |
    bahavo jñānatapasā pūtā madbhāvamāgatāḥ || 4-10||

    GITA 4-11

    ये यथा मां प्रपद्यन्ते तांस्तथैव भजाम्यहम् ।
    मम वर्त्मानुवर्तन्ते मनुष्याः पार्थ सर्वशः ॥ ४-११॥
    ye yathā māṃ prapadyante tāṃstathaiva bhajāmyaham |
    mama vartmānuvartante manuṣyāḥ pārtha sarvaśaḥ || 4-11||

    GITA 4-12

    काङ्क्षन्तः कर्मणां सिद्धिं यजन्त इह देवताः ।
    क्षिप्रं हि मानुषे लोके सिद्धिर्भवति कर्मजा ॥ ४-१२॥
    kāṅkṣantaḥ karmaṇāṃ siddhiṃ yajanta iha devatāḥ |
    kṣipraṃ hi mānuṣe loke siddhirbhavati karmajā || 4-12||

    GITA 4-13

    चातुर्वर्ण्यं मया सृष्टं गुणकर्मविभागशः ।
    तस्य कर्तारमपि मां विद्।ह्ध्यकर्तारमव्ययम् ॥ ४-१३॥
    cāturvarṇyaṃ mayā sṛṣṭaṃ guṇakarmavibhāgaśaḥ |
    tasya kartāramapi māṃ vid|hdhyakartāramavyayam || 4-13||

    GITA 4-14

    न मां कर्माणि लिम्पन्ति न मे कर्मफले स्पृहा ।
    इति मां योऽभिजानाति कर्मभिर्न स बध्यते ॥ ४-१४॥
    na māṃ karmāṇi limpanti na me karmaphale spṛhā |
    iti māṃ yo'bhijānāti karmabhirna sa badhyate || 4-14||

    GITA 4-15

    एवं ज्ञात्वा कृतं कर्म पूर्वैरपि मुमुक्षुभिः ।
    कुरु कर्मैव तस्मात्त्वं पूर्वैः पूर्वतरं कृतम् ॥ ४-१५॥
    evaṃ jñātvā kṛtaṃ karma pūrvairapi mumukṣubhiḥ |
    kuru karmaiva tasmāttvaṃ pūrvaiḥ pūrvataraṃ kṛtam || 4-15||

    GITA 4-16

    किं कर्म किमकर्मेति कवयोऽप्यत्र मोहिताः ।
    तत्ते कर्म प्रवक्ष्यामि यज्ज्ञात्वा मोक्ष्यसेऽशुभात् ॥ ४-१६॥
    kiṃ karma kimakarmeti kavayo'pyatra mohitāḥ |
    tatte karma pravakṣyāmi yajjñātvā mokṣyase'śubhāt || 4-16||

    GITA 4-17

    कर्मणो ह्यपि बोद्धव्यं बोद्धव्यं च विकर्मणः ।
    अकर्मणश्च बोद्धव्यं गहना कर्मणो गतिः ॥ ४-१७॥
    karmaṇo hyapi boddhavyaṃ boddhavyaṃ ca vikarmaṇaḥ |
    akarmaṇaśca boddhavyaṃ gahanā karmaṇo gatiḥ || 4-17||

    GITA 4-18

    कर्मण्यकर्म यः पश्येदकर्मणि च कर्म यः ।
    स बुद्धिमान्मनुष्येषु स युक्तः कृत्स्नकर्मकृत् ॥ ४-१८॥
    karmaṇyakarma yaḥ paśyedakarmaṇi ca karma yaḥ |
    sa buddhimānmanuṣyeṣu sa yuktaḥ kṛtsnakarmakṛt || 4-18||

    GITA 4-19

    यस्य सर्वे समारम्भाः कामसङ्कल्पवर्जिताः ।
    ज्ञानाग्निदग्धकर्माणं तमाहुः पण्डितं बुधाः ॥ ४-१९॥
    yasya sarve samārambhāḥ kāmasaṅkalpavarjitāḥ |
    jñānāgnidagdhakarmāṇaṃ tamāhuḥ paṇḍitaṃ budhāḥ || 4-19||

    GITA 4-20

    त्यक्त्वा कर्मफलासङ्गं नित्यतृप्तो निराश्रयः ।
    कर्मण्यभिप्रवृत्तोऽपि नैव किञ्चित्करोति सः ॥ ४-२०॥
    tyaktvā karmaphalāsaṅgaṃ nityatṛpto nirāśrayaḥ |
    karmaṇyabhipravṛtto'pi naiva kiñcitkaroti saḥ || 4-20||

    GITA 4-21

    निराशीर्यतचित्तात्मा त्यक्तसर्वपरिग्रहः ।
    शारीरं केवलं कर्म कुर्वन्नाप्नोति किल्बिषम् ॥ ४-२१॥
    nirāśīryatacittātmā tyaktasarvaparigrahaḥ |
    śārīraṃ kevalaṃ karma kurvannāpnoti kilbiṣam || 4-21||

    GITA 4-22

    यदृच्छालाभसन्तुष्टो द्वन्द्वातीतो विमत्सरः ।
    समः सिद्धावसिद्धौ च कृत्वापि न निबध्यते ॥ ४-२२॥
    yadṛcchālābhasantuṣṭo dvandvātīto vimatsaraḥ |
    samaḥ siddhāvasiddhau ca kṛtvāpi na nibadhyate || 4-22||

    GITA 4-23

    गतसङ्गस्य मुक्तस्य ज्ञानावस्थितचेतसः ।
    यज्ञायाचरतः कर्म समग्रं प्रविलीयते ॥ ४-२३॥
    gatasaṅgasya muktasya jñānāvasthitacetasaḥ |
    yajñāyācarataḥ karma samagraṃ pravilīyate || 4-23||

    GITA 4-24

    ब्रह्मार्पणं ब्रह्म हविर्ब्रह्माग्नौ ब्रह्मणा हुतम् ।
    ब्रह्मैव तेन गन्तव्यं ब्रह्मकर्मसमाधिना ॥ ४-२४॥
    brahmārpaṇaṃ brahma havirbrahmāgnau brahmaṇā hutam |
    brahmaiva tena gantavyaṃ brahmakarmasamādhinā || 4-24||

    GITA 4-25

    दैवमेवापरे यज्ञं योगिनः पर्युपासते ।
    ब्रह्माग्नावपरे यज्ञं यज्ञेनैवोपजुह्वति ॥ ४-२५॥
    daivamevāpare yajñaṃ yoginaḥ paryupāsate |
    brahmāgnāvapare yajñaṃ yajñenaivopajuhvati || 4-25||

    GITA 4-26

    श्रोत्रादीनीन्द्रियाण्यन्ये संयमाग्निषु जुह्वति ।
    शब्दादीन्विषयानन्य इन्द्रियाग्निषु जुह्वति ॥ ४-२६॥
    śrotrādīnīndriyāṇyanye saṃyamāgniṣu juhvati |
    śabdādīnviṣayānanya indriyāgniṣu juhvati || 4-26||

    GITA 4-27

    सर्वाणीन्द्रियकर्माणि प्राणकर्माणि चापरे ।
    आत्मसंयमयोगाग्नौ जुह्वति ज्ञानदीपिते ॥ ४-२७॥
    sarvāṇīndriyakarmāṇi prāṇakarmāṇi cāpare |
    ātmasaṃyamayogāgnau juhvati jñānadīpite || 4-27||

    GITA 4-28

    द्रव्ययज्ञास्तपोयज्ञा योगयज्ञास्तथापरे ।
    स्वाध्यायज्ञानयज्ञाश्च यतयः संशितव्रताः ॥ ४-२८॥
    dravyayajñāstapoyajñā yogayajñāstathāpare |
    svādhyāyajñānayajñāśca yatayaḥ saṃśitavratāḥ || 4-28||

    GITA 4-29

    अपाने जुह्वति प्राणं प्राणेऽपानं तथापरे ।
    प्राणापानगती रुद्।ह्ध्वा प्राणायामपरायणाः ॥ ४-२९॥
    apāne juhvati prāṇaṃ prāṇe'pānaṃ tathāpare |
    prāṇāpānagatī rud|hdhvā prāṇāyāmaparāyaṇāḥ || 4-29||

    GITA 4-30

    अपरे नियताहाराः प्राणान्प्राणेषु जुह्वति ।
    सर्वेऽप्येते यज्ञविदो यज्ञक्षपितकल्मषाः ॥ ४-३०॥
    apare niyatāhārāḥ prāṇānprāṇeṣu juhvati |
    sarve'pyete yajñavido yajñakṣapitakalmaṣāḥ || 4-30||

    GITA 4-31

    यज्ञशिष्टामृतभुजो यान्ति ब्रह्म सनातनम् ।
    नायं लोकोऽस्त्ययज्ञस्य कुतोऽन्यः कुरुसत्तम ॥ ४-३१॥
    yajñaśiṣṭāmṛtabhujo yānti brahma sanātanam |
    nāyaṃ loko'styayajñasya kuto'nyaḥ kurusattama || 4-31||

    GITA 4-32

    एवं बहुविधा यज्ञा वितता ब्रह्मणो मुखे ।
    कर्मजान्विद्धि तान्सर्वानेवं ज्ञात्वा विमोक्ष्यसे ॥ ४-३२॥
    evaṃ bahuvidhā yajñā vitatā brahmaṇo mukhe |
    karmajānviddhi tānsarvānevaṃ jñātvā vimokṣyase || 4-32||

    GITA 4-33

    श्रेयान्द्रव्यमयाद्यज्ञाज्ज्ञानयज्ञः परन्तप ।
    सर्वं कर्माखिलं पार्थ ज्ञाने परिसमाप्यते ॥ ४-३३॥
    śreyāndravyamayādyajñājjñānayajñaḥ parantapa |
    sarvaṃ karmākhilaṃ pārtha jñāne parisamāpyate || 4-33||

    GITA 4-34

    तद्विद्धि प्रणिपातेन परिप्रश्नेन सेवया ।
    उपदेक्ष्यन्ति ते ज्ञानं ज्ञानिनस्तत्त्वदर्शिनः ॥ ४-३४॥
    tadviddhi praṇipātena paripraśnena sevayā |
    upadekṣyanti te jñānaṃ jñāninastattvadarśinaḥ || 4-34||

    GITA 4-35

    यज्ज्ञात्वा न पुनर्मोहमेवं यास्यसि पाण्डव ।
    येन भूतान्यशेषेण द्रक्ष्यस्यात्मन्यथो मयि ॥ ४-३५॥ (भूतान्यशेषाणि)
    yajjñātvā na punarmohamevaṃ yāsyasi pāṇḍava |
    yena bhūtānyaśeṣeṇa drakṣyasyātmanyatho mayi || 4-35|| (bhūtānyaśeṣāṇi)

    GITA 4-36

    अपि चेदसि पापेभ्यः सर्वेभ्यः पापकृत्तमः ।
    सर्वं ज्ञानप्लवेनैव वृजिनं सन्तरिष्यसि ॥ ४-३६॥
    api cedasi pāpebhyaḥ sarvebhyaḥ pāpakṛttamaḥ |
    sarvaṃ jñānaplavenaiva vṛjinaṃ santariṣyasi || 4-36||

    GITA 4-37

    यथैधांसि समिद्धोऽग्निर्भस्मसात्कुरुतेऽर्जुन ।
    ज्ञानाग्निः सर्वकर्माणि भस्मसात्कुरुते तथा ॥ ४-३७॥
    yathaidhāṃsi samiddho'gnirbhasmasātkurute'rjuna |
    jñānāgniḥ sarvakarmāṇi bhasmasātkurute tathā || 4-37||

    GITA 4-38

    न हि ज्ञानेन सदृशं पवित्रमिह विद्यते ।
    तत्स्वयं योगसंसिद्धः कालेनात्मनि विन्दति ॥ ४-३८॥
    na hi jñānena sadṛśaṃ pavitramiha vidyate |
    tatsvayaṃ yogasaṃsiddhaḥ kālenātmani vindati || 4-38||

    GITA 4-39

    श्रद्धावाँल्लभते ज्ञानं तत्परः संयतेन्द्रियः ।
    ज्ञानं लब्ध्वा परां शान्तिमचिरेणाधिगच्छति ॥ ४-३९॥
    śraddhāvā~llabhate jñānaṃ tatparaḥ saṃyatendriyaḥ |
    jñānaṃ labdhvā parāṃ śāntimacireṇādhigacchati || 4-39||

    GITA 4-40

    अज्ञश्चाश्रद्दधानश्च संशयात्मा विनश्यति ।
    नायं लोकोऽस्ति न परो न सुखं संशयात्मनः ॥ ४-४०॥
    ajñaścāśraddadhānaśca saṃśayātmā vinaśyati |
    nāyaṃ loko'sti na paro na sukhaṃ saṃśayātmanaḥ || 4-40||

    GITA 4-41

    योगसंन्यस्तकर्माणं ज्ञानसञ्छिन्नसंशयम् ।
    आत्मवन्तं न कर्माणि निबध्नन्ति धनञ्जय ॥ ४-४१॥
    yogasaṃnyastakarmāṇaṃ jñānasañchinnasaṃśayam |
    ātmavantaṃ na karmāṇi nibadhnanti dhanañjaya || 4-41||

    GITA 4-42

    तस्मादज्ञानसम्भूतं हृत्स्थं ज्ञानासिनात्मनः ।
    छित्त्वैनं संशयं योगमातिष्ठोत्तिष्ठ भारत ॥ ४-४२॥
    tasmādajñānasambhūtaṃ hṛtsthaṃ jñānāsinātmanaḥ |
    chittvainaṃ saṃśayaṃ yogamātiṣṭhottiṣṭha bhārata || 4-42||

    Adhyaya: 5/18 (29)

    अथ पञ्चमोऽध्यायः संन्यासयोगः
    atha pañcamo'dhyāyaḥ saṃnyāsayogaḥ

    GITA 5-1

    अर्जुन उवाच ।
    संन्यासं कर्मणां कृष्ण पुनर्योगं च शंससि ।
    यच्छ्रेय एतयोरेकं तन्मे ब्रूहि सुनिश्चितम् ॥ ५-१॥
    arjuna uvāca |
    saṃnyāsaṃ karmaṇāṃ kṛṣṇa punaryogaṃ ca śaṃsasi |
    yacchreya etayorekaṃ tanme brūhi suniścitam || 5-1||

    GITA 5-2

    श्रीभगवानुवाच ।
    संन्यासः कर्मयोगश्च निःश्रेयसकरावुभौ ।
    तयोस्तु कर्मसंन्यासात्कर्मयोगो विशिष्यते ॥ ५-२॥
    śrībhagavānuvāca |
    saṃnyāsaḥ karmayogaśca niḥśreyasakarāvubhau |
    tayostu karmasaṃnyāsātkarmayogo viśiṣyate || 5-2||

    GITA 5-3

    ज्ञेयः स नित्यसंन्यासी यो न द्वेष्टि न काङ्क्षति ।
    निर्द्वन्द्वो हि महाबाहो सुखं बन्धात्प्रमुच्यते ॥ ५-३॥
    jñeyaḥ sa nityasaṃnyāsī yo na dveṣṭi na kāṅkṣati |
    nirdvandvo hi mahābāho sukhaṃ bandhātpramucyate || 5-3||

    GITA 5-4

    साङ्ख्ययोगौ पृथग्बालाः प्रवदन्ति न पण्डिताः ।
    एकमप्यास्थितः सम्यगुभयोर्विन्दते फलम् ॥ ५-४॥
    sāṅkhyayogau pṛthagbālāḥ pravadanti na paṇḍitāḥ |
    ekamapyāsthitaḥ samyagubhayorvindate phalam || 5-4||

    GITA 5-5

    यत्साङ्ख्यैः प्राप्यते स्थानं तद्योगैरपि गम्यते ।
    एकं साङ्ख्यं च योगं च यः पश्यति स पश्यति ॥ ५-५॥
    yatsāṅkhyaiḥ prāpyate sthānaṃ tadyogairapi gamyate |
    ekaṃ sāṅkhyaṃ ca yogaṃ ca yaḥ paśyati sa paśyati || 5-5||

    GITA 5-6

    संन्यासस्तु महाबाहो दुःखमाप्तुमयोगतः ।
    योगयुक्तो मुनिर्ब्रह्म नचिरेणाधिगच्छति ॥ ५-६॥
    saṃnyāsastu mahābāho duḥkhamāptumayogataḥ |
    yogayukto munirbrahma nacireṇādhigacchati || 5-6||

    GITA 5-7

    योगयुक्तो विशुद्धात्मा विजितात्मा जितेन्द्रियः ।
    सर्वभूतात्मभूतात्मा कुर्वन्नपि न लिप्यते ॥ ५-७॥
    yogayukto viśuddhātmā vijitātmā jitendriyaḥ |
    sarvabhūtātmabhūtātmā kurvannapi na lipyate || 5-7||

    GITA 5-8

    नैव किञ्चित्करोमीति युक्तो मन्येत तत्त्ववित् ।
    पश्यञ्शृण्वन्स्पृशञ्जिघ्रन्नश्नन्गच्छन्स्वपञ्श्वसन् ॥ ५-८॥
    naiva kiñcitkaromīti yukto manyeta tattvavit |
    paśyañśṛṇvanspṛśañjighrannaśnangacchansvapañśvasan || 5-8||

    GITA 5-9

    प्रलपन्विसृजन्गृह्णन्नुन्मिषन्निमिषन्नपि ।
    इन्द्रियाणीन्द्रियार्थेषु वर्तन्त इति धारयन् ॥ ५-९॥
    pralapanvisṛjangṛhṇannunmiṣannimiṣannapi |
    indriyāṇīndriyārtheṣu vartanta iti dhārayan || 5-9||

    GITA 5-10

    ब्रह्मण्याधाय कर्माणि सङ्गं त्यक्त्वा करोति यः ।
    लिप्यते न स पापेन पद्मपत्रमिवाम्भसा ॥ ५-१०॥
    brahmaṇyādhāya karmāṇi saṅgaṃ tyaktvā karoti yaḥ |
    lipyate na sa pāpena padmapatramivāmbhasā || 5-10||

    GITA 5-11

    कायेन मनसा बुद्।ह्ध्या केवलैरिन्द्रियैरपि ।
    योगिनः कर्म कुर्वन्ति सङ्गं त्यक्त्वात्मशुद्धये ॥ ५-११॥
    kāyena manasā bud|hdhyā kevalairindriyairapi |
    yoginaḥ karma kurvanti saṅgaṃ tyaktvātmaśuddhaye || 5-11||

    GITA 5-12

    युक्तः कर्मफलं त्यक्त्वा शान्तिमाप्नोति नैष्ठिकीम् ।
    अयुक्तः कामकारेण फले सक्तो निबध्यते ॥ ५-१२॥
    yuktaḥ karmaphalaṃ tyaktvā śāntimāpnoti naiṣṭhikīm |
    ayuktaḥ kāmakāreṇa phale sakto nibadhyate || 5-12||

    GITA 5-13

    सर्वकर्माणि मनसा संन्यस्यास्ते सुखं वशी ।
    नवद्वारे पुरे देही नैव कुर्वन्न कारयन् ॥ ५-१३॥
    sarvakarmāṇi manasā saṃnyasyāste sukhaṃ vaśī |
    navadvāre pure dehī naiva kurvanna kārayan || 5-13||

    GITA 5-14

    न कर्तृत्वं न कर्माणि लोकस्य सृजति प्रभुः ।
    न कर्मफलसंयोगं स्वभावस्तु प्रवर्तते ॥ ५-१४॥
    na kartṛtvaṃ na karmāṇi lokasya sṛjati prabhuḥ |
    na karmaphalasaṃyogaṃ svabhāvastu pravartate || 5-14||

    GITA 5-15

    नादत्ते कस्यचित्पापं न चैव सुकृतं विभुः ।
    अज्ञानेनावृतं ज्ञानं तेन मुह्यन्ति जन्तवः ॥ ५-१५॥
    nādatte kasyacitpāpaṃ na caiva sukṛtaṃ vibhuḥ |
    ajñānenāvṛtaṃ jñānaṃ tena muhyanti jantavaḥ || 5-15||

    GITA 5-16

    ज्ञानेन तु तदज्ञानं येषां नाशितमात्मनः ।
    तेषामादित्यवज्ज्ञानं प्रकाशयति तत्परम् ॥ ५-१६॥
    jñānena tu tadajñānaṃ yeṣāṃ nāśitamātmanaḥ |
    teṣāmādityavajjñānaṃ prakāśayati tatparam || 5-16||

    GITA 5-17

    तद्।ह्बुद्धयस्तदात्मानस्तन्निष्ठास्तत्परायणाः ।
    गच्छन्त्यपुनरावृत्तिं ज्ञाननिर्धूतकल्मषाः ॥ ५-१७॥
    tad|hbuddhayastadātmānastanniṣṭhāstatparāyaṇāḥ |
    gacchantyapunarāvṛttiṃ jñānanirdhūtakalmaṣāḥ || 5-17||

    GITA 5-18

    विद्याविनयसम्पन्ने ब्राह्मणे गवि हस्तिनि ।
    शुनि चैव श्वपाके च पण्डिताः समदर्शिनः ॥ ५-१८॥
    vidyāvinayasampanne brāhmaṇe gavi hastini |
    śuni caiva śvapāke ca paṇḍitāḥ samadarśinaḥ || 5-18||

    GITA 5-19

    इहैव तैर्जितः सर्गो येषां साम्ये स्थितं मनः ।
    निर्दोषं हि समं ब्रह्म तस्माद् ब्रह्मणि ते स्थिताः ॥ ५-१९॥
    ihaiva tairjitaḥ sargo yeṣāṃ sāmye sthitaṃ manaḥ |
    nirdoṣaṃ hi samaṃ brahma tasmād brahmaṇi te sthitāḥ || 5-19||

    GITA 5-20

    न प्रहृष्येत्प्रियं प्राप्य नोद्विजेत्प्राप्य चाप्रियम् ।
    स्थिरबुद्धिरसम्मूढो ब्रह्मविद् ब्रह्मणि स्थितः ॥ ५-२०॥
    na prahṛṣyetpriyaṃ prāpya nodvijetprāpya cāpriyam |
    sthirabuddhirasammūḍho brahmavid brahmaṇi sthitaḥ || 5-20||

    GITA 5-21

    बाह्यस्पर्शेष्वसक्तात्मा विन्दत्यात्मनि यत्सुखम् ।
    स ब्रह्मयोगयुक्तात्मा सुखमक्षयमश्नुते ॥ ५-२१॥
    bāhyasparśeṣvasaktātmā vindatyātmani yatsukham |
    sa brahmayogayuktātmā sukhamakṣayamaśnute || 5-21||

    GITA 5-22

    ये हि संस्पर्शजा भोगा दुःखयोनय एव ते ।
    आद्यन्तवन्तः कौन्तेय न तेषु रमते बुधः ॥ ५-२२॥
    ye hi saṃsparśajā bhogā duḥkhayonaya eva te |
    ādyantavantaḥ kaunteya na teṣu ramate budhaḥ || 5-22||

    GITA 5-23

    शक्नोतीहैव यः सोढुं प्राक्शरीरविमोक्षणात् ।
    कामक्रोधोद्भवं वेगं स युक्तः स सुखी नरः ॥ ५-२३॥
    śaknotīhaiva yaḥ soḍhuṃ prākśarīravimokṣaṇāt |
    kāmakrodhodbhavaṃ vegaṃ sa yuktaḥ sa sukhī naraḥ || 5-23||

    GITA 5-24

    योऽन्तःसुखोऽन्तरारामस्तथान्तर्ज्योतिरेव यः ।
    स योगी ब्रह्मनिर्वाणं ब्रह्मभूतोऽधिगच्छति ॥ ५-२४॥
    yo'ntaḥsukho'ntarārāmastathāntarjyotireva yaḥ |
    sa yogī brahmanirvāṇaṃ brahmabhūto'dhigacchati || 5-24||

    GITA 5-25

    लभन्ते ब्रह्मनिर्वाणमृषयः क्षीणकल्मषाः ।
    छिन्नद्वैधा यतात्मानः सर्वभूतहिते रताः ॥ ५-२५॥
    labhante brahmanirvāṇamṛṣayaḥ kṣīṇakalmaṣāḥ |
    chinnadvaidhā yatātmānaḥ sarvabhūtahite ratāḥ || 5-25||

    GITA 5-26

    कामक्रोधवियुक्तानां यतीनां यतचेतसाम् ।
    अभितो ब्रह्मनिर्वाणं वर्तते विदितात्मनाम् ॥ ५-२६॥
    kāmakrodhaviyuktānāṃ yatīnāṃ yatacetasām |
    abhito brahmanirvāṇaṃ vartate viditātmanām || 5-26||

    GITA 5-27

    स्पर्शान्कृत्वा बहिर्बाह्यांश्चक्षुश्चैवान्तरे भ्रुवोः ।
    प्राणापानौ समौ कृत्वा नासाभ्यन्तरचारिणौ ॥ ५-२७॥
    sparśānkṛtvā bahirbāhyāṃścakṣuścaivāntare bhruvoḥ |
    prāṇāpānau samau kṛtvā nāsābhyantaracāriṇau || 5-27||

    GITA 5-28

    यतेन्द्रियमनोबुद्धिर्मुनिर्मोक्षपरायणः ।
    विगतेच्छाभयक्रोधो यः सदा मुक्त एव सः ॥ ५-२८॥
    yatendriyamanobuddhirmunirmokṣaparāyaṇaḥ |
    vigatecchābhayakrodho yaḥ sadā mukta eva saḥ || 5-28||

    GITA 5-29

    भोक्तारं यज्ञतपसां सर्वलोकमहेश्वरम् ।
    सुहृदं सर्वभूतानां ज्ञात्वा मां शान्तिमृच्छति ॥ ५-२९॥
    bhoktāraṃ yajñatapasāṃ sarvalokamaheśvaram |
    suhṛdaṃ sarvabhūtānāṃ jñātvā māṃ śāntimṛcchati || 5-29||

    Adhyaya: 6/18 (47)

    अथ षष्ठोऽध्यायः आत्मसंयमयोगः
    atha ṣaṣṭho'dhyāyaḥ ātmasaṃyamayogaḥ

    GITA 6-1

    श्रीभगवानुवाच ।
    अनाश्रितः कर्मफलं कार्यं कर्म करोति यः ।
    स संन्यासी च योगी च न निरग्निर्न चाक्रियः ॥ ६-१॥
    śrībhagavānuvāca |
    anāśritaḥ karmaphalaṃ kāryaṃ karma karoti yaḥ |
    sa saṃnyāsī ca yogī ca na niragnirna cākriyaḥ || 6-1||

    GITA 6-2

    यं संन्यासमिति प्राहुर्योगं तं विद्धि पाण्डव ।
    न ह्यसंन्यस्तसङ्कल्पो योगी भवति कश्चन ॥ ६-२॥
    yaṃ saṃnyāsamiti prāhuryogaṃ taṃ viddhi pāṇḍava |
    na hyasaṃnyastasaṅkalpo yogī bhavati kaścana || 6-2||

    GITA 6-3

    आरुरुक्षोर्मुनेर्योगं कर्म कारणमुच्यते ।
    योगारूढस्य तस्यैव शमः कारणमुच्यते ॥ ६-३॥
    ārurukṣormuneryogaṃ karma kāraṇamucyate |
    yogārūḍhasya tasyaiva śamaḥ kāraṇamucyate || 6-3||

    GITA 6-4

    यदा हि नेन्द्रियार्थेषु न कर्मस्वनुषज्जते ।
    सर्वसङ्कल्पसंन्यासी योगारूढस्तदोच्यते ॥ ६-४॥
    yadā hi nendriyārtheṣu na karmasvanuṣajjate |
    sarvasaṅkalpasaṃnyāsī yogārūḍhastadocyate || 6-4||

    GITA 6-5

    उद्धरेदात्मनात्मानं नात्मानमवसादयेत् ।
    आत्मैव ह्यात्मनो बन्धुरात्मैव रिपुरात्मनः ॥ ६-५॥
    uddharedātmanātmānaṃ nātmānamavasādayet |
    ātmaiva hyātmano bandhurātmaiva ripurātmanaḥ || 6-5||

    GITA 6-6

    बन्धुरात्मात्मनस्तस्य येनात्मैवात्मना जितः ।
    अनात्मनस्तु शत्रुत्वे वर्तेतात्मैव शत्रुवत् ॥ ६-६॥
    bandhurātmātmanastasya yenātmaivātmanā jitaḥ |
    anātmanastu śatrutve vartetātmaiva śatruvat || 6-6||

    GITA 6-7

    जितात्मनः प्रशान्तस्य परमात्मा समाहितः ।
    शीतोष्णसुखदुःखेषु तथा मानापमानयोः ॥ ६-७॥
    jitātmanaḥ praśāntasya paramātmā samāhitaḥ |
    śītoṣṇasukhaduḥkheṣu tathā mānāpamānayoḥ || 6-7||

    GITA 6-8

    ज्ञानविज्ञानतृप्तात्मा कूटस्थो विजितेन्द्रियः ।
    युक्त इत्युच्यते योगी समलोष्टाश्मकाञ्चनः ॥ ६-८॥
    jñānavijñānatṛptātmā kūṭastho vijitendriyaḥ |
    yukta ityucyate yogī samaloṣṭāśmakāñcanaḥ || 6-8||

    GITA 6-9

    सुहृन्मित्रार्युदासीनमध्यस्थद्वेष्यबन्धुषु ।
    साधुष्वपि च पापेषु समबुद्धिर्विशिष्यते ॥ ६-९॥
    suhṛnmitrāryudāsīnamadhyasthadveṣyabandhuṣu |
    sādhuṣvapi ca pāpeṣu samabuddhirviśiṣyate || 6-9||

    GITA 6-10

    योगी युञ्जीत सततमात्मानं रहसि स्थितः ।
    एकाकी यतचित्तात्मा निराशीरपरिग्रहः ॥ ६-१०॥
    yogī yuñjīta satatamātmānaṃ rahasi sthitaḥ |
    ekākī yatacittātmā nirāśīraparigrahaḥ || 6-10||

    GITA 6-11

    शुचौ देशे प्रतिष्ठाप्य स्थिरमासनमात्मनः ।
    नात्युच्छ्रितं नातिनीचं चैलाजिनकुशोत्तरम् ॥ ६-११॥
    śucau deśe pratiṣṭhāpya sthiramāsanamātmanaḥ |
    nātyucchritaṃ nātinīcaṃ cailājinakuśottaram || 6-11||

    GITA 6-12

    तत्रैकाग्रं मनः कृत्वा यतचित्तेन्द्रियक्रियः ।
    उपविश्यासने युञ्ज्याद्योगमात्मविशुद्धये ॥ ६-१२॥
    tatraikāgraṃ manaḥ kṛtvā yatacittendriyakriyaḥ |
    upaviśyāsane yuñjyādyogamātmaviśuddhaye || 6-12||

    GITA 6-13

    समं कायशिरोग्रीवं धारयन्नचलं स्थिरः ।
    सम्प्रेक्ष्य नासिकाग्रं स्वं दिशश्चानवलोकयन् ॥ ६-१३॥
    samaṃ kāyaśirogrīvaṃ dhārayannacalaṃ sthiraḥ |
    samprekṣya nāsikāgraṃ svaṃ diśaścānavalokayan || 6-13||

    GITA 6-14

    प्रशान्तात्मा विगतभीर्ब्रह्मचारिव्रते स्थितः ।
    मनः संयम्य मच्चित्तो युक्त आसीत मत्परः ॥ ६-१४॥
    praśāntātmā vigatabhīrbrahmacārivrate sthitaḥ |
    manaḥ saṃyamya maccitto yukta āsīta matparaḥ || 6-14||

    GITA 6-15

    युञ्जन्नेवं सदात्मानं योगी नियतमानसः ।
    शान्तिं निर्वाणपरमां मत्संस्थामधिगच्छति ॥ ६-१५॥
    yuñjannevaṃ sadātmānaṃ yogī niyatamānasaḥ |
    śāntiṃ nirvāṇaparamāṃ matsaṃsthāmadhigacchati || 6-15||

    GITA 6-16

    नात्यश्नतस्तु योगोऽस्ति न चैकान्तमनश्नतः ।
    न चातिस्वप्नशीलस्य जाग्रतो नैव चार्जुन ॥ ६-१६॥
    nātyaśnatastu yogo'sti na caikāntamanaśnataḥ |
    na cātisvapnaśīlasya jāgrato naiva cārjuna || 6-16||

    GITA 6-17

    युक्ताहारविहारस्य युक्तचेष्टस्य कर्मसु ।
    युक्तस्वप्नावबोधस्य योगो भवति दुःखहा ॥ ६-१७॥
    yuktāhāravihārasya yuktaceṣṭasya karmasu |
    yuktasvapnāvabodhasya yogo bhavati duḥkhahā || 6-17||

    GITA 6-18

    यदा विनियतं चित्तमात्मन्येवावतिष्ठते ।
    निःस्पृहः सर्वकामेभ्यो युक्त इत्युच्यते तदा ॥ ६-१८॥
    yadā viniyataṃ cittamātmanyevāvatiṣṭhate |
    niḥspṛhaḥ sarvakāmebhyo yukta ityucyate tadā || 6-18||

    GITA 6-19

    यथा दीपो निवातस्थो नेङ्गते सोपमा स्मृता ।
    योगिनो यतचित्तस्य युञ्जतो योगमात्मनः ॥ ६-१९॥
    yathā dīpo nivātastho neṅgate sopamā smṛtā |
    yogino yatacittasya yuñjato yogamātmanaḥ || 6-19||

    GITA 6-20

    यत्रोपरमते चित्तं निरुद्धं योगसेवया ।
    यत्र चैवात्मनात्मानं पश्यन्नात्मनि तुष्यति ॥ ६-२०॥
    yatroparamate cittaṃ niruddhaṃ yogasevayā |
    yatra caivātmanātmānaṃ paśyannātmani tuṣyati || 6-20||

    GITA 6-21

    सुखमात्यन्तिकं यत्तद् बुद्धिग्राह्यमतीन्द्रियम् ।
    वेत्ति यत्र न चैवायं स्थितश्चलति तत्त्वतः ॥ ६-२१॥
    sukhamātyantikaṃ yattad buddhigrāhyamatīndriyam |
    vetti yatra na caivāyaṃ sthitaścalati tattvataḥ || 6-21||

    GITA 6-22

    यं लब्ध्वा चापरं लाभं मन्यते नाधिकं ततः ।
    यस्मिन्स्थितो न दुःखेन गुरुणापि विचाल्यते ॥ ६-२२॥
    yaṃ labdhvā cāparaṃ lābhaṃ manyate nādhikaṃ tataḥ |
    yasminsthito na duḥkhena guruṇāpi vicālyate || 6-22||

    GITA 6-23

    तं विद्याद् दुःखसंयोगवियोगं योगसंज्ञितम् ।
    स निश्चयेन योक्तव्यो योगोऽनिर्विण्णचेतसा ॥ ६-२३॥
    taṃ vidyād duḥkhasaṃyogaviyogaṃ yogasaṃjñitam |
    sa niścayena yoktavyo yogo'nirviṇṇacetasā || 6-23||

    GITA 6-24

    सङ्कल्पप्रभवान्कामांस्त्यक्त्वा सर्वानशेषतः ।
    मनसैवेन्द्रियग्रामं विनियम्य समन्ततः ॥ ६-२४॥
    saṅkalpaprabhavānkāmāṃstyaktvā sarvānaśeṣataḥ |
    manasaivendriyagrāmaṃ viniyamya samantataḥ || 6-24||

    GITA 6-25

    शनैः शनैरुपरमेद् बुद्।ह्ध्या धृतिगृहीतया ।
    आत्मसंस्थं मनः कृत्वा न किञ्चिदपि चिन्तयेत् ॥ ६-२५॥
    śanaiḥ śanairuparamed bud|hdhyā dhṛtigṛhītayā |
    ātmasaṃsthaṃ manaḥ kṛtvā na kiñcidapi cintayet || 6-25||

    GITA 6-26

    यतो यतो निश्चरति मनश्चञ्चलमस्थिरम् ।
    ततस्ततो नियम्यैतदात्मन्येव वशं नयेत् ॥ ६-२६॥
    yato yato niścarati manaścañcalamasthiram |
    tatastato niyamyaitadātmanyeva vaśaṃ nayet || 6-26||

    GITA 6-27

    प्रशान्तमनसं ह्येनं योगिनं सुखमुत्तमम् ।
    उपैति शान्तरजसं ब्रह्मभूतमकल्मषम् ॥ ६-२७॥
    praśāntamanasaṃ hyenaṃ yoginaṃ sukhamuttamam |
    upaiti śāntarajasaṃ brahmabhūtamakalmaṣam || 6-27||

    GITA 6-28

    युञ्जन्नेवं सदात्मानं योगी विगतकल्मषः ।
    सुखेन ब्रह्मसंस्पर्शमत्यन्तं सुखमश्नुते ॥ ६-२८॥
    yuñjannevaṃ sadātmānaṃ yogī vigatakalmaṣaḥ |
    sukhena brahmasaṃsparśamatyantaṃ sukhamaśnute || 6-28||

    GITA 6-29

    सर्वभूतस्थमात्मानं सर्वभूतानि चात्मनि ।
    ईक्षते योगयुक्तात्मा सर्वत्र समदर्शनः ॥ ६-२९॥
    sarvabhūtasthamātmānaṃ sarvabhūtāni cātmani |
    īkṣate yogayuktātmā sarvatra samadarśanaḥ || 6-29||

    GITA 6-30

    यो मां पश्यति सर्वत्र सर्वं च मयि पश्यति ।
    तस्याहं न प्रणश्यामि स च मे न प्रणश्यति ॥ ६-३०॥
    yo māṃ paśyati sarvatra sarvaṃ ca mayi paśyati |
    tasyāhaṃ na praṇaśyāmi sa ca me na praṇaśyati || 6-30||

    GITA 6-31

    सर्वभूतस्थितं यो मां भजत्येकत्वमास्थितः ।
    सर्वथा वर्तमानोऽपि स योगी मयि वर्तते ॥ ६-३१॥
    sarvabhūtasthitaṃ yo māṃ bhajatyekatvamāsthitaḥ |
    sarvathā vartamāno'pi sa yogī mayi vartate || 6-31||

    GITA 6-32

    आत्मौपम्येन सर्वत्र समं पश्यति योऽर्जुन ।
    सुखं वा यदि वा दुःखं स योगी परमो मतः ॥ ६-३२॥
    ātmaupamyena sarvatra samaṃ paśyati yo'rjuna |
    sukhaṃ vā yadi vā duḥkhaṃ sa yogī paramo mataḥ || 6-32||

    GITA 6-33

    अर्जुन उवाच ।
    योऽयं योगस्त्वया प्रोक्तः साम्येन मधुसूदन ।
    एतस्याहं न पश्यामि चञ्चलत्वात्स्थितिं स्थिराम् ॥ ६-३३॥
    arjuna uvāca |
    yo'yaṃ yogastvayā proktaḥ sāmyena madhusūdana |
    etasyāhaṃ na paśyāmi cañcalatvātsthitiṃ sthirām || 6-33||

    GITA 6-34

    चञ्चलं हि मनः कृष्ण प्रमाथि बलवद् दृढम् ।
    तस्याहं निग्रहं मन्ये वायोरिव सुदुष्करम् ॥ ६-३४॥
    cañcalaṃ hi manaḥ kṛṣṇa pramāthi balavad dṛḍham |
    tasyāhaṃ nigrahaṃ manye vāyoriva suduṣkaram || 6-34||

    GITA 6-35

    श्रीभगवानुवाच ।
    असंशयं महाबाहो मनो दुर्निग्रहं चलम् ।
    अभ्यासेन तु कौन्तेय वैराग्येण च गृह्यते ॥ ६-३५॥
    śrībhagavānuvāca |
    asaṃśayaṃ mahābāho mano durnigrahaṃ calam |
    abhyāsena tu kaunteya vairāgyeṇa ca gṛhyate || 6-35||

    GITA 6-36

    असंयतात्मना योगो दुष्प्राप इति मे मतिः ।
    वश्यात्मना तु यतता शक्योऽवाप्तुमुपायतः ॥ ६-३६॥
    asaṃyatātmanā yogo duṣprāpa iti me matiḥ |
    vaśyātmanā tu yatatā śakyo'vāptumupāyataḥ || 6-36||

    GITA 6-37

    अर्जुन उवाच ।
    अयतिः श्रद्धयोपेतो योगाच्चलितमानसः ।
    अप्राप्य योगसंसिद्धिं कां गतिं कृष्ण गच्छति ॥ ६-३७॥
    arjuna uvāca |
    ayatiḥ śraddhayopeto yogāccalitamānasaḥ |
    aprāpya yogasaṃsiddhiṃ kāṃ gatiṃ kṛṣṇa gacchati || 6-37||

    GITA 6-38

    कच्चिन्नोभयविभ्रष्टश्छिन्नाभ्रमिव नश्यति ।
    अप्रतिष्ठो महाबाहो विमूढो ब्रह्मणः पथि ॥ ६-३८॥
    kaccinnobhayavibhraṣṭaśchinnābhramiva naśyati |
    apratiṣṭho mahābāho vimūḍho brahmaṇaḥ pathi || 6-38||

    GITA 6-39

    एतन्मे संशयं कृष्ण छेत्तुमर्हस्यशेषतः ।
    त्वदन्यः संशयस्यास्य छेत्ता न ह्युपपद्यते ॥ ६-३९॥
    etanme saṃśayaṃ kṛṣṇa chettumarhasyaśeṣataḥ |
    tvadanyaḥ saṃśayasyāsya chettā na hyupapadyate || 6-39||

    GITA 6-40

    श्रीभगवानुवाच ।
    पार्थ नैवेह नामुत्र विनाशस्तस्य विद्यते ।
    न हि कल्याणकृत्कश्चिद् दुर्गतिं तात गच्छति ॥ ६-४०॥
    śrībhagavānuvāca |
    pārtha naiveha nāmutra vināśastasya vidyate |
    na hi kalyāṇakṛtkaścid durgatiṃ tāta gacchati || 6-40||

    GITA 6-41

    प्राप्य पुण्यकृतां लोकानुषित्वा शाश्वतीः समाः ।
    शुचीनां श्रीमतां गेहे योगभ्रष्टोऽभिजायते ॥ ६-४१॥
    prāpya puṇyakṛtāṃ lokānuṣitvā śāśvatīḥ samāḥ |
    śucīnāṃ śrīmatāṃ gehe yogabhraṣṭo'bhijāyate || 6-41||

    GITA 6-42

    अथवा योगिनामेव कुले भवति धीमताम् ।
    एतद्धि दुर्लभतरं लोके जन्म यदीदृशम् ॥ ६-४२॥
    athavā yogināmeva kule bhavati dhīmatām |
    etaddhi durlabhataraṃ loke janma yadīdṛśam || 6-42||

    GITA 6-43

    तत्र तं बुद्धिसंयोगं लभते पौर्वदेहिकम् ।
    यतते च ततो भूयः संसिद्धौ कुरुनन्दन ॥ ६-४३॥
    tatra taṃ buddhisaṃyogaṃ labhate paurvadehikam |
    yatate ca tato bhūyaḥ saṃsiddhau kurunandana || 6-43||

    GITA 6-44

    पूर्वाभ्यासेन तेनैव ह्रियते ह्यवशोऽपि सः ।
    जिज्ञासुरपि योगस्य शब्दब्रह्मातिवर्तते ॥ ६-४४॥
    pūrvābhyāsena tenaiva hriyate hyavaśo'pi saḥ |
    jijñāsurapi yogasya śabdabrahmātivartate || 6-44||

    GITA 6-45

    प्रयत्नाद्यतमानस्तु योगी संशुद्धकिल्बिषः ।
    अनेकजन्मसंसिद्धस्ततो याति परां गतिम् ॥ ६-४५॥
    prayatnādyatamānastu yogī saṃśuddhakilbiṣaḥ |
    anekajanmasaṃsiddhastato yāti parāṃ gatim || 6-45||

    GITA 6-46

    तपस्विभ्योऽधिको योगी ज्ञानिभ्योऽपि मतोऽधिकः ।
    कर्मिभ्यश्चाधिको योगी तस्माद्योगी भवार्जुन ॥ ६-४६॥
    tapasvibhyo'dhiko yogī jñānibhyo'pi mato'dhikaḥ |
    karmibhyaścādhiko yogī tasmādyogī bhavārjuna || 6-46||

    GITA 6-47

    योगिनामपि सर्वेषां मद्।ह्गतेनान्तरात्मना ।
    श्रद्धावान्भजते यो मां स मे युक्ततमो मतः ॥ ६-४७॥
    yogināmapi sarveṣāṃ mad|hgatenāntarātmanā |
    śraddhāvānbhajate yo māṃ sa me yuktatamo mataḥ || 6-47||

    Adhyaya: 7/18 (30)

    अथ सप्तमोऽध्यायः ज्ञानविज्ञानयोगः
    atha saptamo'dhyāyaḥ jñānavijñānayogaḥ

    GITA 7-1

    श्रीभगवानुवाच ।
    मय्यासक्तमनाः पार्थ योगं युञ्जन्मदाश्रयः ।
    असंशयं समग्रं मां यथा ज्ञास्यसि तच्छृणु ॥ ७-१॥
    śrībhagavānuvāca |
    mayyāsaktamanāḥ pārtha yogaṃ yuñjanmadāśrayaḥ |
    asaṃśayaṃ samagraṃ māṃ yathā jñāsyasi tacchṛṇu || 7-1||

    GITA 7-2

    ज्ञानं तेऽहं सविज्ञानमिदं वक्ष्याम्यशेषतः ।
    यज्ज्ञात्वा नेह भूयोऽन्यज्ज्ञातव्यमवशिष्यते ॥ ७-२॥
    jñānaṃ te'haṃ savijñānamidaṃ vakṣyāmyaśeṣataḥ |
    yajjñātvā neha bhūyo'nyajjñātavyamavaśiṣyate || 7-2||

    GITA 7-3

    मनुष्याणां सहस्रेषु कश्चिद्यतति सिद्धये ।
    यततामपि सिद्धानां कश्चिन्मां वेत्ति तत्त्वतः ॥ ७-३॥
    manuṣyāṇāṃ sahasreṣu kaścidyatati siddhaye |
    yatatāmapi siddhānāṃ kaścinmāṃ vetti tattvataḥ || 7-3||

    GITA 7-4

    भूमिरापोऽनलो वायुः खं मनो बुद्धिरेव च ।
    अहङ्कार इतीयं मे भिन्ना प्रकृतिरष्टधा ॥ ७-४॥
    bhūmirāpo'nalo vāyuḥ khaṃ mano buddhireva ca |
    ahaṅkāra itīyaṃ me bhinnā prakṛtiraṣṭadhā || 7-4||

    GITA 7-5

    अपरेयमितस्त्वन्यां प्रकृतिं विद्धि मे पराम् ।
    जीवभूतां महाबाहो ययेदं धार्यते जगत् ॥ ७-५॥
    apareyamitastvanyāṃ prakṛtiṃ viddhi me parām |
    jīvabhūtāṃ mahābāho yayedaṃ dhāryate jagat || 7-5||

    GITA 7-6

    एतद्योनीनि भूतानि सर्वाणीत्युपधारय ।
    अहं कृत्स्नस्य जगतः प्रभवः प्रलयस्तथा ॥ ७-६॥
    etadyonīni bhūtāni sarvāṇītyupadhāraya |
    ahaṃ kṛtsnasya jagataḥ prabhavaḥ pralayastathā || 7-6||

    GITA 7-7

    मत्तः परतरं नान्यत्किञ्चिदस्ति धनञ्जय ।
    मयि सर्वमिदं प्रोतं सूत्रे मणिगणा इव ॥ ७-७॥
    mattaḥ parataraṃ nānyatkiñcidasti dhanañjaya |
    mayi sarvamidaṃ protaṃ sūtre maṇigaṇā iva || 7-7||

    GITA 7-8

    रसोऽहमप्सु कौन्तेय प्रभास्मि शशिसूर्ययोः ।
    प्रणवः सर्ववेदेषु शब्दः खे पौरुषं नृषु ॥ ७-८॥
    raso'hamapsu kaunteya prabhāsmi śaśisūryayoḥ |
    praṇavaḥ sarvavedeṣu śabdaḥ khe pauruṣaṃ nṛṣu || 7-8||

    GITA 7-9

    पुण्यो गन्धः पृथिव्यां च तेजश्चास्मि विभावसौ ।
    जीवनं सर्वभूतेषु तपश्चास्मि तपस्विषु ॥ ७-९॥
    puṇyo gandhaḥ pṛthivyāṃ ca tejaścāsmi vibhāvasau |
    jīvanaṃ sarvabhūteṣu tapaścāsmi tapasviṣu || 7-9||

    GITA 7-10

    बीजं मां सर्वभूतानां विद्धि पार्थ सनातनम् ।
    बुद्धिर्बुद्धिमतामस्मि तेजस्तेजस्विनामहम् ॥ ७-१०॥
    bījaṃ māṃ sarvabhūtānāṃ viddhi pārtha sanātanam |
    buddhirbuddhimatāmasmi tejastejasvināmaham || 7-10||

    GITA 7-11

    बलं बलवतां चाहं कामरागविवर्जितम् ।
    धर्माविरुद्धो भूतेषु कामोऽस्मि भरतर्षभ ॥ ७-११॥
    balaṃ balavatāṃ cāhaṃ kāmarāgavivarjitam |
    dharmāviruddho bhūteṣu kāmo'smi bharatarṣabha || 7-11||

    GITA 7-12

    ये चैव सात्त्विका भावा राजसास्तामसाश्च ये ।
    मत्त एवेति तान्विद्धि न त्वहं तेषु ते मयि ॥ ७-१२॥
    ye caiva sāttvikā bhāvā rājasāstāmasāśca ye |
    matta eveti tānviddhi na tvahaṃ teṣu te mayi || 7-12||

    GITA 7-13

    त्रिभिर्गुणमयैर्भावैरेभिः सर्वमिदं जगत् ।
    मोहितं नाभिजानाति मामेभ्यः परमव्ययम् ॥ ७-१३॥
    tribhirguṇamayairbhāvairebhiḥ sarvamidaṃ jagat |
    mohitaṃ nābhijānāti māmebhyaḥ paramavyayam || 7-13||

    GITA 7-14

    दैवी ह्येषा गुणमयी मम माया दुरत्यया ।
    मामेव ये प्रपद्यन्ते मायामेतां तरन्ति ते ॥ ७-१४॥
    daivī hyeṣā guṇamayī mama māyā duratyayā |
    māmeva ye prapadyante māyāmetāṃ taranti te || 7-14||

    GITA 7-15

    न मां दुष्कृतिनो मूढाः प्रपद्यन्ते नराधमाः ।
    माययापहृतज्ञाना आसुरं भावमाश्रिताः ॥ ७-१५॥
    na māṃ duṣkṛtino mūḍhāḥ prapadyante narādhamāḥ |
    māyayāpahṛtajñānā āsuraṃ bhāvamāśritāḥ || 7-15||

    GITA 7-16

    चतुर्विधा भजन्ते मां जनाः सुकृतिनोऽर्जुन ।
    आर्तो जिज्ञासुरर्थार्थी ज्ञानी च भरतर्षभ ॥ ७-१६॥
    caturvidhā bhajante māṃ janāḥ sukṛtino'rjuna |
    ārto jijñāsurarthārthī jñānī ca bharatarṣabha || 7-16||

    GITA 7-17

    तेषां ज्ञानी नित्ययुक्त एकभक्तिर्विशिष्यते ।
    प्रियो हि ज्ञानिनोऽत्यर्थमहं स च मम प्रियः ॥ ७-१७॥
    teṣāṃ jñānī nityayukta ekabhaktirviśiṣyate |
    priyo hi jñānino'tyarthamahaṃ sa ca mama priyaḥ || 7-17||

    GITA 7-18

    उदाराः सर्व एवैते ज्ञानी त्वात्मैव मे मतम् ।
    आस्थितः स हि युक्तात्मा मामेवानुत्तमां गतिम् ॥ ७-१८॥
    udārāḥ sarva evaite jñānī tvātmaiva me matam |
    āsthitaḥ sa hi yuktātmā māmevānuttamāṃ gatim || 7-18||

    GITA 7-19

    बहूनां जन्मनामन्ते ज्ञानवान्मां प्रपद्यते ।
    वासुदेवः सर्वमिति स महात्मा सुदुर्लभः ॥ ७-१९॥
    bahūnāṃ janmanāmante jñānavānmāṃ prapadyate |
    vāsudevaḥ sarvamiti sa mahātmā sudurlabhaḥ || 7-19||

    GITA 7-20

    कामैस्तैस्तैर्हृतज्ञानाः प्रपद्यन्तेऽन्यदेवताः ।
    तं तं नियममास्थाय प्रकृत्या नियताः स्वया ॥ ७-२०॥
    kāmaistaistairhṛtajñānāḥ prapadyante'nyadevatāḥ |
    taṃ taṃ niyamamāsthāya prakṛtyā niyatāḥ svayā || 7-20||

    GITA 7-21

    यो यो यां यां तनुं भक्तः श्रद्धयार्चितुमिच्छति ।
    तस्य तस्याचलां श्रद्धां तामेव विदधाम्यहम् ॥ ७-२१॥
    yo yo yāṃ yāṃ tanuṃ bhaktaḥ śraddhayārcitumicchati |
    tasya tasyācalāṃ śraddhāṃ tāmeva vidadhāmyaham || 7-21||

    GITA 7-22

    स तया श्रद्धया युक्तस्तस्याराधनमीहते ।
    लभते च ततः कामान्मयैव विहितान्हि तान् ॥ ७-२२॥
    sa tayā śraddhayā yuktastasyārādhanamīhate |
    labhate ca tataḥ kāmānmayaiva vihitānhi tān || 7-22||

    GITA 7-23

    अन्तवत्तु फलं तेषां तद्भवत्यल्पमेधसाम् ।
    देवान्देवयजो यान्ति मद्भक्ता यान्ति मामपि ॥ ७-२३॥
    antavattu phalaṃ teṣāṃ tadbhavatyalpamedhasām |
    devāndevayajo yānti madbhaktā yānti māmapi || 7-23||

    GITA 7-24

    अव्यक्तं व्यक्तिमापन्नं मन्यन्ते मामबुद्धयः ।
    परं भावमजानन्तो ममाव्ययमनुत्तमम् ॥ ७-२४॥
    avyaktaṃ vyaktimāpannaṃ manyante māmabuddhayaḥ |
    paraṃ bhāvamajānanto mamāvyayamanuttamam || 7-24||

    GITA 7-25

    नाहं प्रकाशः सर्वस्य योगमायासमावृतः ।
    मूढोऽयं नाभिजानाति लोको मामजमव्ययम् ॥ ७-२५॥
    nāhaṃ prakāśaḥ sarvasya yogamāyāsamāvṛtaḥ |
    mūḍho'yaṃ nābhijānāti loko māmajamavyayam || 7-25||

    GITA 7-26

    वेदाहं समतीतानि वर्तमानानि चार्जुन ।
    भविष्याणि च भूतानि मां तु वेद न कश्चन ॥ ७-२६॥
    vedāhaṃ samatītāni vartamānāni cārjuna |
    bhaviṣyāṇi ca bhūtāni māṃ tu veda na kaścana || 7-26||

    GITA 7-27

    इच्छाद्वेषसमुत्थेन द्वन्द्वमोहेन भारत ।
    सर्वभूतानि सम्मोहं सर्गे यान्ति परन्तप ॥ ७-२७॥
    icchādveṣasamutthena dvandvamohena bhārata |
    sarvabhūtāni sammohaṃ sarge yānti parantapa || 7-27||

    GITA 7-28

    येषां त्वन्तगतं पापं जनानां पुण्यकर्मणाम् ।
    ते द्वन्द्वमोहनिर्मुक्ता भजन्ते मां दृढव्रताः ॥ ७-२८॥
    yeṣāṃ tvantagataṃ pāpaṃ janānāṃ puṇyakarmaṇām |
    te dvandvamohanirmuktā bhajante māṃ dṛḍhavratāḥ || 7-28||

    GITA 7-29

    जरामरणमोक्षाय मामाश्रित्य यतन्ति ये ।
    ते ब्रह्म तद्विदुः कृत्स्नमध्यात्मं कर्म चाखिलम् ॥ ७-२९॥
    jarāmaraṇamokṣāya māmāśritya yatanti ye |
    te brahma tadviduḥ kṛtsnamadhyātmaṃ karma cākhilam || 7-29||

    GITA 7-30

    साधिभूताधिदैवं मां साधियज्ञं च ये विदुः ।
    प्रयाणकालेऽपि च मां ते विदुर्युक्तचेतसः ॥ ७-३०॥
    sādhibhūtādhidaivaṃ māṃ sādhiyajñaṃ ca ye viduḥ |
    prayāṇakāle'pi ca māṃ te viduryuktacetasaḥ || 7-30||

    Adhyaya: 8/18 (28)

    अथ अष्टमोऽध्यायः अक्षरब्रह्मयोगः
    atha aṣṭamo'dhyāyaḥ akṣarabrahmayogaḥ

    GITA 8-1

    अर्जुन उवाच ।
    किं तद् ब्रह्म किमध्यात्मं किं कर्म पुरुषोत्तम ।
    अधिभूतं च किं प्रोक्तमधिदैवं किमुच्यते ॥ ८-१॥
    arjuna uvāca |
    kiṃ tad brahma kimadhyātmaṃ kiṃ karma puruṣottama |
    adhibhūtaṃ ca kiṃ proktamadhidaivaṃ kimucyate || 8-1||

    GITA 8-2

    अधियज्ञः कथं कोऽत्र देहेऽस्मिन्मधुसूदन ।
    प्रयाणकाले च कथं ज्ञेयोऽसि नियतात्मभिः ॥ ८-२॥
    adhiyajñaḥ kathaṃ ko'tra dehe'sminmadhusūdana |
    prayāṇakāle ca kathaṃ jñeyo'si niyatātmabhiḥ || 8-2||

    GITA 8-3

    श्रीभगवानुवाच ।
    अक्षरं ब्रह्म परमं स्वभावोऽध्यात्ममुच्यते ।
    भूतभावोद्भवकरो विसर्गः कर्मसंज्ञितः ॥ ८-३॥
    śrībhagavānuvāca |
    akṣaraṃ brahma paramaṃ svabhāvo'dhyātmamucyate |
    bhūtabhāvodbhavakaro visargaḥ karmasaṃjñitaḥ || 8-3||

    GITA 8-4

    अधिभूतं क्षरो भावः पुरुषश्चाधिदैवतम् ।
    अधियज्ञोऽहमेवात्र देहे देहभृतां वर ॥ ८-४॥
    adhibhūtaṃ kṣaro bhāvaḥ puruṣaścādhidaivatam |
    adhiyajño'hamevātra dehe dehabhṛtāṃ vara || 8-4||

    GITA 8-5

    अन्तकाले च मामेव स्मरन्मुक्त्वा कलेवरम् ।
    यः प्रयाति स मद्भावं याति नास्त्यत्र संशयः ॥ ८-५॥
    antakāle ca māmeva smaranmuktvā kalevaram |
    yaḥ prayāti sa madbhāvaṃ yāti nāstyatra saṃśayaḥ || 8-5||

    GITA 8-6

    यं यं वापि स्मरन्भावं त्यजत्यन्ते कलेवरम् ।
    तं तमेवैति कौन्तेय सदा तद्भावभावितः ॥ ८-६॥
    yaṃ yaṃ vāpi smaranbhāvaṃ tyajatyante kalevaram |
    taṃ tamevaiti kaunteya sadā tadbhāvabhāvitaḥ || 8-6||

    GITA 8-7

    तस्मात्सर्वेषु कालेषु मामनुस्मर युध्य च ।
    मय्यर्पितमनोबुद्धिर्मामेवैष्यस्यसंशयः ॥ ८-७॥ (संशयम्)
    tasmātsarveṣu kāleṣu māmanusmara yudhya ca |
    mayyarpitamanobuddhirmāmevaiṣyasyasaṃśayaḥ || 8-7|| (saṃśayam)

    GITA 8-8

    अभ्यासयोगयुक्तेन चेतसा नान्यगामिना ।
    परमं पुरुषं दिव्यं याति पार्थानुचिन्तयन् ॥ ८-८॥
    abhyāsayogayuktena cetasā nānyagāminā |
    paramaṃ puruṣaṃ divyaṃ yāti pārthānucintayan || 8-8||

    GITA 8-9

    कविं पुराणमनुशासितार\- ।
    मणोरणीयंसमनुस्मरेद्यः ।
    सर्वस्य धातारमचिन्त्यरूप\- ।
    मादित्यवर्णं तमसः परस्तात् ॥ ८-९॥
    kaviṃ purāṇamanuśāsitāra\- |
    maṇoraṇīyaṃsamanusmaredyaḥ |
    sarvasya dhātāramacintyarūpa\- |
    mādityavarṇaṃ tamasaḥ parastāt || 8-9||

    GITA 8-10

    प्रयाणकाले मनसाऽचलेन ।
    भक्त्या युक्तो योगबलेन चैव ।
    भ्रुवोर्मध्ये प्राणमावेश्य सम्यक्।ह् ।
    स तं परं पुरुषमुपैति दिव्यम् ॥ ८-१०॥
    prayāṇakāle manasā'calena |
    bhaktyā yukto yogabalena caiva |
    bhruvormadhye prāṇamāveśya samyak|h |
    sa taṃ paraṃ puruṣamupaiti divyam || 8-10||

    GITA 8-11

    यदक्षरं वेदविदो वदन्ति ।
    विशन्ति यद्यतयो वीतरागाः ।
    यदिच्छन्तो ब्रह्मचर्यं चरन्ति ।
    तत्ते पदं सङ्ग्रहेण प्रवक्ष्ये ॥ ८-११॥
    yadakṣaraṃ vedavido vadanti |
    viśanti yadyatayo vītarāgāḥ |
    yadicchanto brahmacaryaṃ caranti |
    tatte padaṃ saṅgraheṇa pravakṣye || 8-11||

    GITA 8-12

    सर्वद्वाराणि संयम्य मनो हृदि निरुध्य च ।
    मूर्ध्न्याधायात्मनः प्राणमास्थितो योगधारणाम् ॥ ८-१२॥
    sarvadvārāṇi saṃyamya mano hṛdi nirudhya ca |
    mūrdhnyādhāyātmanaḥ prāṇamāsthito yogadhāraṇām || 8-12||

    GITA 8-13

    ओमित्येकाक्षरं ब्रह्म व्याहरन्मामनुस्मरन् ।
    यः प्रयाति त्यजन्देहं स याति परमां गतिम् ॥ ८-१३॥
    omityekākṣaraṃ brahma vyāharanmāmanusmaran |
    yaḥ prayāti tyajandehaṃ sa yāti paramāṃ gatim || 8-13||

    GITA 8-14

    अनन्यचेताः सततं यो मां स्मरति नित्यशः ।
    तस्याहं सुलभः पार्थ नित्ययुक्तस्य योगिनः ॥ ८-१४॥
    ananyacetāḥ satataṃ yo māṃ smarati nityaśaḥ |
    tasyāhaṃ sulabhaḥ pārtha nityayuktasya yoginaḥ || 8-14||

    GITA 8-15

    मामुपेत्य पुनर्जन्म दुःखालयमशाश्वतम् ।
    नाप्नुवन्ति महात्मानः संसिद्धिं परमां गताः ॥ ८-१५॥
    māmupetya punarjanma duḥkhālayamaśāśvatam |
    nāpnuvanti mahātmānaḥ saṃsiddhiṃ paramāṃ gatāḥ || 8-15||

    GITA 8-16

    आब्रह्मभुवनाल्लोकाः पुनरावर्तिनोऽर्जुन ।
    मामुपेत्य तु कौन्तेय पुनर्जन्म न विद्यते ॥ ८-१६॥
    ābrahmabhuvanāllokāḥ punarāvartino'rjuna |
    māmupetya tu kaunteya punarjanma na vidyate || 8-16||

    GITA 8-17

    सहस्रयुगपर्यन्तमहर्यद् ब्रह्मणो विदुः ।
    रात्रिं युगसहस्रान्तां तेऽहोरात्रविदो जनाः ॥ ८-१७॥
    sahasrayugaparyantamaharyad brahmaṇo viduḥ |
    rātriṃ yugasahasrāntāṃ te'horātravido janāḥ || 8-17||

    GITA 8-18

    अव्यक्ताद् व्यक्तयः सर्वाः प्रभवन्त्यहरागमे ।
    रात्र्यागमे प्रलीयन्ते तत्रैवाव्यक्तसंज्ञके ॥ ८-१८॥
    avyaktād vyaktayaḥ sarvāḥ prabhavantyaharāgame |
    rātryāgame pralīyante tatraivāvyaktasaṃjñake || 8-18||

    GITA 8-19

    भूतग्रामः स एवायं भूत्वा भूत्वा प्रलीयते ।
    रात्र्यागमेऽवशः पार्थ प्रभवत्यहरागमे ॥ ८-१९॥
    bhūtagrāmaḥ sa evāyaṃ bhūtvā bhūtvā pralīyate |
    rātryāgame'vaśaḥ pārtha prabhavatyaharāgame || 8-19||

    GITA 8-20

    परस्तस्मात्तु भावोऽन्योऽव्यक्तोऽव्यक्तात्सनातनः ।
    यः स सर्वेषु भूतेषु नश्यत्सु न विनश्यति ॥ ८-२०॥
    parastasmāttu bhāvo'nyo'vyakto'vyaktātsanātanaḥ |
    yaḥ sa sarveṣu bhūteṣu naśyatsu na vinaśyati || 8-20||

    GITA 8-21

    अव्यक्तोऽक्षर इत्युक्तस्तमाहुः परमां गतिम् ।
    यं प्राप्य न निवर्तन्ते तद्धाम परमं मम ॥ ८-२१॥
    avyakto'kṣara ityuktastamāhuḥ paramāṃ gatim |
    yaṃ prāpya na nivartante taddhāma paramaṃ mama || 8-21||

    GITA 8-22

    पुरुषः स परः पार्थ भक्त्या लभ्यस्त्वनन्यया ।
    यस्यान्तःस्थानि भूतानि येन सर्वमिदं ततम् ॥ ८-२२॥
    puruṣaḥ sa paraḥ pārtha bhaktyā labhyastvananyayā |
    yasyāntaḥsthāni bhūtāni yena sarvamidaṃ tatam || 8-22||

    GITA 8-23

    यत्र काले त्वनावृत्तिमावृत्तिं चैव योगिनः ।
    प्रयाता यान्ति तं कालं वक्ष्यामि भरतर्षभ ॥ ८-२३॥
    yatra kāle tvanāvṛttimāvṛttiṃ caiva yoginaḥ |
    prayātā yānti taṃ kālaṃ vakṣyāmi bharatarṣabha || 8-23||

    GITA 8-24

    अग्निर्ज्योतिरहः शुक्लः षण्मासा उत्तरायणम् ।
    तत्र प्रयाता गच्छन्ति ब्रह्म ब्रह्मविदो जनाः ॥ ८-२४॥
    agnirjyotirahaḥ śuklaḥ ṣaṇmāsā uttarāyaṇam |
    tatra prayātā gacchanti brahma brahmavido janāḥ || 8-24||

    GITA 8-25

    धूमो रात्रिस्तथा कृष्णः षण्मासा दक्षिणायनम् ।
    तत्र चान्द्रमसं ज्योतिर्योगी प्राप्य निवर्तते ॥ ८-२५॥
    dhūmo rātristathā kṛṣṇaḥ ṣaṇmāsā dakṣiṇāyanam |
    tatra cāndramasaṃ jyotiryogī prāpya nivartate || 8-25||

    GITA 8-26

    शुक्लकृष्णे गती ह्येते जगतः शाश्वते मते ।
    एकया यात्यनावृत्तिमन्ययावर्तते पुनः ॥ ८-२६॥
    śuklakṛṣṇe gatī hyete jagataḥ śāśvate mate |
    ekayā yātyanāvṛttimanyayāvartate punaḥ || 8-26||

    GITA 8-27

    नैते सृती पार्थ जानन्योगी मुह्यति कश्चन ।
    तस्मात्सर्वेषु कालेषु योगयुक्तो भवार्जुन ॥ ८-२७॥
    naite sṛtī pārtha jānanyogī muhyati kaścana |
    tasmātsarveṣu kāleṣu yogayukto bhavārjuna || 8-27||

    GITA 8-28

    वेदेषु यज्ञेषु तपःसु चैव ।
    दानेषु यत्पुण्यफलं प्रदिष्टम् ।
    अत्येति तत्सर्वमिदं विदित्वा ।
    योगी परं स्थानमुपैति चाद्यम् ॥ ८-२८॥
    vedeṣu yajñeṣu tapaḥsu caiva |
    dāneṣu yatpuṇyaphalaṃ pradiṣṭam |
    atyeti tatsarvamidaṃ viditvā |
    yogī paraṃ sthānamupaiti cādyam || 8-28||

    Adhyaya: 9/18 (34)

    अथ नवमोऽध्यायः राजविद्याराजगुह्ययोगः
    atha navamo'dhyāyaḥ rājavidyārājaguhyayogaḥ

    GITA 9-1

    श्रीभगवानुवाच ।
    इदं तु ते गुह्यतमं प्रवक्ष्याम्यनसूयवे ।
    ज्ञानं विज्ञानसहितं यज्ज्ञात्वा मोक्ष्यसेऽशुभात् ॥ ९-१॥
    śrībhagavānuvāca |
    idaṃ tu te guhyatamaṃ pravakṣyāmyanasūyave |
    jñānaṃ vijñānasahitaṃ yajjñātvā mokṣyase'śubhāt || 9-1||

    GITA 9-2

    राजविद्या राजगुह्यं पवित्रमिदमुत्तमम् ।
    प्रत्यक्षावगमं धर्म्यं सुसुखं कर्तुमव्ययम् ॥ ९-२॥
    rājavidyā rājaguhyaṃ pavitramidamuttamam |
    pratyakṣāvagamaṃ dharmyaṃ susukhaṃ kartumavyayam || 9-2||

    GITA 9-3

    अश्रद्दधानाः पुरुषा धर्मस्यास्य परन्तप ।
    अप्राप्य मां निवर्तन्ते मृत्युसंसारवर्त्मनि ॥ ९-३॥
    aśraddadhānāḥ puruṣā dharmasyāsya parantapa |
    aprāpya māṃ nivartante mṛtyusaṃsāravartmani || 9-3||

    GITA 9-4

    मया ततमिदं सर्वं जगदव्यक्तमूर्तिना ।
    मत्स्थानि सर्वभूतानि न चाहं तेष्ववस्थितः ॥ ९-४॥
    mayā tatamidaṃ sarvaṃ jagadavyaktamūrtinā |
    matsthāni sarvabhūtāni na cāhaṃ teṣvavasthitaḥ || 9-4||

    GITA 9-5

    न च मत्स्थानि भूतानि पश्य मे योगमैश्वरम् ।
    भूतभृन्न च भूतस्थो ममात्मा भूतभावनः ॥ ९-५॥
    na ca matsthāni bhūtāni paśya me yogamaiśvaram |
    bhūtabhṛnna ca bhūtastho mamātmā bhūtabhāvanaḥ || 9-5||

    GITA 9-6

    यथाकाशस्थितो नित्यं वायुः सर्वत्रगो महान् ।
    तथा सर्वाणि भूतानि मत्स्थानीत्युपधारय ॥ ९-६॥
    yathākāśasthito nityaṃ vāyuḥ sarvatrago mahān |
    tathā sarvāṇi bhūtāni matsthānītyupadhāraya || 9-6||

    GITA 9-7

    सर्वभूतानि कौन्तेय प्रकृतिं यान्ति मामिकाम् ।
    कल्पक्षये पुनस्तानि कल्पादौ विसृजाम्यहम् ॥ ९-७॥
    sarvabhūtāni kaunteya prakṛtiṃ yānti māmikām |
    kalpakṣaye punastāni kalpādau visṛjāmyaham || 9-7||

    GITA 9-8

    प्रकृतिं स्वामवष्टभ्य विसृजामि पुनः पुनः ।
    भूतग्राममिमं कृत्स्नमवशं प्रकृतेर्वशात् ॥ ९-८॥
    prakṛtiṃ svāmavaṣṭabhya visṛjāmi punaḥ punaḥ |
    bhūtagrāmamimaṃ kṛtsnamavaśaṃ prakṛtervaśāt || 9-8||

    GITA 9-9

    न च मां तानि कर्माणि निबध्नन्ति धनञ्जय ।
    उदासीनवदासीनमसक्तं तेषु कर्मसु ॥ ९-९॥
    na ca māṃ tāni karmāṇi nibadhnanti dhanañjaya |
    udāsīnavadāsīnamasaktaṃ teṣu karmasu || 9-9||

    GITA 9-10

    मयाध्यक्षेण प्रकृतिः सूयते सचराचरम् ।
    हेतुनानेन कौन्तेय जगद्विपरिवर्तते ॥ ९-१०॥
    mayādhyakṣeṇa prakṛtiḥ sūyate sacarācaram |
    hetunānena kaunteya jagadviparivartate || 9-10||

    GITA 9-11

    अवजानन्ति मां मूढा मानुषीं तनुमाश्रितम् ।
    परं भावमजानन्तो मम भूतमहेश्वरम् ॥ ९-११॥
    avajānanti māṃ mūḍhā mānuṣīṃ tanumāśritam |
    paraṃ bhāvamajānanto mama bhūtamaheśvaram || 9-11||

    GITA 9-12

    मोघाशा मोघकर्माणो मोघज्ञाना विचेतसः ।
    राक्षसीमासुरीं चैव प्रकृतिं मोहिनीं श्रिताः ॥ ९-१२॥
    moghāśā moghakarmāṇo moghajñānā vicetasaḥ |
    rākṣasīmāsurīṃ caiva prakṛtiṃ mohinīṃ śritāḥ || 9-12||

    GITA 9-13

    महात्मानस्तु मां पार्थ दैवीं प्रकृतिमाश्रिताः ।
    भजन्त्यनन्यमनसो ज्ञात्वा भूतादिमव्ययम् ॥ ९-१३॥
    mahātmānastu māṃ pārtha daivīṃ prakṛtimāśritāḥ |
    bhajantyananyamanaso jñātvā bhūtādimavyayam || 9-13||

    GITA 9-14

    सततं कीर्तयन्तो मां यतन्तश्च दृढव्रताः ।
    नमस्यन्तश्च मां भक्त्या नित्ययुक्ता उपासते ॥ ९-१४॥
    satataṃ kīrtayanto māṃ yatantaśca dṛḍhavratāḥ |
    namasyantaśca māṃ bhaktyā nityayuktā upāsate || 9-14||

    GITA 9-15

    ज्ञानयज्ञेन चाप्यन्ये यजन्तो मामुपासते ।
    एकत्वेन पृथक्त्वेन बहुधा विश्वतोमुखम् ॥ ९-१५॥
    jñānayajñena cāpyanye yajanto māmupāsate |
    ekatvena pṛthaktvena bahudhā viśvatomukham || 9-15||

    GITA 9-16

    अहं क्रतुरहं यज्ञः स्वधाहमहमौषधम् ।
    मन्त्रोऽहमहमेवाज्यमहमग्निरहं हुतम् ॥ ९-१६॥
    ahaṃ kraturahaṃ yajñaḥ svadhāhamahamauṣadham |
    mantro'hamahamevājyamahamagnirahaṃ hutam || 9-16||

    GITA 9-17

    पिताहमस्य जगतो माता धाता पितामहः ।
    वेद्यं पवित्रमोङ्कार ऋक्साम यजुरेव च ॥ ९-१७॥
    pitāhamasya jagato mātā dhātā pitāmahaḥ |
    vedyaṃ pavitramoṅkāra ṛksāma yajureva ca || 9-17||

    GITA 9-18

    गतिर्भर्ता प्रभुः साक्षी निवासः शरणं सुहृत् ।
    प्रभवः प्रलयः स्थानं निधानं बीजमव्ययम् ॥ ९-१८॥
    gatirbhartā prabhuḥ sākṣī nivāsaḥ śaraṇaṃ suhṛt |
    prabhavaḥ pralayaḥ sthānaṃ nidhānaṃ bījamavyayam || 9-18||

    GITA 9-19

    तपाम्यहमहं वर्षं निगृह्णाम्युत्सृजामि च ।
    अमृतं चैव मृत्युश्च सदसच्चाहमर्जुन ॥ ९-१९॥
    tapāmyahamahaṃ varṣaṃ nigṛhṇāmyutsṛjāmi ca |
    amṛtaṃ caiva mṛtyuśca sadasaccāhamarjuna || 9-19||

    GITA 9-20

    त्रैविद्या मां सोमपाः पूतपापा ।
    यज्ञैरिष्ट्वा स्वर्गतिं प्रार्थयन्ते ।
    ते पुण्यमासाद्य सुरेन्द्रलोक\- ।
    मश्नन्ति दिव्यान्दिवि देवभोगान् ॥ ९-२०॥
    traividyā māṃ somapāḥ pūtapāpā |
    yajñairiṣṭvā svargatiṃ prārthayante |
    te puṇyamāsādya surendraloka\- |
    maśnanti divyāndivi devabhogān || 9-20||

    GITA 9-21

    ते तं भुक्त्वा स्वर्गलोकं विशालं ।
    क्षीणे पुण्ये मर्त्यलोकं विशन्ति ।
    एवं त्रयीधर्ममनुप्रपन्ना ।
    गतागतं कामकामा लभन्ते ॥ ९-२१॥
    te taṃ bhuktvā svargalokaṃ viśālaṃ |
    kṣīṇe puṇye martyalokaṃ viśanti |
    evaṃ trayīdharmamanuprapannā |
    gatāgataṃ kāmakāmā labhante || 9-21||

    GITA 9-22

    अनन्याश्चिन्तयन्तो मां ये जनाः पर्युपासते ।
    तेषां नित्याभियुक्तानां योगक्षेमं वहाम्यहम् ॥ ९-२२॥
    ananyāścintayanto māṃ ye janāḥ paryupāsate |
    teṣāṃ nityābhiyuktānāṃ yogakṣemaṃ vahāmyaham || 9-22||

    GITA 9-23

    येऽप्यन्यदेवता भक्ता यजन्ते श्रद्धयान्विताः ।
    तेऽपि मामेव कौन्तेय यजन्त्यविधिपूर्वकम् ॥ ९-२३॥
    ye'pyanyadevatā bhaktā yajante śraddhayānvitāḥ |
    te'pi māmeva kaunteya yajantyavidhipūrvakam || 9-23||

    GITA 9-24

    अहं हि सर्वयज्ञानां भोक्ता च प्रभुरेव च ।
    न तु मामभिजानन्ति तत्त्वेनातश्च्यवन्ति ते ॥ ९-२४॥
    ahaṃ hi sarvayajñānāṃ bhoktā ca prabhureva ca |
    na tu māmabhijānanti tattvenātaścyavanti te || 9-24||

    GITA 9-25

    यान्ति देवव्रता देवान्पितॄन्यान्ति पितृव्रताः ।
    भूतानि यान्ति भूतेज्या यान्ति मद्याजिनोऽपि माम् ॥ ९-२५॥
    yānti devavratā devānpitṝnyānti pitṛvratāḥ |
    bhūtāni yānti bhūtejyā yānti madyājino'pi mām || 9-25||

    GITA 9-26

    पत्रं पुष्पं फलं तोयं यो मे भक्त्या प्रयच्छति ।
    तदहं भक्त्युपहृतमश्नामि प्रयतात्मनः ॥ ९-२६॥
    patraṃ puṣpaṃ phalaṃ toyaṃ yo me bhaktyā prayacchati |
    tadahaṃ bhaktyupahṛtamaśnāmi prayatātmanaḥ || 9-26||

    GITA 9-27

    यत्करोषि यदश्नासि यज्जुहोषि ददासि यत् ।
    यत्तपस्यसि कौन्तेय तत्कुरुष्व मदर्पणम् ॥ ९-२७॥
    yatkaroṣi yadaśnāsi yajjuhoṣi dadāsi yat |
    yattapasyasi kaunteya tatkuruṣva madarpaṇam || 9-27||

    GITA 9-28

    शुभाशुभफलैरेवं मोक्ष्यसे कर्मबन्धनैः ।
    संन्यासयोगयुक्तात्मा विमुक्तो मामुपैष्यसि ॥ ९-२८॥
    śubhāśubhaphalairevaṃ mokṣyase karmabandhanaiḥ |
    saṃnyāsayogayuktātmā vimukto māmupaiṣyasi || 9-28||

    GITA 9-29

    समोऽहं सर्वभूतेषु न मे द्वेष्योऽस्ति न प्रियः ।
    ये भजन्ति तु मां भक्त्या मयि ते तेषु चाप्यहम् ॥ ९-२९॥
    samo'haṃ sarvabhūteṣu na me dveṣyo'sti na priyaḥ |
    ye bhajanti tu māṃ bhaktyā mayi te teṣu cāpyaham || 9-29||

    GITA 9-30

    अपि चेत्सुदुराचारो भजते मामनन्यभाक् ।
    साधुरेव स मन्तव्यः सम्यग्व्यवसितो हि सः ॥ ९-३०॥
    api cetsudurācāro bhajate māmananyabhāk |
    sādhureva sa mantavyaḥ samyagvyavasito hi saḥ || 9-30||

    GITA 9-31

    क्षिप्रं भवति धर्मात्मा शश्वच्छान्तिं निगच्छति ।
    कौन्तेय प्रतिजानीहि न मे भक्तः प्रणश्यति ॥ ९-३१॥
    kṣipraṃ bhavati dharmātmā śaśvacchāntiṃ nigacchati |
    kaunteya pratijānīhi na me bhaktaḥ praṇaśyati || 9-31||

    GITA 9-32

    मां हि पार्थ व्यपाश्रित्य येऽपि स्युः पापयोनयः ।
    स्त्रियो वैश्यास्तथा शूद्रास्तेऽपि यान्ति परां गतिम् ॥ ९-३२॥
    māṃ hi pārtha vyapāśritya ye'pi syuḥ pāpayonayaḥ |
    striyo vaiśyāstathā śūdrāste'pi yānti parāṃ gatim || 9-32||

    GITA 9-33

    किं पुनर्ब्राह्मणाः पुण्या भक्ता राजर्षयस्तथा ।
    अनित्यमसुखं लोकमिमं प्राप्य भजस्व माम् ॥ ९-३३॥
    kiṃ punarbrāhmaṇāḥ puṇyā bhaktā rājarṣayastathā |
    anityamasukhaṃ lokamimaṃ prāpya bhajasva mām || 9-33||

    GITA 9-34

    मन्मना भव मद्भक्तो मद्याजी मां नमस्कुरु ।
    मामेवैष्यसि युक्त्वैवमात्मानं मत्परायणः ॥ ९-३४॥
    manmanā bhava madbhakto madyājī māṃ namaskuru |
    māmevaiṣyasi yuktvaivamātmānaṃ matparāyaṇaḥ || 9-34||

    Adhyaya: 10/18 (42)

    अथ दशमोऽध्यायः विभूतियोगः
    atha daśamo'dhyāyaḥ vibhūtiyogaḥ

    GITA 10-1

    श्रीभगवानुवाच ।
    भूय एव महाबाहो शृणु मे परमं वचः ।
    यत्तेऽहं प्रीयमाणाय वक्ष्यामि हितकाम्यया ॥ १०-१॥
    śrībhagavānuvāca |
    bhūya eva mahābāho śṛṇu me paramaṃ vacaḥ |
    yatte'haṃ prīyamāṇāya vakṣyāmi hitakāmyayā || 10-1||

    GITA 10-2

    न मे विदुः सुरगणाः प्रभवं न महर्षयः ।
    अहमादिर्हि देवानां महर्षीणां च सर्वशः ॥ १०-२॥
    na me viduḥ suragaṇāḥ prabhavaṃ na maharṣayaḥ |
    ahamādirhi devānāṃ maharṣīṇāṃ ca sarvaśaḥ || 10-2||

    GITA 10-3

    यो मामजमनादिं च वेत्ति लोकमहेश्वरम् ।
    असम्मूढः स मर्त्येषु सर्वपापैः प्रमुच्यते ॥ १०-३॥
    yo māmajamanādiṃ ca vetti lokamaheśvaram |
    asammūḍhaḥ sa martyeṣu sarvapāpaiḥ pramucyate || 10-3||

    GITA 10-4

    बुद्धिर्ज्ञानमसम्मोहः क्षमा सत्यं दमः शमः ।
    सुखं दुःखं भवोऽभावो भयं चाभयमेव च ॥ १०-४॥
    buddhirjñānamasammohaḥ kṣamā satyaṃ damaḥ śamaḥ |
    sukhaṃ duḥkhaṃ bhavo'bhāvo bhayaṃ cābhayameva ca || 10-4||

    GITA 10-5

    अहिंसा समता तुष्टिस्तपो दानं यशोऽयशः ।
    भवन्ति भावा भूतानां मत्त एव पृथग्विधाः ॥ १०-५॥
    ahiṃsā samatā tuṣṭistapo dānaṃ yaśo'yaśaḥ |
    bhavanti bhāvā bhūtānāṃ matta eva pṛthagvidhāḥ || 10-5||

    GITA 10-6

    महर्षयः सप्त पूर्वे चत्वारो मनवस्तथा ।
    मद्भावा मानसा जाता येषां लोक इमाः प्रजाः ॥ १०-६॥
    maharṣayaḥ sapta pūrve catvāro manavastathā |
    madbhāvā mānasā jātā yeṣāṃ loka imāḥ prajāḥ || 10-6||

    GITA 10-7

    एतां विभूतिं योगं च मम यो वेत्ति तत्त्वतः ।
    सोऽविकम्पेन योगेन युज्यते नात्र संशयः ॥ १०-७॥
    etāṃ vibhūtiṃ yogaṃ ca mama yo vetti tattvataḥ |
    so'vikampena yogena yujyate nātra saṃśayaḥ || 10-7||

    GITA 10-8

    अहं सर्वस्य प्रभवो मत्तः सर्वं प्रवर्तते ।
    इति मत्वा भजन्ते मां बुधा भावसमन्विताः ॥ १०-८॥
    ahaṃ sarvasya prabhavo mattaḥ sarvaṃ pravartate |
    iti matvā bhajante māṃ budhā bhāvasamanvitāḥ || 10-8||

    GITA 10-9

    मच्चित्ता मद्गतप्राणा बोधयन्तः परस्परम् ।
    कथयन्तश्च मां नित्यं तुष्यन्ति च रमन्ति च ॥ १०-९॥
    maccittā madgataprāṇā bodhayantaḥ parasparam |
    kathayantaśca māṃ nityaṃ tuṣyanti ca ramanti ca || 10-9||

    GITA 10-10

    तेषां सततयुक्तानां भजतां प्रीतिपूर्वकम् ।
    ददामि बुद्धियोगं तं येन मामुपयान्ति ते ॥ १०-१०॥
    teṣāṃ satatayuktānāṃ bhajatāṃ prītipūrvakam |
    dadāmi buddhiyogaṃ taṃ yena māmupayānti te || 10-10||

    GITA 10-11

    तेषामेवानुकम्पार्थमहमज्ञानजं तमः ।
    नाशयाम्यात्मभावस्थो ज्ञानदीपेन भास्वता ॥ १०-११॥
    teṣāmevānukampārthamahamajñānajaṃ tamaḥ |
    nāśayāmyātmabhāvastho jñānadīpena bhāsvatā || 10-11||

    GITA 10-12

    अर्जुन उवाच ।
    परं ब्रह्म परं धाम पवित्रं परमं भवान् ।
    पुरुषं शाश्वतं दिव्यमादिदेवमजं विभुम् ॥ १०-१२॥
    arjuna uvāca |
    paraṃ brahma paraṃ dhāma pavitraṃ paramaṃ bhavān |
    puruṣaṃ śāśvataṃ divyamādidevamajaṃ vibhum || 10-12||

    GITA 10-13

    आहुस्त्वामृषयः सर्वे देवर्षिर्नारदस्तथा ।
    असितो देवलो व्यासः स्वयं चैव ब्रवीषि मे ॥ १०-१३॥
    āhustvāmṛṣayaḥ sarve devarṣirnāradastathā |
    asito devalo vyāsaḥ svayaṃ caiva bravīṣi me || 10-13||

    GITA 10-14

    सर्वमेतदृतं मन्ये यन्मां वदसि केशव ।
    न हि ते भगवन्व्यक्तिं विदुर्देवा न दानवाः ॥ १०-१४॥
    sarvametadṛtaṃ manye yanmāṃ vadasi keśava |
    na hi te bhagavanvyaktiṃ vidurdevā na dānavāḥ || 10-14||

    GITA 10-15

    स्वयमेवात्मनात्मानं वेत्थ त्वं पुरुषोत्तम ।
    भूतभावन भूतेश देवदेव जगत्पते ॥ १०-१५॥
    svayamevātmanātmānaṃ vettha tvaṃ puruṣottama |
    bhūtabhāvana bhūteśa devadeva jagatpate || 10-15||

    GITA 10-16

    वक्तुमर्हस्यशेषेण दिव्या ह्यात्मविभूतयः ।
    याभिर्विभूतिभिर्लोकानिमांस्त्वं व्याप्य तिष्ठसि ॥ १०-१६॥
    vaktumarhasyaśeṣeṇa divyā hyātmavibhūtayaḥ |
    yābhirvibhūtibhirlokānimāṃstvaṃ vyāpya tiṣṭhasi || 10-16||

    GITA 10-17

    कथं विद्यामहं योगिंस्त्वां सदा परिचिन्तयन् ।
    केषु केषु च भावेषु चिन्त्योऽसि भगवन्मया ॥ १०-१७॥
    kathaṃ vidyāmahaṃ yogiṃstvāṃ sadā paricintayan |
    keṣu keṣu ca bhāveṣu cintyo'si bhagavanmayā || 10-17||

    GITA 10-18

    विस्तरेणात्मनो योगं विभूतिं च जनार्दन ।
    भूयः कथय तृप्तिर्हि शृण्वतो नास्ति मेऽमृतम् ॥ १०-१८॥
    vistareṇātmano yogaṃ vibhūtiṃ ca janārdana |
    bhūyaḥ kathaya tṛptirhi śṛṇvato nāsti me'mṛtam || 10-18||

    GITA 10-19

    श्रीभगवानुवाच ।
    हन्त ते कथयिष्यामि दिव्या ह्यात्मविभूतयः ।
    प्राधान्यतः कुरुश्रेष्ठ नास्त्यन्तो विस्तरस्य मे ॥ १०-१९॥
    śrībhagavānuvāca |
    hanta te kathayiṣyāmi divyā hyātmavibhūtayaḥ |
    prādhānyataḥ kuruśreṣṭha nāstyanto vistarasya me || 10-19||

    GITA 10-20

    अहमात्मा गुडाकेश सर्वभूताशयस्थितः ।
    अहमादिश्च मध्यं च भूतानामन्त एव च ॥ १०-२०॥
    ahamātmā guḍākeśa sarvabhūtāśayasthitaḥ |
    ahamādiśca madhyaṃ ca bhūtānāmanta eva ca || 10-20||

    GITA 10-21

    आदित्यानामहं विष्णुर्ज्योतिषां रविरंशुमान् ।
    मरीचिर्मरुतामस्मि नक्षत्राणामहं शशी ॥ १०-२१॥
    ādityānāmahaṃ viṣṇurjyotiṣāṃ raviraṃśumān |
    marīcirmarutāmasmi nakṣatrāṇāmahaṃ śaśī || 10-21||

    GITA 10-22

    वेदानां सामवेदोऽस्मि देवानामस्मि वासवः ।
    इन्द्रियाणां मनश्चास्मि भूतानामस्मि चेतना ॥ १०-२२॥
    vedānāṃ sāmavedo'smi devānāmasmi vāsavaḥ |
    indriyāṇāṃ manaścāsmi bhūtānāmasmi cetanā || 10-22||

    GITA 10-23

    रुद्राणां शङ्करश्चास्मि वित्तेशो यक्षरक्षसाम् ।
    वसूनां पावकश्चास्मि मेरुः शिखरिणामहम् ॥ १०-२३॥
    rudrāṇāṃ śaṅkaraścāsmi vitteśo yakṣarakṣasām |
    vasūnāṃ pāvakaścāsmi meruḥ śikhariṇāmaham || 10-23||

    GITA 10-24

    पुरोधसां च मुख्यं मां विद्धि पार्थ बृहस्पतिम् ।
    सेनानीनामहं स्कन्दः सरसामस्मि सागरः ॥ १०-२४॥
    purodhasāṃ ca mukhyaṃ māṃ viddhi pārtha bṛhaspatim |
    senānīnāmahaṃ skandaḥ sarasāmasmi sāgaraḥ || 10-24||

    GITA 10-25

    महर्षीणां भृगुरहं गिरामस्म्येकमक्षरम् ।
    यज्ञानां जपयज्ञोऽस्मि स्थावराणां हिमालयः ॥ १०-२५॥
    maharṣīṇāṃ bhṛgurahaṃ girāmasmyekamakṣaram |
    yajñānāṃ japayajño'smi sthāvarāṇāṃ himālayaḥ || 10-25||

    GITA 10-26

    अश्वत्थः सर्ववृक्षाणां देवर्षीणां च नारदः ।
    गन्धर्वाणां चित्ररथः सिद्धानां कपिलो मुनिः ॥ १०-२६॥
    aśvatthaḥ sarvavṛkṣāṇāṃ devarṣīṇāṃ ca nāradaḥ |
    gandharvāṇāṃ citrarathaḥ siddhānāṃ kapilo muniḥ || 10-26||

    GITA 10-27

    उच्चैःश्रवसमश्वानां विद्धि माममृतोद्भवम् ।
    ऐरावतं गजेन्द्राणां नराणां च नराधिपम् ॥ १०-२७॥
    uccaiḥśravasamaśvānāṃ viddhi māmamṛtodbhavam |
    airāvataṃ gajendrāṇāṃ narāṇāṃ ca narādhipam || 10-27||

    GITA 10-28

    आयुधानामहं वज्रं धेनूनामस्मि कामधुक् ।
    प्रजनश्चास्मि कन्दर्पः सर्पाणामस्मि वासुकिः ॥ १०-२८॥
    āyudhānāmahaṃ vajraṃ dhenūnāmasmi kāmadhuk |
    prajanaścāsmi kandarpaḥ sarpāṇāmasmi vāsukiḥ || 10-28||

    GITA 10-29

    अनन्तश्चास्मि नागानां वरुणो यादसामहम् ।
    पितॄणामर्यमा चास्मि यमः संयमतामहम् ॥ १०-२९॥
    anantaścāsmi nāgānāṃ varuṇo yādasāmaham |
    pitṝṇāmaryamā cāsmi yamaḥ saṃyamatāmaham || 10-29||

    GITA 10-30

    प्रह्लादश्चास्मि दैत्यानां कालः कलयतामहम् ।
    मृगाणां च मृगेन्द्रोऽहं वैनतेयश्च पक्षिणाम् ॥ १०-३०॥
    prahlādaścāsmi daityānāṃ kālaḥ kalayatāmaham |
    mṛgāṇāṃ ca mṛgendro'haṃ vainateyaśca pakṣiṇām || 10-30||

    GITA 10-31

    पवनः पवतामस्मि रामः शस्त्रभृतामहम् ।
    झषाणां मकरश्चास्मि स्रोतसामस्मि जाह्नवी ॥ १०-३१॥
    pavanaḥ pavatāmasmi rāmaḥ śastrabhṛtāmaham |
    jhaṣāṇāṃ makaraścāsmi srotasāmasmi jāhnavī || 10-31||

    GITA 10-32

    सर्गाणामादिरन्तश्च मध्यं चैवाहमर्जुन ।
    अध्यात्मविद्या विद्यानां वादः प्रवदतामहम् ॥ १०-३२॥
    sargāṇāmādirantaśca madhyaṃ caivāhamarjuna |
    adhyātmavidyā vidyānāṃ vādaḥ pravadatāmaham || 10-32||

    GITA 10-33

    अक्षराणामकारोऽस्मि द्वन्द्वः सामासिकस्य च ।
    अहमेवाक्षयः कालो धाताहं विश्वतोमुखः ॥ १०-३३॥
    akṣarāṇāmakāro'smi dvandvaḥ sāmāsikasya ca |
    ahamevākṣayaḥ kālo dhātāhaṃ viśvatomukhaḥ || 10-33||

    GITA 10-34

    मृत्युः सर्वहरश्चाहमुद्भवश्च भविष्यताम् ।
    कीर्तिः श्रीर्वाक्च नारीणां स्मृतिर्मेधा धृतिः क्षमा ॥ १०-३४॥
    mṛtyuḥ sarvaharaścāhamudbhavaśca bhaviṣyatām |
    kīrtiḥ śrīrvākca nārīṇāṃ smṛtirmedhā dhṛtiḥ kṣamā || 10-34||

    GITA 10-35

    बृहत्साम तथा साम्नां गायत्री छन्दसामहम् ।
    मासानां मार्गशीर्षोऽहमृतूनां कुसुमाकरः ॥ १०-३५॥
    bṛhatsāma tathā sāmnāṃ gāyatrī chandasāmaham |
    māsānāṃ mārgaśīrṣo'hamṛtūnāṃ kusumākaraḥ || 10-35||

    GITA 10-36

    द्यूतं छलयतामस्मि तेजस्तेजस्विनामहम् ।
    जयोऽस्मि व्यवसायोऽस्मि सत्त्वं सत्त्ववतामहम् ॥ १०-३६॥
    dyūtaṃ chalayatāmasmi tejastejasvināmaham |
    jayo'smi vyavasāyo'smi sattvaṃ sattvavatāmaham || 10-36||

    GITA 10-37

    वृष्णीनां वासुदेवोऽस्मि पाण्डवानां धनञ्जयः ।
    मुनीनामप्यहं व्यासः कवीनामुशना कविः ॥ १०-३७॥
    vṛṣṇīnāṃ vāsudevo'smi pāṇḍavānāṃ dhanañjayaḥ |
    munīnāmapyahaṃ vyāsaḥ kavīnāmuśanā kaviḥ || 10-37||

    GITA 10-38

    दण्डो दमयतामस्मि नीतिरस्मि जिगीषताम् ।
    मौनं चैवास्मि गुह्यानां ज्ञानं ज्ञानवतामहम् ॥ १०-३८॥
    daṇḍo damayatāmasmi nītirasmi jigīṣatām |
    maunaṃ caivāsmi guhyānāṃ jñānaṃ jñānavatāmaham || 10-38||

    GITA 10-39

    यच्चापि सर्वभूतानां बीजं तदहमर्जुन ।
    न तदस्ति विना यत्स्यान्मया भूतं चराचरम् ॥ १०-३९॥
    yaccāpi sarvabhūtānāṃ bījaṃ tadahamarjuna |
    na tadasti vinā yatsyānmayā bhūtaṃ carācaram || 10-39||

    GITA 10-40

    नान्तोऽस्ति मम दिव्यानां विभूतीनां परन्तप ।
    एष तूद्देशतः प्रोक्तो विभूतेर्विस्तरो मया ॥ १०-४०॥
    nānto'sti mama divyānāṃ vibhūtīnāṃ parantapa |
    eṣa tūddeśataḥ prokto vibhūtervistaro mayā || 10-40||

    GITA 10-41

    यद्यद्विभूतिमत्सत्त्वं श्रीमदूर्जितमेव वा ।
    तत्तदेवावगच्छ त्वं मम तेजोंऽशसम्भवम् ॥ १०-४१॥
    yadyadvibhūtimatsattvaṃ śrīmadūrjitameva vā |
    tattadevāvagaccha tvaṃ mama tejoṃ'śasambhavam || 10-41||

    GITA 10-42

    अथवा बहुनैतेन किं ज्ञातेन तवार्जुन ।
    विष्टभ्याहमिदं कृत्स्नमेकांशेन स्थितो जगत् ॥ १०-४२॥
    athavā bahunaitena kiṃ jñātena tavārjuna |
    viṣṭabhyāhamidaṃ kṛtsnamekāṃśena sthito jagat || 10-42||

    Adhyaya: 11/18 (55)

    अथैकादशोऽध्यायः विश्वरूपदर्शनयोगः
    athaikādaśo'dhyāyaḥ viśvarūpadarśanayogaḥ

    GITA 11-1

    अर्जुन उवाच ।
    मदनुग्रहाय परमं गुह्यमध्यात्मसंज्ञितम् ।
    यत्त्वयोक्तं वचस्तेन मोहोऽयं विगतो मम ॥ ११-१॥
    arjuna uvāca |
    madanugrahāya paramaṃ guhyamadhyātmasaṃjñitam |
    yattvayoktaṃ vacastena moho'yaṃ vigato mama || 11-1||

    GITA 11-2

    भवाप्ययौ हि भूतानां श्रुतौ विस्तरशो मया ।
    त्वत्तः कमलपत्राक्ष माहात्म्यमपि चाव्ययम् ॥ ११-२॥
    bhavāpyayau hi bhūtānāṃ śrutau vistaraśo mayā |
    tvattaḥ kamalapatrākṣa māhātmyamapi cāvyayam || 11-2||

    GITA 11-3

    एवमेतद्यथात्थ त्वमात्मानं परमेश्वर ।
    द्रष्टुमिच्छामि ते रूपमैश्वरं पुरुषोत्तम ॥ ११-३॥
    evametadyathāttha tvamātmānaṃ parameśvara |
    draṣṭumicchāmi te rūpamaiśvaraṃ puruṣottama || 11-3||

    GITA 11-4

    मन्यसे यदि तच्छक्यं मया द्रष्टुमिति प्रभो ।
    योगेश्वर ततो मे त्वं दर्शयात्मानमव्ययम् ॥ ११-४॥
    manyase yadi tacchakyaṃ mayā draṣṭumiti prabho |
    yogeśvara tato me tvaṃ darśayātmānamavyayam || 11-4||

    GITA 11-5

    श्रीभगवानुवाच ।
    पश्य मे पार्थ रूपाणि शतशोऽथ सहस्रशः ।
    नानाविधानि दिव्यानि नानावर्णाकृतीनि च ॥ ११-५॥
    śrībhagavānuvāca |
    paśya me pārtha rūpāṇi śataśo'tha sahasraśaḥ |
    nānāvidhāni divyāni nānāvarṇākṛtīni ca || 11-5||

    GITA 11-6

    पश्यादित्यान्वसून्।ह्रुद्रानश्विनौ मरुतस्तथा ।
    बहून्यदृष्टपूर्वाणि पश्याश्चर्याणि भारत ॥ ११-६॥
    paśyādityānvasūn|hrudrānaśvinau marutastathā |
    bahūnyadṛṣṭapūrvāṇi paśyāścaryāṇi bhārata || 11-6||

    GITA 11-7

    इहैकस्थं जगत्कृत्स्नं पश्याद्य सचराचरम् ।
    मम देहे गुडाकेश यच्चान्यद् द्रष्टुमिच्छसि ॥ ११-७॥
    ihaikasthaṃ jagatkṛtsnaṃ paśyādya sacarācaram |
    mama dehe guḍākeśa yaccānyad draṣṭumicchasi || 11-7||

    GITA 11-8

    न तु मां शक्यसे द्रष्टुमनेनैव स्वचक्षुषा ।
    दिव्यं ददामि ते चक्षुः पश्य मे योगमैश्वरम् ॥ ११-८॥
    na tu māṃ śakyase draṣṭumanenaiva svacakṣuṣā |
    divyaṃ dadāmi te cakṣuḥ paśya me yogamaiśvaram || 11-8||

    GITA 11-9

    सञ्जय उवाच ।
    एवमुक्त्वा ततो राजन्महायोगेश्वरो हरिः ।
    दर्शयामास पार्थाय परमं रूपमैश्वरम् ॥ ११-९॥
    sañjaya uvāca |
    evamuktvā tato rājanmahāyogeśvaro hariḥ |
    darśayāmāsa pārthāya paramaṃ rūpamaiśvaram || 11-9||

    GITA 11-10

    अनेकवक्त्रनयनमनेकाद्।ह्भुतदर्शनम् ।
    अनेकदिव्याभरणं दिव्यानेकोद्यतायुधम् ॥ ११-१०॥
    anekavaktranayanamanekād|hbhutadarśanam |
    anekadivyābharaṇaṃ divyānekodyatāyudham || 11-10||

    GITA 11-11

    दिव्यमाल्याम्बरधरं दिव्यगन्धानुलेपनम् ।
    सर्वाश्चर्यमयं देवमनन्तं विश्वतोमुखम् ॥ ११-११॥
    divyamālyāmbaradharaṃ divyagandhānulepanam |
    sarvāścaryamayaṃ devamanantaṃ viśvatomukham || 11-11||

    GITA 11-12

    दिवि सूर्यसहस्रस्य भवेद्युगपदुत्थिता ।
    यदि भाः सदृशी सा स्याद्भासस्तस्य महात्मनः ॥ ११-१२॥
    divi sūryasahasrasya bhavedyugapadutthitā |
    yadi bhāḥ sadṛśī sā syādbhāsastasya mahātmanaḥ || 11-12||

    GITA 11-13

    तत्रैकस्थं जगत्कृत्स्नं प्रविभक्तमनेकधा ।
    अपश्यद्देवदेवस्य शरीरे पाण्डवस्तदा ॥ ११-१३॥
    tatraikasthaṃ jagatkṛtsnaṃ pravibhaktamanekadhā |
    apaśyaddevadevasya śarīre pāṇḍavastadā || 11-13||

    GITA 11-14

    ततः स विस्मयाविष्टो हृष्टरोमा धनञ्जयः ।
    प्रणम्य शिरसा देवं कृताञ्जलिरभाषत ॥ ११-१४॥
    tataḥ sa vismayāviṣṭo hṛṣṭaromā dhanañjayaḥ |
    praṇamya śirasā devaṃ kṛtāñjalirabhāṣata || 11-14||

    GITA 11-15

    अर्जुन उवाच ।
    पश्यामि देवांस्तव देव देहे ।
    सर्वांस्तथा भूतविशेषसङ्घान् ।
    ब्रह्माणमीशं कमलासनस्थ\- ।
    मृषींश्च सर्वानुरगांश्च दिव्यान् ॥ ११-१५॥
    arjuna uvāca |
    paśyāmi devāṃstava deva dehe |
    sarvāṃstathā bhūtaviśeṣasaṅghān |
    brahmāṇamīśaṃ kamalāsanastha\- |
    mṛṣīṃśca sarvānuragāṃśca divyān || 11-15||

    GITA 11-16

    अनेकबाहूदरवक्त्रनेत्रं ।
    पश्यामि त्वां सर्वतोऽनन्तरूपम् ।
    नान्तं न मध्यं न पुनस्तवादिं ।
    पश्यामि विश्वेश्वर विश्वरूप ॥ ११-१६॥
    anekabāhūdaravaktranetraṃ |
    paśyāmi tvāṃ sarvato'nantarūpam |
    nāntaṃ na madhyaṃ na punastavādiṃ |
    paśyāmi viśveśvara viśvarūpa || 11-16||

    GITA 11-17

    किरीटिनं गदिनं चक्रिणं च ।
    तेजोराशिं सर्वतो दीप्तिमन्तम् ।
    पश्यामि त्वां दुर्निरीक्ष्यं समन्ताद्।ह् ।
    दीप्तानलार्कद्युतिमप्रमेयम् ॥ ११-१७॥
    kirīṭinaṃ gadinaṃ cakriṇaṃ ca |
    tejorāśiṃ sarvato dīptimantam |
    paśyāmi tvāṃ durnirīkṣyaṃ samantād|h |
    dīptānalārkadyutimaprameyam || 11-17||

    GITA 11-18

    त्वमक्षरं परमं वेदितव्यं ।
    त्वमस्य विश्वस्य परं निधानम् ।
    त्वमव्ययः शाश्वतधर्मगोप्ता ।
    सनातनस्त्वं पुरुषो मतो मे ॥ ११-१८॥
    tvamakṣaraṃ paramaṃ veditavyaṃ |
    tvamasya viśvasya paraṃ nidhānam |
    tvamavyayaḥ śāśvatadharmagoptā |
    sanātanastvaṃ puruṣo mato me || 11-18||

    GITA 11-19

    अनादिमध्यान्तमनन्तवीर्य\- ।
    मनन्तबाहुं शशिसूर्यनेत्रम् ।
    पश्यामि त्वां दीप्तहुताशवक्त्रं ।
    स्वतेजसा विश्वमिदं तपन्तम् ॥ ११-१९॥
    anādimadhyāntamanantavīrya\- |
    manantabāhuṃ śaśisūryanetram |
    paśyāmi tvāṃ dīptahutāśavaktraṃ |
    svatejasā viśvamidaṃ tapantam || 11-19||

    GITA 11-20

    द्यावापृथिव्योरिदमन्तरं हि ।
    व्याप्तं त्वयैकेन दिशश्च सर्वाः ।
    दृष्ट्वाद्।ह्भुतं रूपमुग्रं तवेदं ।
    लोकत्रयं प्रव्यथितं महात्मन् ॥ ११-२०॥
    dyāvāpṛthivyoridamantaraṃ hi |
    vyāptaṃ tvayaikena diśaśca sarvāḥ |
    dṛṣṭvād|hbhutaṃ rūpamugraṃ tavedaṃ |
    lokatrayaṃ pravyathitaṃ mahātman || 11-20||

    GITA 11-21

    अमी हि त्वां सुरसङ्घा विशन्ति ।
    केचिद्भीताः प्राञ्जलयो गृणन्ति ।
    स्वस्तीत्युक्त्वा महर्षिसिद्धसङ्घाः ।
    स्तुवन्ति त्वां स्तुतिभिः पुष्कलाभिः ॥ ११-२१॥
    amī hi tvāṃ surasaṅghā viśanti |
    kecidbhītāḥ prāñjalayo gṛṇanti |
    svastītyuktvā maharṣisiddhasaṅghāḥ |
    stuvanti tvāṃ stutibhiḥ puṣkalābhiḥ || 11-21||

    GITA 11-22

    रुद्रादित्या वसवो ये च साध्या ।
    विश्वेऽश्विनौ मरुतश्चोष्मपाश्च ।
    गन्धर्वयक्षासुरसिद्धसङ्घा ।
    वीक्षन्ते त्वां विस्मिताश्चैव सर्वे ॥ ११-२२॥
    rudrādityā vasavo ye ca sādhyā |
    viśve'śvinau marutaścoṣmapāśca |
    gandharvayakṣāsurasiddhasaṅghā |
    vīkṣante tvāṃ vismitāścaiva sarve || 11-22||

    GITA 11-23

    रूपं महत्ते बहुवक्त्रनेत्रं ।
    महाबाहो बहुबाहूरुपादम् ।
    बहूदरं बहुदंष्ट्राकरालं ।
    दृष्ट्वा लोकाः प्रव्यथितास्तथाहम् ॥ ११-२३॥
    rūpaṃ mahatte bahuvaktranetraṃ |
    mahābāho bahubāhūrupādam |
    bahūdaraṃ bahudaṃṣṭrākarālaṃ |
    dṛṣṭvā lokāḥ pravyathitāstathāham || 11-23||

    GITA 11-24

    नभःस्पृशं दीप्तमनेकवर्णं ।
    व्यात्ताननं दीप्तविशालनेत्रम् ।
    दृष्ट्वा हि त्वां प्रव्यथितान्तरात्मा ।
    धृतिं न विन्दामि शमं च विष्णो ॥ ११-२४॥
    nabhaḥspṛśaṃ dīptamanekavarṇaṃ |
    vyāttānanaṃ dīptaviśālanetram |
    dṛṣṭvā hi tvāṃ pravyathitāntarātmā |
    dhṛtiṃ na vindāmi śamaṃ ca viṣṇo || 11-24||

    GITA 11-25

    दंष्ट्राकरालानि च ते मुखानि ।
    दृष्ट्वैव कालानलसन्निभानि ।
    दिशो न जाने न लभे च शर्म ।
    प्रसीद देवेश जगन्निवास ॥ ११-२५॥
    daṃṣṭrākarālāni ca te mukhāni |
    dṛṣṭvaiva kālānalasannibhāni |
    diśo na jāne na labhe ca śarma |
    prasīda deveśa jagannivāsa || 11-25||

    GITA 11-26

    अमी च त्वां धृतराष्ट्रस्य पुत्राः ।
    सर्वे सहैवावनिपालसङ्घैः ।
    भीष्मो द्रोणः सूतपुत्रस्तथासौ ।
    सहास्मदीयैरपि योधमुख्यैः ॥ ११-२६॥
    amī ca tvāṃ dhṛtarāṣṭrasya putrāḥ |
    sarve sahaivāvanipālasaṅghaiḥ |
    bhīṣmo droṇaḥ sūtaputrastathāsau |
    sahāsmadīyairapi yodhamukhyaiḥ || 11-26||

    GITA 11-27

    वक्त्राणि ते त्वरमाणा विशन्ति ।
    दंष्ट्राकरालानि भयानकानि ।
    केचिद्विलग्ना दशनान्तरेषु ।
    सन्दृश्यन्ते चूर्णितैरुत्तमाङ्गैः ॥ ११-२७॥
    vaktrāṇi te tvaramāṇā viśanti |
    daṃṣṭrākarālāni bhayānakāni |
    kecidvilagnā daśanāntareṣu |
    sandṛśyante cūrṇitairuttamāṅgaiḥ || 11-27||

    GITA 11-28

    यथा नदीनां बहवोऽम्बुवेगाः ।
    समुद्रमेवाभिमुखा द्रवन्ति ।
    तथा तवामी नरलोकवीरा ।
    विशन्ति वक्त्राण्यभिविज्वलन्ति ॥ ११-२८॥
    yathā nadīnāṃ bahavo'mbuvegāḥ |
    samudramevābhimukhā dravanti |
    tathā tavāmī naralokavīrā |
    viśanti vaktrāṇyabhivijvalanti || 11-28||

    GITA 11-29

    यथा प्रदीप्तं ज्वलनं पतङ्गा ।
    विशन्ति नाशाय समृद्धवेगाः ।
    तथैव नाशाय विशन्ति लोका\- ।
    स्तवापि वक्त्राणि समृद्धवेगाः ॥ ११-२९॥
    yathā pradīptaṃ jvalanaṃ pataṅgā |
    viśanti nāśāya samṛddhavegāḥ |
    tathaiva nāśāya viśanti lokā\- |
    stavāpi vaktrāṇi samṛddhavegāḥ || 11-29||

    GITA 11-30

    लेलिह्यसे ग्रसमानः समन्ताल्।ह्\- ।
    लोकान्समग्रान्वदनैर्ज्वलद्भिः ।
    तेजोभिरापूर्य जगत्समग्रं ।
    भासस्तवोग्राः प्रतपन्ति विष्णो ॥ ११-३०॥
    lelihyase grasamānaḥ samantāl|h\- |
    lokānsamagrānvadanairjvaladbhiḥ |
    tejobhirāpūrya jagatsamagraṃ |
    bhāsastavogrāḥ pratapanti viṣṇo || 11-30||

    GITA 11-31

    आख्याहि मे को भवानुग्ररूपो ।
    नमोऽस्तु ते देववर प्रसीद ।
    विज्ञातुमिच्छामि भवन्तमाद्यं ।
    न हि प्रजानामि तव प्रवृत्तिम् ॥ ११-३१॥
    ākhyāhi me ko bhavānugrarūpo |
    namo'stu te devavara prasīda |
    vijñātumicchāmi bhavantamādyaṃ |
    na hi prajānāmi tava pravṛttim || 11-31||

    GITA 11-32

    श्रीभगवानुवाच ।
    कालोऽस्मि लोकक्षयकृत्प्रवृद्धो ।
    लोकान्समाहर्तुमिह प्रवृत्तः ।
    ऋतेऽपि त्वां न भविष्यन्ति सर्वे ।
    येऽवस्थिताः प्रत्यनीकेषु योधाः ॥ ११-३२॥
    śrībhagavānuvāca |
    kālo'smi lokakṣayakṛtpravṛddho |
    lokānsamāhartumiha pravṛttaḥ |
    ṛte'pi tvāṃ na bhaviṣyanti sarve |
    ye'vasthitāḥ pratyanīkeṣu yodhāḥ || 11-32||

    GITA 11-33

    तस्मात्त्वमुत्तिष्ठ यशो लभस्व ।
    जित्वा शत्रून् भुङ्।ह्क्ष्व राज्यं समृद्धम् ।
    मयैवैते निहताः पूर्वमेव ।
    निमित्तमात्रं भव सव्यसाचिन् ॥ ११-३३॥
    tasmāttvamuttiṣṭha yaśo labhasva |
    jitvā śatrūn bhuṅ|hkṣva rājyaṃ samṛddham |
    mayaivaite nihatāḥ pūrvameva |
    nimittamātraṃ bhava savyasācin || 11-33||

    GITA 11-34

    द्रोणं च भीष्मं च जयद्रथं च ।
    कर्णं तथान्यानपि योधवीरान् ।
    मया हतांस्त्वं जहि मा व्यथिष्ठा ।
    युध्यस्व जेतासि रणे सपत्नान् ॥ ११-३४॥
    droṇaṃ ca bhīṣmaṃ ca jayadrathaṃ ca |
    karṇaṃ tathānyānapi yodhavīrān |
    mayā hatāṃstvaṃ jahi mā vyathiṣṭhā |
    yudhyasva jetāsi raṇe sapatnān || 11-34||

    GITA 11-35

    सञ्जय उवाच ।
    एतच्छ्रुत्वा वचनं केशवस्य ।
    कृताञ्जलिर्वेपमानः किरीटी ।
    नमस्कृत्वा भूय एवाह कृष्णं ।
    सगद्गदं भीतभीतः प्रणम्य ॥ ११-३५॥
    sañjaya uvāca |
    etacchrutvā vacanaṃ keśavasya |
    kṛtāñjalirvepamānaḥ kirīṭī |
    namaskṛtvā bhūya evāha kṛṣṇaṃ |
    sagadgadaṃ bhītabhītaḥ praṇamya || 11-35||

    GITA 11-36

    अर्जुन उवाच ।
    स्थाने हृषीकेश तव प्रकीर्त्या ।
    जगत्प्रहृष्यत्यनुरज्यते च ।
    रक्षांसि भीतानि दिशो द्रवन्ति ।
    सर्वे नमस्यन्ति च सिद्धसङ्घाः ॥ ११-३६॥
    arjuna uvāca |
    sthāne hṛṣīkeśa tava prakīrtyā |
    jagatprahṛṣyatyanurajyate ca |
    rakṣāṃsi bhītāni diśo dravanti |
    sarve namasyanti ca siddhasaṅghāḥ || 11-36||

    GITA 11-37

    कस्माच्च ते न नमेरन्महात्मन्।ह् ।
    गरीयसे ब्रह्मणोऽप्यादिकर्त्रे ।
    अनन्त देवेश जगन्निवास ।
    त्वमक्षरं सदसत्तत्परं यत् ॥ ११-३७॥
    kasmācca te na nameranmahātman|h |
    garīyase brahmaṇo'pyādikartre |
    ananta deveśa jagannivāsa |
    tvamakṣaraṃ sadasattatparaṃ yat || 11-37||

    GITA 11-38

    त्वमादिदेवः पुरुषः पुराण\- ।
    स्त्वमस्य विश्वस्य परं निधानम् ।
    वेत्तासि वेद्यं च परं च धाम ।
    त्वया ततं विश्वमनन्तरूप ॥ ११-३८॥
    tvamādidevaḥ puruṣaḥ purāṇa\- |
    stvamasya viśvasya paraṃ nidhānam |
    vettāsi vedyaṃ ca paraṃ ca dhāma |
    tvayā tataṃ viśvamanantarūpa || 11-38||

    GITA 11-39

    वायुर्यमोऽग्निर्वरुणः शशाङ्कः ।
    प्रजापतिस्त्वं प्रपितामहश्च ।
    नमो नमस्तेऽस्तु सहस्रकृत्वः ।
    पुनश्च भूयोऽपि नमो नमस्ते ॥ ११-३९॥
    vāyuryamo'gnirvaruṇaḥ śaśāṅkaḥ |
    prajāpatistvaṃ prapitāmahaśca |
    namo namaste'stu sahasrakṛtvaḥ |
    punaśca bhūyo'pi namo namaste || 11-39||

    GITA 11-40

    नमः पुरस्तादथ पृष्ठतस्ते ।
    नमोऽस्तु ते सर्वत एव सर्व ।
    अनन्तवीर्यामितविक्रमस्त्वं ।
    सर्वं समाप्नोषि ततोऽसि सर्वः ॥ ११-४०॥
    namaḥ purastādatha pṛṣṭhataste |
    namo'stu te sarvata eva sarva |
    anantavīryāmitavikramastvaṃ |
    sarvaṃ samāpnoṣi tato'si sarvaḥ || 11-40||

    GITA 11-41

    सखेति मत्वा प्रसभं यदुक्तं ।
    हे कृष्ण हे यादव हे सखेति ।
    अजानता महिमानं तवेदं ।
    मया प्रमादात्प्रणयेन वापि ॥ ११-४१॥
    sakheti matvā prasabhaṃ yaduktaṃ |
    he kṛṣṇa he yādava he sakheti |
    ajānatā mahimānaṃ tavedaṃ |
    mayā pramādātpraṇayena vāpi || 11-41||

    GITA 11-42

    यच्चावहासार्थमसत्कृतोऽसि ।
    विहारशय्यासनभोजनेषु ।
    एकोऽथवाप्यच्युत तत्समक्षं ।
    तत्क्षामये त्वामहमप्रमेयम् ॥ ११-४२॥
    yaccāvahāsārthamasatkṛto'si |
    vihāraśayyāsanabhojaneṣu |
    eko'thavāpyacyuta tatsamakṣaṃ |
    tatkṣāmaye tvāmahamaprameyam || 11-42||

    GITA 11-43

    पितासि लोकस्य चराचरस्य ।
    त्वमस्य पूज्यश्च गुरुर्गरीयान् ।
    न त्वत्समोऽस्त्यभ्यधिकः कुतोऽन्यो ।
    लोकत्रयेऽप्यप्रतिमप्रभाव ॥ ११-४३॥
    pitāsi lokasya carācarasya |
    tvamasya pūjyaśca gururgarīyān |
    na tvatsamo'styabhyadhikaḥ kuto'nyo |
    lokatraye'pyapratimaprabhāva || 11-43||

    GITA 11-44

    तस्मात्प्रणम्य प्रणिधाय कायं ।
    प्रसादये त्वामहमीशमीड्यम् ।
    पितेव पुत्रस्य सखेव सख्युः ।
    प्रियः प्रियायार्हसि देव सोढुम् ॥ ११-४४॥
    tasmātpraṇamya praṇidhāya kāyaṃ |
    prasādaye tvāmahamīśamīḍyam |
    piteva putrasya sakheva sakhyuḥ |
    priyaḥ priyāyārhasi deva soḍhum || 11-44||

    GITA 11-45

    अदृष्टपूर्वं हृषितोऽस्मि दृष्ट्वा ।
    भयेन च प्रव्यथितं मनो मे ।
    तदेव मे दर्शय देव रूपं ।
    प्रसीद देवेश जगन्निवास ॥ ११-४५॥
    adṛṣṭapūrvaṃ hṛṣito'smi dṛṣṭvā |
    bhayena ca pravyathitaṃ mano me |
    tadeva me darśaya deva rūpaṃ |
    prasīda deveśa jagannivāsa || 11-45||

    GITA 11-46

    किरीटिनं गदिनं चक्रहस्तं ।
    इच्छामि त्वां द्रष्टुमहं तथैव ।
    तेनैव रूपेण चतुर्भुजेन ।
    सहस्रबाहो भव विश्वमूर्ते ॥ ११-४६॥
    kirīṭinaṃ gadinaṃ cakrahastaṃ |
    icchāmi tvāṃ draṣṭumahaṃ tathaiva |
    tenaiva rūpeṇa caturbhujena |
    sahasrabāho bhava viśvamūrte || 11-46||

    GITA 11-47

    श्रीभगवानुवाच ।
    मया प्रसन्नेन तवार्जुनेदं ।
    रूपं परं दर्शितमात्मयोगात् ।
    तेजोमयं विश्वमनन्तमाद्यं ।
    यन्मे त्वदन्येन न दृष्टपूर्वम् ॥ ११-४७॥
    śrībhagavānuvāca |
    mayā prasannena tavārjunedaṃ |
    rūpaṃ paraṃ darśitamātmayogāt |
    tejomayaṃ viśvamanantamādyaṃ |
    yanme tvadanyena na dṛṣṭapūrvam || 11-47||

    GITA 11-48

    न वेदयज्ञाध्ययनैर्न दानै\- ।
    र्न च क्रियाभिर्न तपोभिरुग्रैः ।
    एवंरूपः शक्य अहं नृलोके ।
    द्रष्टुं त्वदन्येन कुरुप्रवीर ॥ ११-४८॥
    na vedayajñādhyayanairna dānai\- |
    rna ca kriyābhirna tapobhirugraiḥ |
    evaṃrūpaḥ śakya ahaṃ nṛloke |
    draṣṭuṃ tvadanyena kurupravīra || 11-48||

    GITA 11-49

    मा ते व्यथा मा च विमूढभावो ।
    दृष्ट्वा रूपं घोरमीदृङ्।ह्ममेदम् ।
    व्यपेतभीः प्रीतमनाः पुनस्त्वं ।
    तदेव मे रूपमिदं प्रपश्य ॥ ११-४९॥
    mā te vyathā mā ca vimūḍhabhāvo |
    dṛṣṭvā rūpaṃ ghoramīdṛṅ|hmamedam |
    vyapetabhīḥ prītamanāḥ punastvaṃ |
    tadeva me rūpamidaṃ prapaśya || 11-49||

    GITA 11-50

    सञ्जय उवाच ।
    इत्यर्जुनं वासुदेवस्तथोक्त्वा ।
    स्वकं रूपं दर्शयामास भूयः ।
    आश्वासयामास च भीतमेनं ।
    भूत्वा पुनः सौम्यवपुर्महात्मा ॥ ११-५०॥
    sañjaya uvāca |
    ityarjunaṃ vāsudevastathoktvā |
    svakaṃ rūpaṃ darśayāmāsa bhūyaḥ |
    āśvāsayāmāsa ca bhītamenaṃ |
    bhūtvā punaḥ saumyavapurmahātmā || 11-50||

    GITA 11-51

    अर्जुन उवाच ।
    दृष्ट्वेदं मानुषं रूपं तव सौम्यं जनार्दन ।
    इदानीमस्मि संवृत्तः सचेताः प्रकृतिं गतः ॥ ११-५१॥
    arjuna uvāca |
    dṛṣṭvedaṃ mānuṣaṃ rūpaṃ tava saumyaṃ janārdana |
    idānīmasmi saṃvṛttaḥ sacetāḥ prakṛtiṃ gataḥ || 11-51||

    GITA 11-52

    श्रीभगवानुवाच ।
    सुदुर्दर्शमिदं रूपं दृष्टवानसि यन्मम ।
    देवा अप्यस्य रूपस्य नित्यं दर्शनकाङ्क्षिणः ॥ ११-५२॥
    śrībhagavānuvāca |
    sudurdarśamidaṃ rūpaṃ dṛṣṭavānasi yanmama |
    devā apyasya rūpasya nityaṃ darśanakāṅkṣiṇaḥ || 11-52||

    GITA 11-53

    नाहं वेदैर्न तपसा न दानेन न चेज्यया ।
    शक्य एवंविधो द्रष्टुं दृष्टवानसि मां यथा ॥ ११-५३॥
    nāhaṃ vedairna tapasā na dānena na cejyayā |
    śakya evaṃvidho draṣṭuṃ dṛṣṭavānasi māṃ yathā || 11-53||

    GITA 11-54

    भक्त्या त्वनन्यया शक्य अहमेवंविधोऽर्जुन ।
    ज्ञातुं द्रष्टुं च तत्त्वेन प्रवेष्टुं च परन्तप ॥ ११-५४॥
    bhaktyā tvananyayā śakya ahamevaṃvidho'rjuna |
    jñātuṃ draṣṭuṃ ca tattvena praveṣṭuṃ ca parantapa || 11-54||

    GITA 11-55

    मत्कर्मकृन्मत्परमो मद्भक्तः सङ्गवर्जितः ।
    निर्वैरः सर्वभूतेषु यः स मामेति पाण्डव ॥ ११-५५॥
    matkarmakṛnmatparamo madbhaktaḥ saṅgavarjitaḥ |
    nirvairaḥ sarvabhūteṣu yaḥ sa māmeti pāṇḍava || 11-55||

    Adhyaya: 12/18 (20)

    अथ द्वादशोऽध्यायः भक्तियोगः
    atha dvādaśo'dhyāyaḥ bhaktiyogaḥ

    GITA 12-1

    अर्जुन उवाच ।
    एवं सततयुक्ता ये भक्तास्त्वां पर्युपासते ।
    ये चाप्यक्षरमव्यक्तं तेषां के योगवित्तमाः ॥ १२-१॥
    arjuna uvāca |
    evaṃ satatayuktā ye bhaktāstvāṃ paryupāsate |
    ye cāpyakṣaramavyaktaṃ teṣāṃ ke yogavittamāḥ || 12-1||

    GITA 12-2

    श्रीभगवानुवाच ।
    मय्यावेश्य मनो ये मां नित्ययुक्ता उपासते ।
    श्रद्धया परयोपेताः ते मे युक्ततमा मताः ॥ १२-२॥
    śrībhagavānuvāca |
    mayyāveśya mano ye māṃ nityayuktā upāsate |
    śraddhayā parayopetāḥ te me yuktatamā matāḥ || 12-2||

    GITA 12-3

    ये त्वक्षरमनिर्देश्यमव्यक्तं पर्युपासते ।
    सर्वत्रगमचिन्त्यञ्च कूटस्थमचलन्ध्रुवम् ॥ १२-३॥
    ye tvakṣaramanirdeśyamavyaktaṃ paryupāsate |
    sarvatragamacintyañca kūṭasthamacalandhruvam || 12-3||

    GITA 12-4

    सन्नियम्येन्द्रियग्रामं सर्वत्र समबुद्धयः ।
    ते प्राप्नुवन्ति मामेव सर्वभूतहिते रताः ॥ १२-४॥
    sanniyamyendriyagrāmaṃ sarvatra samabuddhayaḥ |
    te prāpnuvanti māmeva sarvabhūtahite ratāḥ || 12-4||

    GITA 12-5

    क्लेशोऽधिकतरस्तेषामव्यक्तासक्तचेतसाम् ।
    अव्यक्ता हि गतिर्दुःखं देहवद्भिरवाप्यते ॥ १२-५॥
    kleśo'dhikatarasteṣāmavyaktāsaktacetasām |
    avyaktā hi gatirduḥkhaṃ dehavadbhiravāpyate || 12-5||

    GITA 12-6

    ये तु सर्वाणि कर्माणि मयि संन्यस्य मत्पराः ।
    अनन्येनैव योगेन मां ध्यायन्त उपासते ॥ १२-६॥
    ye tu sarvāṇi karmāṇi mayi saṃnyasya matparāḥ |
    ananyenaiva yogena māṃ dhyāyanta upāsate || 12-6||

    GITA 12-7

    तेषामहं समुद्धर्ता मृत्युसंसारसागरात् ।
    भवामि नचिरात्पार्थ मय्यावेशितचेतसाम् ॥ १२-७॥
    teṣāmahaṃ samuddhartā mṛtyusaṃsārasāgarāt |
    bhavāmi nacirātpārtha mayyāveśitacetasām || 12-7||

    GITA 12-8

    मय्येव मन आधत्स्व मयि बुद्धिं निवेशय ।
    निवसिष्यसि मय्येव अत ऊर्ध्वं न संशयः ॥ १२-८॥
    mayyeva mana ādhatsva mayi buddhiṃ niveśaya |
    nivasiṣyasi mayyeva ata ūrdhvaṃ na saṃśayaḥ || 12-8||

    GITA 12-9

    अथ चित्तं समाधातुं न शक्नोषि मयि स्थिरम् ।
    अभ्यासयोगेन ततो मामिच्छाप्तुं धनञ्जय ॥ १२-९॥
    atha cittaṃ samādhātuṃ na śaknoṣi mayi sthiram |
    abhyāsayogena tato māmicchāptuṃ dhanañjaya || 12-9||

    GITA 12-10

    अभ्यासेऽप्यसमर्थोऽसि मत्कर्मपरमो भव ।
    मदर्थमपि कर्माणि कुर्वन्सिद्धिमवाप्स्यसि ॥ १२-१०॥
    abhyāse'pyasamartho'si matkarmaparamo bhava |
    madarthamapi karmāṇi kurvansiddhimavāpsyasi || 12-10||

    GITA 12-11

    अथैतदप्यशक्तोऽसि कर्तुं मद्योगमाश्रितः ।
    सर्वकर्मफलत्यागं ततः कुरु यतात्मवान् ॥ १२-११॥
    athaitadapyaśakto'si kartuṃ madyogamāśritaḥ |
    sarvakarmaphalatyāgaṃ tataḥ kuru yatātmavān || 12-11||

    GITA 12-12

    श्रेयो हि ज्ञानमभ्यासाज्ज्ञानाद्।ह्ध्यानं विशिष्यते ।
    ध्यानात्कर्मफलत्यागस्त्यागाच्छान्तिरनन्तरम् ॥ १२-१२॥
    śreyo hi jñānamabhyāsājjñānād|hdhyānaṃ viśiṣyate |
    dhyānātkarmaphalatyāgastyāgācchāntiranantaram || 12-12||

    GITA 12-13

    अद्वेष्टा सर्वभूतानां मैत्रः करुण एव च ।
    निर्ममो निरहङ्कारः समदुःखसुखः क्षमी ॥ १२-१३॥
    adveṣṭā sarvabhūtānāṃ maitraḥ karuṇa eva ca |
    nirmamo nirahaṅkāraḥ samaduḥkhasukhaḥ kṣamī || 12-13||

    GITA 12-14

    सन्तुष्टः सततं योगी यतात्मा दृढनिश्चयः ।
    मय्यर्पितमनोबुद्धिर्यो मद्भक्तः स मे प्रियः ॥ १२-१४॥
    santuṣṭaḥ satataṃ yogī yatātmā dṛḍhaniścayaḥ |
    mayyarpitamanobuddhiryo madbhaktaḥ sa me priyaḥ || 12-14||

    GITA 12-15

    यस्मान्नोद्विजते लोको लोकान्नोद्विजते च यः ।
    हर्षामर्षभयोद्वेगैर्मुक्तो यः स च मे प्रियः ॥ १२-१५॥
    yasmānnodvijate loko lokānnodvijate ca yaḥ |
    harṣāmarṣabhayodvegairmukto yaḥ sa ca me priyaḥ || 12-15||

    GITA 12-16

    अनपेक्षः शुचिर्दक्ष उदासीनो गतव्यथः ।
    सर्वारम्भपरित्यागी यो मद्भक्तः स मे प्रियः ॥ १२-१६॥
    anapekṣaḥ śucirdakṣa udāsīno gatavyathaḥ |
    sarvārambhaparityāgī yo madbhaktaḥ sa me priyaḥ || 12-16||

    GITA 12-17

    यो न हृष्यति न द्वेष्टि न शोचति न काङ्क्षति ।
    शुभाशुभपरित्यागी भक्तिमान्यः स मे प्रियः ॥ १२-१७॥
    yo na hṛṣyati na dveṣṭi na śocati na kāṅkṣati |
    śubhāśubhaparityāgī bhaktimānyaḥ sa me priyaḥ || 12-17||

    GITA 12-18

    समः शत्रौ च मित्रे च तथा मानापमानयोः ।
    शीतोष्णसुखदुःखेषु समः सङ्गविवर्जितः ॥ १२-१८॥
    samaḥ śatrau ca mitre ca tathā mānāpamānayoḥ |
    śītoṣṇasukhaduḥkheṣu samaḥ saṅgavivarjitaḥ || 12-18||

    GITA 12-19

    तुल्यनिन्दास्तुतिर्मौनी सन्तुष्टो येन केनचित् ।
    अनिकेतः स्थिरमतिर्भक्तिमान्मे प्रियो नरः ॥ १२-१९॥
    tulyanindāstutirmaunī santuṣṭo yena kenacit |
    aniketaḥ sthiramatirbhaktimānme priyo naraḥ || 12-19||

    GITA 12-20

    ये तु धर्म्यामृतमिदं यथोक्तं पर्युपासते ।
    श्रद्दधाना मत्परमा भक्तास्तेऽतीव मे प्रियाः ॥ १२-२०॥
    ye tu dharmyāmṛtamidaṃ yathoktaṃ paryupāsate |
    śraddadhānā matparamā bhaktāste'tīva me priyāḥ || 12-20||

    Adhyaya: 13/18 (35)

    अथ त्रयोदशोऽध्यायः क्षेत्रक्षेत्रज्ञविभागयोगः
    atha trayodaśo'dhyāyaḥ kṣetrakṣetrajñavibhāgayogaḥ

    GITA 13-1

    अर्जुन उवाच ।
    प्रकृतिं पुरुषं चैव क्षेत्रं क्षेत्रज्ञमेव च ।
    एतद्वेदितुमिच्छामि ज्ञानं ज्ञेयं च केशव ॥ १३-१॥
    arjuna uvāca |
    prakṛtiṃ puruṣaṃ caiva kṣetraṃ kṣetrajñameva ca |
    etadveditumicchāmi jñānaṃ jñeyaṃ ca keśava || 13-1||

    GITA 13-2

    श्रीभगवानुवाच ।
    इदं शरीरं कौन्तेय क्षेत्रमित्यभिधीयते ।
    एतद्यो वेत्ति तं प्राहुः क्षेत्रज्ञ इति तद्विदः ॥ १३-२॥
    śrībhagavānuvāca |
    idaṃ śarīraṃ kaunteya kṣetramityabhidhīyate |
    etadyo vetti taṃ prāhuḥ kṣetrajña iti tadvidaḥ || 13-2||

    GITA 13-3

    क्षेत्रज्ञं चापि मां विद्धि सर्वक्षेत्रेषु भारत ।
    क्षेत्रक्षेत्रज्ञयोर्ज्ञानं यत्तज्ज्ञानं मतं मम ॥ १३-३॥
    kṣetrajñaṃ cāpi māṃ viddhi sarvakṣetreṣu bhārata |
    kṣetrakṣetrajñayorjñānaṃ yattajjñānaṃ mataṃ mama || 13-3||

    GITA 13-4

    तत्क्षेत्रं यच्च यादृक्च यद्विकारि यतश्च यत् ।
    स च यो यत्प्रभावश्च तत्समासेन मे शृणु ॥ १३-४॥
    tatkṣetraṃ yacca yādṛkca yadvikāri yataśca yat |
    sa ca yo yatprabhāvaśca tatsamāsena me śṛṇu || 13-4||

    GITA 13-5

    ऋषिभिर्बहुधा गीतं छन्दोभिर्विविधैः पृथक् ।
    ब्रह्मसूत्रपदैश्चैव हेतुमद्भिर्विनिश्चितैः ॥ १३-५॥
    ṛṣibhirbahudhā gītaṃ chandobhirvividhaiḥ pṛthak |
    brahmasūtrapadaiścaiva hetumadbhirviniścitaiḥ || 13-5||

    GITA 13-6

    महाभूतान्यहङ्कारो बुद्धिरव्यक्तमेव च ।
    इन्द्रियाणि दशैकं च पञ्च चेन्द्रियगोचराः ॥ १३-६॥
    mahābhūtānyahaṅkāro buddhiravyaktameva ca |
    indriyāṇi daśaikaṃ ca pañca cendriyagocarāḥ || 13-6||

    GITA 13-7

    इच्छा द्वेषः सुखं दुःखं सङ्घातश्चेतना धृतिः ।
    एतत्क्षेत्रं समासेन सविकारमुदाहृतम् ॥ १३-७॥
    icchā dveṣaḥ sukhaṃ duḥkhaṃ saṅghātaścetanā dhṛtiḥ |
    etatkṣetraṃ samāsena savikāramudāhṛtam || 13-7||

    GITA 13-8

    अमानित्वमदम्भित्वमहिंसा क्षान्तिरार्जवम् ।
    आचार्योपासनं शौचं स्थैर्यमात्मविनिग्रहः ॥ १३-८॥
    amānitvamadambhitvamahiṃsā kṣāntirārjavam |
    ācāryopāsanaṃ śaucaṃ sthairyamātmavinigrahaḥ || 13-8||

    GITA 13-9

    इन्द्रियार्थेषु वैराग्यमनहङ्कार एव च ।
    जन्ममृत्युजराव्याधिदुःखदोषानुदर्शनम् ॥ १३-९॥
    indriyārtheṣu vairāgyamanahaṅkāra eva ca |
    janmamṛtyujarāvyādhiduḥkhadoṣānudarśanam || 13-9||

    GITA 13-10

    असक्तिरनभिष्वङ्गः पुत्रदारगृहादिषु ।
    नित्यं च समचित्तत्वमिष्टानिष्टोपपत्तिषु ॥ १३-१०॥
    asaktiranabhiṣvaṅgaḥ putradāragṛhādiṣu |
    nityaṃ ca samacittatvamiṣṭāniṣṭopapattiṣu || 13-10||

    GITA 13-11

    मयि चानन्ययोगेन भक्तिरव्यभिचारिणी ।
    विविक्तदेशसेवित्वमरतिर्जनसंसदि ॥ १३-११॥
    mayi cānanyayogena bhaktiravyabhicāriṇī |
    viviktadeśasevitvamaratirjanasaṃsadi || 13-11||

    GITA 13-12

    अध्यात्मज्ञाननित्यत्वं तत्त्वज्ञानार्थदर्शनम् ।
    एतज्ज्ञानमिति प्रोक्तमज्ञानं यदतोऽन्यथा ॥ १३-१२॥
    adhyātmajñānanityatvaṃ tattvajñānārthadarśanam |
    etajjñānamiti proktamajñānaṃ yadato'nyathā || 13-12||

    GITA 13-13

    ज्ञेयं यत्तत्प्रवक्ष्यामि यज्ज्ञात्वामृतमश्नुते ।
    अनादिमत्परं ब्रह्म न सत्तन्नासदुच्यते ॥ १३-१३॥
    jñeyaṃ yattatpravakṣyāmi yajjñātvāmṛtamaśnute |
    anādimatparaṃ brahma na sattannāsaducyate || 13-13||

    GITA 13-14

    सर्वतः पाणिपादं तत्सर्वतोऽक्षिशिरोमुखम् ।
    सर्वतः श्रुतिमल्लोके सर्वमावृत्य तिष्ठति ॥ १३-१४॥
    sarvataḥ pāṇipādaṃ tatsarvato'kṣiśiromukham |
    sarvataḥ śrutimalloke sarvamāvṛtya tiṣṭhati || 13-14||

    GITA 13-15

    सर्वेन्द्रियगुणाभासं सर्वेन्द्रियविवर्जितम् ।
    असक्तं सर्वभृच्चैव निर्गुणं गुणभोक्तृ च ॥ १३-१५॥
    sarvendriyaguṇābhāsaṃ sarvendriyavivarjitam |
    asaktaṃ sarvabhṛccaiva nirguṇaṃ guṇabhoktṛ ca || 13-15||

    GITA 13-16

    बहिरन्तश्च भूतानामचरं चरमेव च ।
    सूक्ष्मत्वात्तदविज्ञेयं दूरस्थं चान्तिके च तत् ॥ १३-१६॥
    bahirantaśca bhūtānāmacaraṃ carameva ca |
    sūkṣmatvāttadavijñeyaṃ dūrasthaṃ cāntike ca tat || 13-16||

    GITA 13-17

    अविभक्तं च भूतेषु विभक्तमिव च स्थितम् ।
    भूतभर्तृ च तज्ज्ञेयं ग्रसिष्णु प्रभविष्णु च ॥ १३-१७॥
    avibhaktaṃ ca bhūteṣu vibhaktamiva ca sthitam |
    bhūtabhartṛ ca tajjñeyaṃ grasiṣṇu prabhaviṣṇu ca || 13-17||

    GITA 13-18

    ज्योतिषामपि तज्ज्योतिस्तमसः परमुच्यते ।
    ज्ञानं ज्ञेयं ज्ञानगम्यं हृदि सर्वस्य विष्ठितम् ॥ १३-१८॥
    jyotiṣāmapi tajjyotistamasaḥ paramucyate |
    jñānaṃ jñeyaṃ jñānagamyaṃ hṛdi sarvasya viṣṭhitam || 13-18||

    GITA 13-19

    इति क्षेत्रं तथा ज्ञानं ज्ञेयं चोक्तं समासतः ।
    मद्भक्त एतद्विज्ञाय मद्भावायोपपद्यते ॥ १३-१९॥
    iti kṣetraṃ tathā jñānaṃ jñeyaṃ coktaṃ samāsataḥ |
    madbhakta etadvijñāya madbhāvāyopapadyate || 13-19||

    GITA 13-20

    प्रकृतिं पुरुषं चैव विद्।ह्ध्यनादी उभावपि ।
    विकारांश्च गुणांश्चैव विद्धि प्रकृतिसम्भवान् ॥ १३-२०॥
    prakṛtiṃ puruṣaṃ caiva vid|hdhyanādī ubhāvapi |
    vikārāṃśca guṇāṃścaiva viddhi prakṛtisambhavān || 13-20||

    GITA 13-21

    कार्यकारणकर्तृत्वे हेतुः प्रकृतिरुच्यते ।
    पुरुषः सुखदुःखानां भोक्तृत्वे हेतुरुच्यते ॥ १३-२१॥
    kāryakāraṇakartṛtve hetuḥ prakṛtirucyate |
    puruṣaḥ sukhaduḥkhānāṃ bhoktṛtve heturucyate || 13-21||

    GITA 13-22

    पुरुषः प्रकृतिस्थो हि भुङ्।ह्क्ते प्रकृतिजान्गुणान् ।
    कारणं गुणसङ्गोऽस्य सदसद्योनिजन्मसु ॥ १३-२२॥
    puruṣaḥ prakṛtistho hi bhuṅ|hkte prakṛtijānguṇān |
    kāraṇaṃ guṇasaṅgo'sya sadasadyonijanmasu || 13-22||

    GITA 13-23

    उपद्रष्टानुमन्ता च भर्ता भोक्ता महेश्वरः ।
    परमात्मेति चाप्युक्तो देहेऽस्मिन्पुरुषः परः ॥ १३-२३॥
    upadraṣṭānumantā ca bhartā bhoktā maheśvaraḥ |
    paramātmeti cāpyukto dehe'sminpuruṣaḥ paraḥ || 13-23||

    GITA 13-24

    य एवं वेत्ति पुरुषं प्रकृतिं च गुणैः सह ।
    सर्वथा वर्तमानोऽपि न स भूयोऽभिजायते ॥ १३-२४॥
    ya evaṃ vetti puruṣaṃ prakṛtiṃ ca guṇaiḥ saha |
    sarvathā vartamāno'pi na sa bhūyo'bhijāyate || 13-24||

    GITA 13-25

    ध्यानेनात्मनि पश्यन्ति केचिदात्मानमात्मना ।
    अन्ये साङ्ख्येन योगेन कर्मयोगेन चापरे ॥ १३-२५॥
    dhyānenātmani paśyanti kecidātmānamātmanā |
    anye sāṅkhyena yogena karmayogena cāpare || 13-25||

    GITA 13-26

    अन्ये त्वेवमजानन्तः श्रुत्वान्येभ्य उपासते ।
    तेऽपि चातितरन्त्येव मृत्युं श्रुतिपरायणाः ॥ १३-२६॥
    anye tvevamajānantaḥ śrutvānyebhya upāsate |
    te'pi cātitarantyeva mṛtyuṃ śrutiparāyaṇāḥ || 13-26||

    GITA 13-27

    यावत्सञ्जायते किञ्चित्सत्त्वं स्थावरजङ्गमम् ।
    क्षेत्रक्षेत्रज्ञसंयोगात्तद्विद्धि भरतर्षभ ॥ १३-२७॥
    yāvatsañjāyate kiñcitsattvaṃ sthāvarajaṅgamam |
    kṣetrakṣetrajñasaṃyogāttadviddhi bharatarṣabha || 13-27||

    GITA 13-28

    समं सर्वेषु भूतेषु तिष्ठन्तं परमेश्वरम् ।
    विनश्यत्स्वविनश्यन्तं यः पश्यति स पश्यति ॥ १३-२८॥
    samaṃ sarveṣu bhūteṣu tiṣṭhantaṃ parameśvaram |
    vinaśyatsvavinaśyantaṃ yaḥ paśyati sa paśyati || 13-28||

    GITA 13-29

    समं पश्यन्हि सर्वत्र समवस्थितमीश्वरम् ।
    न हिनस्त्यात्मनात्मानं ततो याति परां गतिम् ॥ १३-२९॥
    samaṃ paśyanhi sarvatra samavasthitamīśvaram |
    na hinastyātmanātmānaṃ tato yāti parāṃ gatim || 13-29||

    GITA 13-30

    प्रकृत्यैव च कर्माणि क्रियमाणानि सर्वशः ।
    यः पश्यति तथात्मानमकर्तारं स पश्यति ॥ १३-३०॥
    prakṛtyaiva ca karmāṇi kriyamāṇāni sarvaśaḥ |
    yaḥ paśyati tathātmānamakartāraṃ sa paśyati || 13-30||

    GITA 13-31

    यदा भूतपृथग्भावमेकस्थमनुपश्यति ।
    तत एव च विस्तारं ब्रह्म सम्पद्यते तदा ॥ १३-३१॥
    yadā bhūtapṛthagbhāvamekasthamanupaśyati |
    tata eva ca vistāraṃ brahma sampadyate tadā || 13-31||

    GITA 13-32

    अनादित्वान्निर्गुणत्वात्परमात्मायमव्ययः ।
    शरीरस्थोऽपि कौन्तेय न करोति न लिप्यते ॥ १३-३२॥
    anāditvānnirguṇatvātparamātmāyamavyayaḥ |
    śarīrastho'pi kaunteya na karoti na lipyate || 13-32||

    GITA 13-33

    यथा सर्वगतं सौक्ष्म्यादाकाशं नोपलिप्यते ।
    सर्वत्रावस्थितो देहे तथात्मा नोपलिप्यते ॥ १३-३३॥
    yathā sarvagataṃ saukṣmyādākāśaṃ nopalipyate |
    sarvatrāvasthito dehe tathātmā nopalipyate || 13-33||

    GITA 13-34

    यथा प्रकाशयत्येकः कृत्स्नं लोकमिमं रविः ।
    क्षेत्रं क्षेत्री तथा कृत्स्नं प्रकाशयति भारत ॥ १३-३४॥
    yathā prakāśayatyekaḥ kṛtsnaṃ lokamimaṃ raviḥ |
    kṣetraṃ kṣetrī tathā kṛtsnaṃ prakāśayati bhārata || 13-34||

    GITA 13-35

    क्षेत्रक्षेत्रज्ञयोरेवमन्तरं ज्ञानचक्षुषा ।
    भूतप्रकृतिमोक्षं च ये विदुर्यान्ति ते परम् ॥ १३-३५॥
    kṣetrakṣetrajñayorevamantaraṃ jñānacakṣuṣā |
    bhūtaprakṛtimokṣaṃ ca ye viduryānti te param || 13-35||

    Adhyaya: 14/18 (27)

    अथ चतुर्दशोऽध्यायः गुणत्रयविभागयोगः
    atha caturdaśo'dhyāyaḥ guṇatrayavibhāgayogaḥ

    GITA 14-1

    श्रीभगवानुवाच ।
    परं भूयः प्रवक्ष्यामि ज्ञानानां ज्ञानमुत्तमम् ।
    यज्ज्ञात्वा मुनयः सर्वे परां सिद्धिमितो गताः ॥ १४-१॥
    śrībhagavānuvāca |
    paraṃ bhūyaḥ pravakṣyāmi jñānānāṃ jñānamuttamam |
    yajjñātvā munayaḥ sarve parāṃ siddhimito gatāḥ || 14-1||

    GITA 14-2

    इदं ज्ञानमुपाश्रित्य मम साधर्म्यमागताः ।
    सर्गेऽपि नोपजायन्ते प्रलये न व्यथन्ति च ॥ १४-२॥
    idaṃ jñānamupāśritya mama sādharmyamāgatāḥ |
    sarge'pi nopajāyante pralaye na vyathanti ca || 14-2||

    GITA 14-3

    मम योनिर्महद् ब्रह्म तस्मिन्गर्भं दधाम्यहम् ।
    सम्भवः सर्वभूतानां ततो भवति भारत ॥ १४-३॥
    mama yonirmahad brahma tasmingarbhaṃ dadhāmyaham |
    sambhavaḥ sarvabhūtānāṃ tato bhavati bhārata || 14-3||

    GITA 14-4

    सर्वयोनिषु कौन्तेय मूर्तयः सम्भवन्ति याः ।
    तासां ब्रह्म महद्योनिरहं बीजप्रदः पिता ॥ १४-४॥
    sarvayoniṣu kaunteya mūrtayaḥ sambhavanti yāḥ |
    tāsāṃ brahma mahadyonirahaṃ bījapradaḥ pitā || 14-4||

    GITA 14-5

    सत्त्वं रजस्तम इति गुणाः प्रकृतिसम्भवाः ।
    निबध्नन्ति महाबाहो देहे देहिनमव्ययम् ॥ १४-५॥
    sattvaṃ rajastama iti guṇāḥ prakṛtisambhavāḥ |
    nibadhnanti mahābāho dehe dehinamavyayam || 14-5||

    GITA 14-6

    तत्र सत्त्वं निर्मलत्वात्प्रकाशकमनामयम् ।
    सुखसङ्गेन बध्नाति ज्ञानसङ्गेन चानघ ॥ १४-६॥
    tatra sattvaṃ nirmalatvātprakāśakamanāmayam |
    sukhasaṅgena badhnāti jñānasaṅgena cānagha || 14-6||

    GITA 14-7

    रजो रागात्मकं विद्धि तृष्णासङ्गसमुद्भवम् ।
    तन्निबध्नाति कौन्तेय कर्मसङ्गेन देहिनम् ॥ १४-७॥
    rajo rāgātmakaṃ viddhi tṛṣṇāsaṅgasamudbhavam |
    tannibadhnāti kaunteya karmasaṅgena dehinam || 14-7||

    GITA 14-8

    तमस्त्वज्ञानजं विद्धि मोहनं सर्वदेहिनाम् ।
    प्रमादालस्यनिद्राभिस्तन्निबध्नाति भारत ॥ १४-८॥
    tamastvajñānajaṃ viddhi mohanaṃ sarvadehinām |
    pramādālasyanidrābhistannibadhnāti bhārata || 14-8||

    GITA 14-9

    सत्त्वं सुखे सञ्जयति रजः कर्मणि भारत ।
    ज्ञानमावृत्य तु तमः प्रमादे सञ्जयत्युत ॥ १४-९॥
    sattvaṃ sukhe sañjayati rajaḥ karmaṇi bhārata |
    jñānamāvṛtya tu tamaḥ pramāde sañjayatyuta || 14-9||

    GITA 14-10

    रजस्तमश्चाभिभूय सत्त्वं भवति भारत ।
    रजः सत्त्वं तमश्चैव तमः सत्त्वं रजस्तथा ॥ १४-१०॥
    rajastamaścābhibhūya sattvaṃ bhavati bhārata |
    rajaḥ sattvaṃ tamaścaiva tamaḥ sattvaṃ rajastathā || 14-10||

    GITA 14-11

    सर्वद्वारेषु देहेऽस्मिन्प्रकाश उपजायते ।
    ज्ञानं यदा तदा विद्याद्विवृद्धं सत्त्वमित्युत ॥ १४-११॥
    sarvadvāreṣu dehe'sminprakāśa upajāyate |
    jñānaṃ yadā tadā vidyādvivṛddhaṃ sattvamityuta || 14-11||

    GITA 14-12

    लोभः प्रवृत्तिरारम्भः कर्मणामशमः स्पृहा ।
    रजस्येतानि जायन्ते विवृद्धे भरतर्षभ ॥ १४-१२॥
    lobhaḥ pravṛttirārambhaḥ karmaṇāmaśamaḥ spṛhā |
    rajasyetāni jāyante vivṛddhe bharatarṣabha || 14-12||

    GITA 14-13

    अप्रकाशोऽप्रवृत्तिश्च प्रमादो मोह एव च ।
    तमस्येतानि जायन्ते विवृद्धे कुरुनन्दन ॥ १४-१३॥
    aprakāśo'pravṛttiśca pramādo moha eva ca |
    tamasyetāni jāyante vivṛddhe kurunandana || 14-13||

    GITA 14-14

    यदा सत्त्वे प्रवृद्धे तु प्रलयं याति देहभृत् ।
    तदोत्तमविदां लोकानमलान्प्रतिपद्यते ॥ १४-१४॥
    yadā sattve pravṛddhe tu pralayaṃ yāti dehabhṛt |
    tadottamavidāṃ lokānamalānpratipadyate || 14-14||

    GITA 14-15

    रजसि प्रलयं गत्वा कर्मसङ्गिषु जायते ।
    तथा प्रलीनस्तमसि मूढयोनिषु जायते ॥ १४-१५॥
    rajasi pralayaṃ gatvā karmasaṅgiṣu jāyate |
    tathā pralīnastamasi mūḍhayoniṣu jāyate || 14-15||

    GITA 14-16

    कर्मणः सुकृतस्याहुः सात्त्विकं निर्मलं फलम् ।
    रजसस्तु फलं दुःखमज्ञानं तमसः फलम् ॥ १४-१६॥
    karmaṇaḥ sukṛtasyāhuḥ sāttvikaṃ nirmalaṃ phalam |
    rajasastu phalaṃ duḥkhamajñānaṃ tamasaḥ phalam || 14-16||

    GITA 14-17

    सत्त्वात्सञ्जायते ज्ञानं रजसो लोभ एव च ।
    प्रमादमोहौ तमसो भवतोऽज्ञानमेव च ॥ १४-१७॥
    sattvātsañjāyate jñānaṃ rajaso lobha eva ca |
    pramādamohau tamaso bhavato'jñānameva ca || 14-17||

    GITA 14-18

    ऊर्ध्वं गच्छन्ति सत्त्वस्था मध्ये तिष्ठन्ति राजसाः ।
    जघन्यगुणवृत्तिस्था अधो गच्छन्ति तामसाः ॥ १४-१८॥
    ūrdhvaṃ gacchanti sattvasthā madhye tiṣṭhanti rājasāḥ |
    jaghanyaguṇavṛttisthā adho gacchanti tāmasāḥ || 14-18||

    GITA 14-19

    नान्यं गुणेभ्यः कर्तारं यदा द्रष्टानुपश्यति ।
    गुणेभ्यश्च परं वेत्ति मद्भावं सोऽधिगच्छति ॥ १४-१९॥
    nānyaṃ guṇebhyaḥ kartāraṃ yadā draṣṭānupaśyati |
    guṇebhyaśca paraṃ vetti madbhāvaṃ so'dhigacchati || 14-19||

    GITA 14-20

    गुणानेतानतीत्य त्रीन्देही देहसमुद्भवान् ।
    जन्ममृत्युजरादुःखैर्विमुक्तोऽमृतमश्नुते ॥ १४-२०॥
    guṇānetānatītya trīndehī dehasamudbhavān |
    janmamṛtyujarāduḥkhairvimukto'mṛtamaśnute || 14-20||

    GITA 14-21

    अर्जुन उवाच ।
    कैर्लिङ्गैस्त्रीन्गुणानेतानतीतो भवति प्रभो ।
    किमाचारः कथं चैतांस्त्रीन्गुणानतिवर्तते ॥ १४-२१॥
    arjuna uvāca |
    kairliṅgaistrīnguṇānetānatīto bhavati prabho |
    kimācāraḥ kathaṃ caitāṃstrīnguṇānativartate || 14-21||

    GITA 14-22

    श्रीभगवानुवाच ।
    प्रकाशं च प्रवृत्तिं च मोहमेव च पाण्डव ।
    न द्वेष्टि सम्प्रवृत्तानि न निवृत्तानि काङ्क्षति ॥ १४-२२॥
    śrībhagavānuvāca |
    prakāśaṃ ca pravṛttiṃ ca mohameva ca pāṇḍava |
    na dveṣṭi sampravṛttāni na nivṛttāni kāṅkṣati || 14-22||

    GITA 14-23

    उदासीनवदासीनो गुणैर्यो न विचाल्यते ।
    गुणा वर्तन्त इत्येवं योऽवतिष्ठति नेङ्गते ॥ १४-२३॥
    udāsīnavadāsīno guṇairyo na vicālyate |
    guṇā vartanta ityevaṃ yo'vatiṣṭhati neṅgate || 14-23||

    GITA 14-24

    समदुःखसुखः स्वस्थः समलोष्टाश्मकाञ्चनः ।
    तुल्यप्रियाप्रियो धीरस्तुल्यनिन्दात्मसंस्तुतिः ॥ १४-२४॥
    samaduḥkhasukhaḥ svasthaḥ samaloṣṭāśmakāñcanaḥ |
    tulyapriyāpriyo dhīrastulyanindātmasaṃstutiḥ || 14-24||

    GITA 14-25

    मानापमानयोस्तुल्यस्तुल्यो मित्रारिपक्षयोः ।
    सर्वारम्भपरित्यागी गुणातीतः स उच्यते ॥ १४-२५॥
    mānāpamānayostulyastulyo mitrāripakṣayoḥ |
    sarvārambhaparityāgī guṇātītaḥ sa ucyate || 14-25||

    GITA 14-26

    मां च योऽव्यभिचारेण भक्तियोगेन सेवते ।
    स गुणान्समतीत्यैतान्ब्रह्मभूयाय कल्पते ॥ १४-२६॥
    māṃ ca yo'vyabhicāreṇa bhaktiyogena sevate |
    sa guṇānsamatītyaitānbrahmabhūyāya kalpate || 14-26||

    GITA 14-27

    ब्रह्मणो हि प्रतिष्ठाहममृतस्याव्ययस्य च ।
    शाश्वतस्य च धर्मस्य सुखस्यैकान्तिकस्य च ॥ १४-२७॥
    brahmaṇo hi pratiṣṭhāhamamṛtasyāvyayasya ca |
    śāśvatasya ca dharmasya sukhasyaikāntikasya ca || 14-27||

    Adhyaya: 15/18 (20)

    अथ पञ्चदशोऽध्यायः पुरुषोत्तमयोगः
    atha pañcadaśo'dhyāyaḥ puruṣottamayogaḥ

    GITA 15-1

    श्रीभगवानुवाच ।
    ऊर्ध्वमूलमधःशाखमश्वत्थं प्राहुरव्ययम् ।
    छन्दांसि यस्य पर्णानि यस्तं वेद स वेदवित् ॥ १५-१॥
    śrībhagavānuvāca |
    ūrdhvamūlamadhaḥśākhamaśvatthaṃ prāhuravyayam |
    chandāṃsi yasya parṇāni yastaṃ veda sa vedavit || 15-1||

    GITA 15-2

    अधश्चोर्ध्वं प्रसृतास्तस्य शाखा ।
    गुणप्रवृद्धा विषयप्रवालाः ।
    अधश्च मूलान्यनुसन्ततानि ।
    कर्मानुबन्धीनि मनुष्यलोके ॥ १५-२॥
    adhaścordhvaṃ prasṛtāstasya śākhā |
    guṇapravṛddhā viṣayapravālāḥ |
    adhaśca mūlānyanusantatāni |
    karmānubandhīni manuṣyaloke || 15-2||

    GITA 15-3

    न रूपमस्येह तथोपलभ्यते ।
    नान्तो न चादिर्न च सम्प्रतिष्ठा ।
    अश्वत्थमेनं सुविरूढमूलं ।
    असङ्गशस्त्रेण दृढेन छित्त्वा ॥ १५-३॥
    na rūpamasyeha tathopalabhyate |
    nānto na cādirna ca sampratiṣṭhā |
    aśvatthamenaṃ suvirūḍhamūlaṃ |
    asaṅgaśastreṇa dṛḍhena chittvā || 15-3||

    GITA 15-4

    ततः पदं तत्परिमार्गितव्यं ।
    यस्मिन्गता न निवर्तन्ति भूयः ।
    तमेव चाद्यं पुरुषं प्रपद्ये ।
    यतः प्रवृत्तिः प्रसृता पुराणी ॥ १५-४॥
    tataḥ padaṃ tatparimārgitavyaṃ |
    yasmingatā na nivartanti bhūyaḥ |
    tameva cādyaṃ puruṣaṃ prapadye |
    yataḥ pravṛttiḥ prasṛtā purāṇī || 15-4||

    GITA 15-5

    निर्मानमोहा जितसङ्गदोषा ।
    अध्यात्मनित्या विनिवृत्तकामाः ।
    द्वन्द्वैर्विमुक्ताः सुखदुःखसंज्ञै\- ।
    र्गच्छन्त्यमूढाः पदमव्ययं तत् ॥ १५-५॥
    nirmānamohā jitasaṅgadoṣā |
    adhyātmanityā vinivṛttakāmāḥ |
    dvandvairvimuktāḥ sukhaduḥkhasaṃjñai\- |
    rgacchantyamūḍhāḥ padamavyayaṃ tat || 15-5||

    GITA 15-6

    न तद्भासयते सूर्यो न शशाङ्को न पावकः ।
    यद्गत्वा न निवर्तन्ते तद्धाम परमं मम ॥ १५-६॥
    na tadbhāsayate sūryo na śaśāṅko na pāvakaḥ |
    yadgatvā na nivartante taddhāma paramaṃ mama || 15-6||

    GITA 15-7

    ममैवांशो जीवलोके जीवभूतः सनातनः ।
    मनःषष्ठानीन्द्रियाणि प्रकृतिस्थानि कर्षति ॥ १५-७॥
    mamaivāṃśo jīvaloke jīvabhūtaḥ sanātanaḥ |
    manaḥṣaṣṭhānīndriyāṇi prakṛtisthāni karṣati || 15-7||

    GITA 15-8

    शरीरं यदवाप्नोति यच्चाप्युत्क्रामतीश्वरः ।
    गृहीत्वैतानि संयाति वायुर्गन्धानिवाशयात् ॥ १५-८॥
    śarīraṃ yadavāpnoti yaccāpyutkrāmatīśvaraḥ |
    gṛhītvaitāni saṃyāti vāyurgandhānivāśayāt || 15-8||

    GITA 15-9

    श्रोत्रं चक्षुः स्पर्शनं च रसनं घ्राणमेव च ।
    अधिष्ठाय मनश्चायं विषयानुपसेवते ॥ १५-९॥
    śrotraṃ cakṣuḥ sparśanaṃ ca rasanaṃ ghrāṇameva ca |
    adhiṣṭhāya manaścāyaṃ viṣayānupasevate || 15-9||

    GITA 15-10

    उत्क्रामन्तं स्थितं वापि भुञ्जानं वा गुणान्वितम् ।
    विमूढा नानुपश्यन्ति पश्यन्ति ज्ञानचक्षुषः ॥ १५-१०॥
    utkrāmantaṃ sthitaṃ vāpi bhuñjānaṃ vā guṇānvitam |
    vimūḍhā nānupaśyanti paśyanti jñānacakṣuṣaḥ || 15-10||

    GITA 15-11

    यतन्तो योगिनश्चैनं पश्यन्त्यात्मन्यवस्थितम् ।
    यतन्तोऽप्यकृतात्मानो नैनं पश्यन्त्यचेतसः ॥ १५-११॥
    yatanto yoginaścainaṃ paśyantyātmanyavasthitam |
    yatanto'pyakṛtātmāno nainaṃ paśyantyacetasaḥ || 15-11||

    GITA 15-12

    यदादित्यगतं तेजो जगद्भासयतेऽखिलम् ।
    यच्चन्द्रमसि यच्चाग्नौ तत्तेजो विद्धि मामकम् ॥ १५-१२॥
    yadādityagataṃ tejo jagadbhāsayate'khilam |
    yaccandramasi yaccāgnau tattejo viddhi māmakam || 15-12||

    GITA 15-13

    गामाविश्य च भूतानि धारयाम्यहमोजसा ।
    पुष्णामि चौषधीः सर्वाः सोमो भूत्वा रसात्मकः ॥ १५-१३॥
    gāmāviśya ca bhūtāni dhārayāmyahamojasā |
    puṣṇāmi cauṣadhīḥ sarvāḥ somo bhūtvā rasātmakaḥ || 15-13||

    GITA 15-14

    अहं वैश्वानरो भूत्वा प्राणिनां देहमाश्रितः ।
    प्राणापानसमायुक्तः पचाम्यन्नं चतुर्विधम् ॥ १५-१४॥
    ahaṃ vaiśvānaro bhūtvā prāṇināṃ dehamāśritaḥ |
    prāṇāpānasamāyuktaḥ pacāmyannaṃ caturvidham || 15-14||

    GITA 15-15

    सर्वस्य चाहं हृदि सन्निविष्टो ।
    मत्तः स्मृतिर्ज्ञानमपोहनञ्च ।
    वेदैश्च सर्वैरहमेव वेद्यो ।
    वेदान्तकृद्वेदविदेव चाहम् ॥ १५-१५॥
    sarvasya cāhaṃ hṛdi sanniviṣṭo |
    mattaḥ smṛtirjñānamapohanañca |
    vedaiśca sarvairahameva vedyo |
    vedāntakṛdvedavideva cāham || 15-15||

    GITA 15-16

    द्वाविमौ पुरुषौ लोके क्षरश्चाक्षर एव च ।
    क्षरः सर्वाणि भूतानि कूटस्थोऽक्षर उच्यते ॥ १५-१६॥
    dvāvimau puruṣau loke kṣaraścākṣara eva ca |
    kṣaraḥ sarvāṇi bhūtāni kūṭastho'kṣara ucyate || 15-16||

    GITA 15-17

    उत्तमः पुरुषस्त्वन्यः परमात्मेत्युदाहृतः ।
    यो लोकत्रयमाविश्य बिभर्त्यव्यय ईश्वरः ॥ १५-१७॥
    uttamaḥ puruṣastvanyaḥ paramātmetyudāhṛtaḥ |
    yo lokatrayamāviśya bibhartyavyaya īśvaraḥ || 15-17||

    GITA 15-18

    यस्मात्क्षरमतीतोऽहमक्षरादपि चोत्तमः ।
    अतोऽस्मि लोके वेदे च प्रथितः पुरुषोत्तमः ॥ १५-१८॥
    yasmātkṣaramatīto'hamakṣarādapi cottamaḥ |
    ato'smi loke vede ca prathitaḥ puruṣottamaḥ || 15-18||

    GITA 15-19

    यो मामेवमसम्मूढो जानाति पुरुषोत्तमम् ।
    स सर्वविद्भजति मां सर्वभावेन भारत ॥ १५-१९॥
    yo māmevamasammūḍho jānāti puruṣottamam |
    sa sarvavidbhajati māṃ sarvabhāvena bhārata || 15-19||

    GITA 15-20

    इति गुह्यतमं शास्त्रमिदमुक्तं मयानघ ।
    एतद्बुद्।ह्ध्वा बुद्धिमान्स्यात्कृतकृत्यश्च भारत ॥ १५-२०॥
    iti guhyatamaṃ śāstramidamuktaṃ mayānagha |
    etadbud|hdhvā buddhimānsyātkṛtakṛtyaśca bhārata || 15-20||

    Adhyaya: 16/18 (24)

    अथ षोडशोऽध्यायः दैवासुरसम्पद्विभागयोगः
    atha ṣoḍaśo'dhyāyaḥ daivāsurasampadvibhāgayogaḥ

    GITA 16-1

    श्रीभगवानुवाच ।
    अभयं सत्त्वसंशुद्धिर्ज्ञानयोगव्यवस्थितिः ।
    दानं दमश्च यज्ञश्च स्वाध्यायस्तप आर्जवम् ॥ १६-१॥
    śrībhagavānuvāca |
    abhayaṃ sattvasaṃśuddhirjñānayogavyavasthitiḥ |
    dānaṃ damaśca yajñaśca svādhyāyastapa ārjavam || 16-1||

    GITA 16-2

    अहिंसा सत्यमक्रोधस्त्यागः शान्तिरपैशुनम् ।
    दया भूतेष्वलोलुप्त्वं मार्दवं ह्रीरचापलम् ॥ १६-२॥
    ahiṃsā satyamakrodhastyāgaḥ śāntirapaiśunam |
    dayā bhūteṣvaloluptvaṃ mārdavaṃ hrīracāpalam || 16-2||

    GITA 16-3

    तेजः क्षमा धृतिः शौचमद्रोहो नातिमानिता ।
    भवन्ति सम्पदं दैवीमभिजातस्य भारत ॥ १६-३॥
    tejaḥ kṣamā dhṛtiḥ śaucamadroho nātimānitā |
    bhavanti sampadaṃ daivīmabhijātasya bhārata || 16-3||

    GITA 16-4

    दम्भो दर्पोऽभिमानश्च क्रोधः पारुष्यमेव च ।
    अज्ञानं चाभिजातस्य पार्थ सम्पदमासुरीम् ॥ १६-४॥
    dambho darpo'bhimānaśca krodhaḥ pāruṣyameva ca |
    ajñānaṃ cābhijātasya pārtha sampadamāsurīm || 16-4||

    GITA 16-5

    दैवी सम्पद्विमोक्षाय निबन्धायासुरी मता ।
    मा शुचः सम्पदं दैवीमभिजातोऽसि पाण्डव ॥ १६-५॥
    daivī sampadvimokṣāya nibandhāyāsurī matā |
    mā śucaḥ sampadaṃ daivīmabhijāto'si pāṇḍava || 16-5||

    GITA 16-6

    द्वौ भूतसर्गौ लोकेऽस्मिन्दैव आसुर एव च ।
    दैवो विस्तरशः प्रोक्त आसुरं पार्थ मे शृणु ॥ १६-६॥
    dvau bhūtasargau loke'smindaiva āsura eva ca |
    daivo vistaraśaḥ prokta āsuraṃ pārtha me śṛṇu || 16-6||

    GITA 16-7

    प्रवृत्तिं च निवृत्तिं च जना न विदुरासुराः ।
    न शौचं नापि चाचारो न सत्यं तेषु विद्यते ॥ १६-७॥
    pravṛttiṃ ca nivṛttiṃ ca janā na vidurāsurāḥ |
    na śaucaṃ nāpi cācāro na satyaṃ teṣu vidyate || 16-7||

    GITA 16-8

    असत्यमप्रतिष्ठं ते जगदाहुरनीश्वरम् ।
    अपरस्परसम्भूतं किमन्यत्कामहैतुकम् ॥ १६-८॥
    asatyamapratiṣṭhaṃ te jagadāhuranīśvaram |
    aparasparasambhūtaṃ kimanyatkāmahaitukam || 16-8||

    GITA 16-9

    एतां दृष्टिमवष्टभ्य नष्टात्मानोऽल्पबुद्धयः ।
    प्रभवन्त्युग्रकर्माणः क्षयाय जगतोऽहिताः ॥ १६-९॥
    etāṃ dṛṣṭimavaṣṭabhya naṣṭātmāno'lpabuddhayaḥ |
    prabhavantyugrakarmāṇaḥ kṣayāya jagato'hitāḥ || 16-9||

    GITA 16-10

    काममाश्रित्य दुष्पूरं दम्भमानमदान्विताः ।
    मोहाद्।ह्गृहीत्वासद्।ह्ग्राहान्प्रवर्तन्तेऽशुचिव्रताः ॥ १६-१०॥
    kāmamāśritya duṣpūraṃ dambhamānamadānvitāḥ |
    mohād|hgṛhītvāsad|hgrāhānpravartante'śucivratāḥ || 16-10||

    GITA 16-11

    चिन्तामपरिमेयां च प्रलयान्तामुपाश्रिताः ।
    कामोपभोगपरमा एतावदिति निश्चिताः ॥ १६-११॥
    cintāmaparimeyāṃ ca pralayāntāmupāśritāḥ |
    kāmopabhogaparamā etāvaditi niścitāḥ || 16-11||

    GITA 16-12

    आशापाशशतैर्बद्धाः कामक्रोधपरायणाः ।
    ईहन्ते कामभोगार्थमन्यायेनार्थसञ्चयान् ॥ १६-१२॥
    āśāpāśaśatairbaddhāḥ kāmakrodhaparāyaṇāḥ |
    īhante kāmabhogārthamanyāyenārthasañcayān || 16-12||

    GITA 16-13

    इदमद्य मया लब्धमिमं प्राप्स्ये मनोरथम् ।
    इदमस्तीदमपि मे भविष्यति पुनर्धनम् ॥ १६-१३॥
    idamadya mayā labdhamimaṃ prāpsye manoratham |
    idamastīdamapi me bhaviṣyati punardhanam || 16-13||

    GITA 16-14

    असौ मया हतः शत्रुर्हनिष्ये चापरानपि ।
    ईश्वरोऽहमहं भोगी सिद्धोऽहं बलवान्सुखी ॥ १६-१४॥
    asau mayā hataḥ śatrurhaniṣye cāparānapi |
    īśvaro'hamahaṃ bhogī siddho'haṃ balavānsukhī || 16-14||

    GITA 16-15

    आढ्योऽभिजनवानस्मि कोऽन्योऽस्ति सदृशो मया ।
    यक्ष्ये दास्यामि मोदिष्य इत्यज्ञानविमोहिताः ॥ १६-१५॥
    āḍhyo'bhijanavānasmi ko'nyo'sti sadṛśo mayā |
    yakṣye dāsyāmi modiṣya ityajñānavimohitāḥ || 16-15||

    GITA 16-16

    अनेकचित्तविभ्रान्ता मोहजालसमावृताः ।
    प्रसक्ताः कामभोगेषु पतन्ति नरकेऽशुचौ ॥ १६-१६॥
    anekacittavibhrāntā mohajālasamāvṛtāḥ |
    prasaktāḥ kāmabhogeṣu patanti narake'śucau || 16-16||

    GITA 16-17

    आत्मसम्भाविताः स्तब्धा धनमानमदान्विताः ।
    यजन्ते नामयज्ञैस्ते दम्भेनाविधिपूर्वकम् ॥ १६-१७॥
    ātmasambhāvitāḥ stabdhā dhanamānamadānvitāḥ |
    yajante nāmayajñaiste dambhenāvidhipūrvakam || 16-17||

    GITA 16-18

    अहङ्कारं बलं दर्पं कामं क्रोधं च संश्रिताः ।
    मामात्मपरदेहेषु प्रद्विषन्तोऽभ्यसूयकाः ॥ १६-१८॥
    ahaṅkāraṃ balaṃ darpaṃ kāmaṃ krodhaṃ ca saṃśritāḥ |
    māmātmaparadeheṣu pradviṣanto'bhyasūyakāḥ || 16-18||

    GITA 16-19

    तानहं द्विषतः क्रूरान्संसारेषु नराधमान् ।
    क्षिपाम्यजस्रमशुभानासुरीष्वेव योनिषु ॥ १६-१९॥
    tānahaṃ dviṣataḥ krūrānsaṃsāreṣu narādhamān |
    kṣipāmyajasramaśubhānāsurīṣveva yoniṣu || 16-19||

    GITA 16-20

    आसुरीं योनिमापन्ना मूढा जन्मनि जन्मनि ।
    मामप्राप्यैव कौन्तेय ततो यान्त्यधमां गतिम् ॥ १६-२०॥
    āsurīṃ yonimāpannā mūḍhā janmani janmani |
    māmaprāpyaiva kaunteya tato yāntyadhamāṃ gatim || 16-20||

    GITA 16-21

    त्रिविधं नरकस्येदं द्वारं नाशनमात्मनः ।
    कामः क्रोधस्तथा लोभस्तस्मादेतत्त्रयं त्यजेत् ॥ १६-२१॥
    trividhaṃ narakasyedaṃ dvāraṃ nāśanamātmanaḥ |
    kāmaḥ krodhastathā lobhastasmādetattrayaṃ tyajet || 16-21||

    GITA 16-22

    एतैर्विमुक्तः कौन्तेय तमोद्वारैस्त्रिभिर्नरः ।
    आचरत्यात्मनः श्रेयस्ततो याति परां गतिम् ॥ १६-२२॥
    etairvimuktaḥ kaunteya tamodvāraistribhirnaraḥ |
    ācaratyātmanaḥ śreyastato yāti parāṃ gatim || 16-22||

    GITA 16-23

    यः शास्त्रविधिमुत्सृज्य वर्तते कामकारतः ।
    न स सिद्धिमवाप्नोति न सुखं न परां गतिम् ॥ १६-२३॥
    yaḥ śāstravidhimutsṛjya vartate kāmakārataḥ |
    na sa siddhimavāpnoti na sukhaṃ na parāṃ gatim || 16-23||

    GITA 16-24

    तस्माच्छास्त्रं प्रमाणं ते कार्याकार्यव्यवस्थितौ ।
    ज्ञात्वा शास्त्रविधानोक्तं कर्म कर्तुमिहार्हसि ॥ १६-२४॥
    tasmācchāstraṃ pramāṇaṃ te kāryākāryavyavasthitau |
    jñātvā śāstravidhānoktaṃ karma kartumihārhasi || 16-24||

    Adhyaya: 17/18 (28)

    अथ सप्तदशोऽध्यायः श्रद्धात्रयविभागयोगः
    atha saptadaśo'dhyāyaḥ śraddhātrayavibhāgayogaḥ

    GITA 17-1

    अर्जुन उवाच ।
    ये शास्त्रविधिमुत्सृज्य यजन्ते श्रद्धयान्विताः ।
    तेषां निष्ठा तु का कृष्ण सत्त्वमाहो रजस्तमः ॥ १७-१॥
    arjuna uvāca |
    ye śāstravidhimutsṛjya yajante śraddhayānvitāḥ |
    teṣāṃ niṣṭhā tu kā kṛṣṇa sattvamāho rajastamaḥ || 17-1||

    GITA 17-2

    श्रीभगवानुवाच ।
    त्रिविधा भवति श्रद्धा देहिनां सा स्वभावजा ।
    सात्त्विकी राजसी चैव तामसी चेति तां शृणु ॥ १७-२॥
    śrībhagavānuvāca |
    trividhā bhavati śraddhā dehināṃ sā svabhāvajā |
    sāttvikī rājasī caiva tāmasī ceti tāṃ śṛṇu || 17-2||

    GITA 17-3

    सत्त्वानुरूपा सर्वस्य श्रद्धा भवति भारत ।
    श्रद्धामयोऽयं पुरुषो यो यच्छ्रद्धः स एव सः ॥ १७-३॥
    sattvānurūpā sarvasya śraddhā bhavati bhārata |
    śraddhāmayo'yaṃ puruṣo yo yacchraddhaḥ sa eva saḥ || 17-3||

    GITA 17-4

    यजन्ते सात्त्विका देवान्यक्षरक्षांसि राजसाः ।
    प्रेतान्भूतगणांश्चान्ये यजन्ते तामसा जनाः ॥ १७-४॥
    yajante sāttvikā devānyakṣarakṣāṃsi rājasāḥ |
    pretānbhūtagaṇāṃścānye yajante tāmasā janāḥ || 17-4||

    GITA 17-5

    अशास्त्रविहितं घोरं तप्यन्ते ये तपो जनाः ।
    दम्भाहङ्कारसंयुक्ताः कामरागबलान्विताः ॥ १७-५॥
    aśāstravihitaṃ ghoraṃ tapyante ye tapo janāḥ |
    dambhāhaṅkārasaṃyuktāḥ kāmarāgabalānvitāḥ || 17-5||

    GITA 17-6

    कर्षयन्तः शरीरस्थं भूतग्राममचेतसः ।
    मां चैवान्तःशरीरस्थं तान्विद्।ह्ध्यासुरनिश्चयान् ॥ १७-६॥
    karṣayantaḥ śarīrasthaṃ bhūtagrāmamacetasaḥ |
    māṃ caivāntaḥśarīrasthaṃ tānvid|hdhyāsuraniścayān || 17-6||

    GITA 17-7

    आहारस्त्वपि सर्वस्य त्रिविधो भवति प्रियः ।
    यज्ञस्तपस्तथा दानं तेषां भेदमिमं शृणु ॥ १७-७॥
    āhārastvapi sarvasya trividho bhavati priyaḥ |
    yajñastapastathā dānaṃ teṣāṃ bhedamimaṃ śṛṇu || 17-7||

    GITA 17-8

    आयुःसत्त्वबलारोग्यसुखप्रीतिविवर्धनाः ।
    रस्याः स्निग्धाः स्थिरा हृद्या आहाराः सात्त्विकप्रियाः ॥ १७-८॥
    āyuḥsattvabalārogyasukhaprītivivardhanāḥ |
    rasyāḥ snigdhāḥ sthirā hṛdyā āhārāḥ sāttvikapriyāḥ || 17-8||

    GITA 17-9

    कट्।ह्वम्ललवणात्युष्णतीक्ष्णरूक्षविदाहिनः ।
    आहारा राजसस्येष्टा दुःखशोकामयप्रदाः ॥ १७-९॥
    kaṭ|hvamlalavaṇātyuṣṇatīkṣṇarūkṣavidāhinaḥ |
    āhārā rājasasyeṣṭā duḥkhaśokāmayapradāḥ || 17-9||

    GITA 17-10

    यातयामं गतरसं पूति पर्युषितं च यत् ।
    उच्छिष्टमपि चामेध्यं भोजनं तामसप्रियम् ॥ १७-१०॥
    yātayāmaṃ gatarasaṃ pūti paryuṣitaṃ ca yat |
    ucchiṣṭamapi cāmedhyaṃ bhojanaṃ tāmasapriyam || 17-10||

    GITA 17-11

    अफलाकाङ्क्षिभिर्यज्ञो विधिदृष्टो य इज्यते ।
    यष्टव्यमेवेति मनः समाधाय स सात्त्विकः ॥ १७-११॥
    aphalākāṅkṣibhiryajño vidhidṛṣṭo ya ijyate |
    yaṣṭavyameveti manaḥ samādhāya sa sāttvikaḥ || 17-11||

    GITA 17-12

    अभिसन्धाय तु फलं दम्भार्थमपि चैव यत् ।
    इज्यते भरतश्रेष्ठ तं यज्ञं विद्धि राजसम् ॥ १७-१२॥
    abhisandhāya tu phalaṃ dambhārthamapi caiva yat |
    ijyate bharataśreṣṭha taṃ yajñaṃ viddhi rājasam || 17-12||

    GITA 17-13

    विधिहीनमसृष्टान्नं मन्त्रहीनमदक्षिणम् ।
    श्रद्धाविरहितं यज्ञं तामसं परिचक्षते ॥ १७-१३॥
    vidhihīnamasṛṣṭānnaṃ mantrahīnamadakṣiṇam |
    śraddhāvirahitaṃ yajñaṃ tāmasaṃ paricakṣate || 17-13||

    GITA 17-14

    देवद्विजगुरुप्राज्ञपूजनं शौचमार्जवम् ।
    ब्रह्मचर्यमहिंसा च शारीरं तप उच्यते ॥ १७-१४॥
    devadvijaguruprājñapūjanaṃ śaucamārjavam |
    brahmacaryamahiṃsā ca śārīraṃ tapa ucyate || 17-14||

    GITA 17-15

    अनुद्वेगकरं वाक्यं सत्यं प्रियहितं च यत् ।
    स्वाध्यायाभ्यसनं चैव वाङ्मयं तप उच्यते ॥ १७-१५॥
    anudvegakaraṃ vākyaṃ satyaṃ priyahitaṃ ca yat |
    svādhyāyābhyasanaṃ caiva vāṅmayaṃ tapa ucyate || 17-15||

    GITA 17-16

    मनः प्रसादः सौम्यत्वं मौनमात्मविनिग्रहः ।
    भावसंशुद्धिरित्येतत्तपो मानसमुच्यते ॥ १७-१६॥
    manaḥ prasādaḥ saumyatvaṃ maunamātmavinigrahaḥ |
    bhāvasaṃśuddhirityetattapo mānasamucyate || 17-16||

    GITA 17-17

    श्रद्धया परया तप्तं तपस्तत्त्रिविधं नरैः ।
    अफलाकाङ्क्षिभिर्युक्तैः सात्त्विकं परिचक्षते ॥ १७-१७॥
    śraddhayā parayā taptaṃ tapastattrividhaṃ naraiḥ |
    aphalākāṅkṣibhiryuktaiḥ sāttvikaṃ paricakṣate || 17-17||

    GITA 17-18

    सत्कारमानपूजार्थं तपो दम्भेन चैव यत् ।
    क्रियते तदिह प्रोक्तं राजसं चलमध्रुवम् ॥ १७-१८॥
    satkāramānapūjārthaṃ tapo dambhena caiva yat |
    kriyate tadiha proktaṃ rājasaṃ calamadhruvam || 17-18||

    GITA 17-19

    मूढग्राहेणात्मनो यत्पीडया क्रियते तपः ।
    परस्योत्सादनार्थं वा तत्तामसमुदाहृतम् ॥ १७-१९॥
    mūḍhagrāheṇātmano yatpīḍayā kriyate tapaḥ |
    parasyotsādanārthaṃ vā tattāmasamudāhṛtam || 17-19||

    GITA 17-20

    दातव्यमिति यद्दानं दीयतेऽनुपकारिणे ।
    देशे काले च पात्रे च तद्दानं सात्त्विकं स्मृतम् ॥ १७-२०॥
    dātavyamiti yaddānaṃ dīyate'nupakāriṇe |
    deśe kāle ca pātre ca taddānaṃ sāttvikaṃ smṛtam || 17-20||

    GITA 17-21

    यत्तु प्रत्युपकारार्थं फलमुद्दिश्य वा पुनः ।
    दीयते च परिक्लिष्टं तद्दानं राजसं स्मृतम् ॥ १७-२१॥
    yattu pratyupakārārthaṃ phalamuddiśya vā punaḥ |
    dīyate ca parikliṣṭaṃ taddānaṃ rājasaṃ smṛtam || 17-21||

    GITA 17-22

    अदेशकाले यद्दानमपात्रेभ्यश्च दीयते ।
    असत्कृतमवज्ञातं तत्तामसमुदाहृतम् ॥ १७-२२॥
    adeśakāle yaddānamapātrebhyaśca dīyate |
    asatkṛtamavajñātaṃ tattāmasamudāhṛtam || 17-22||

    GITA 17-23

    ॐतत्सदिति निर्देशो ब्रह्मणस्त्रिविधः स्मृतः ।
    ब्राह्मणास्तेन वेदाश्च यज्ञाश्च विहिताः पुरा ॥ १७-२३॥
    oṃtatsaditi nirdeśo brahmaṇastrividhaḥ smṛtaḥ |
    brāhmaṇāstena vedāśca yajñāśca vihitāḥ purā || 17-23||

    GITA 17-24

    तस्मादोमित्युदाहृत्य यज्ञदानतपःक्रियाः ।
    प्रवर्तन्ते विधानोक्ताः सततं ब्रह्मवादिनाम् ॥ १७-२४॥
    tasmādomityudāhṛtya yajñadānatapaḥkriyāḥ |
    pravartante vidhānoktāḥ satataṃ brahmavādinām || 17-24||

    GITA 17-25

    तदित्यनभिसन्धाय फलं यज्ञतपःक्रियाः ।
    दानक्रियाश्च विविधाः क्रियन्ते मोक्षकाङ्क्षिभिः ॥ १७-२५॥
    tadityanabhisandhāya phalaṃ yajñatapaḥkriyāḥ |
    dānakriyāśca vividhāḥ kriyante mokṣakāṅkṣibhiḥ || 17-25||

    GITA 17-26

    सद्भावे साधुभावे च सदित्येतत्प्रयुज्यते ।
    प्रशस्ते कर्मणि तथा सच्छब्दः पार्थ युज्यते ॥ १७-२६॥
    sadbhāve sādhubhāve ca sadityetatprayujyate |
    praśaste karmaṇi tathā sacchabdaḥ pārtha yujyate || 17-26||

    GITA 17-27

    यज्ञे तपसि दाने च स्थितिः सदिति चोच्यते ।
    कर्म चैव तदर्थीयं सदित्येवाभिधीयते ॥ १७-२७॥
    yajñe tapasi dāne ca sthitiḥ saditi cocyate |
    karma caiva tadarthīyaṃ sadityevābhidhīyate || 17-27||

    GITA 17-28

    अश्रद्धया हुतं दत्तं तपस्तप्तं कृतं च यत् ।
    असदित्युच्यते पार्थ न च तत्प्रेत्य नो इह ॥ १७-२८॥
    aśraddhayā hutaṃ dattaṃ tapastaptaṃ kṛtaṃ ca yat |
    asadityucyate pārtha na ca tatpretya no iha || 17-28||

    Adhyaya: 18/18 (78)

    अथाष्टादशोऽध्यायः मोक्षसंन्यासयोगः
    athāṣṭādaśo'dhyāyaḥ mokṣasaṃnyāsayogaḥ

    GITA 18-1

    अर्जुन उवाच ।
    संन्यासस्य महाबाहो तत्त्वमिच्छामि वेदितुम् ।
    त्यागस्य च हृषीकेश पृथक्केशिनिषूदन ॥ १८-१॥
    arjuna uvāca |
    saṃnyāsasya mahābāho tattvamicchāmi veditum |
    tyāgasya ca hṛṣīkeśa pṛthakkeśiniṣūdana || 18-1||

    GITA 18-2

    श्रीभगवानुवाच ।
    काम्यानां कर्मणां न्यासं संन्यासं कवयो विदुः ।
    सर्वकर्मफलत्यागं प्राहुस्त्यागं विचक्षणाः ॥ १८-२॥
    śrībhagavānuvāca |
    kāmyānāṃ karmaṇāṃ nyāsaṃ saṃnyāsaṃ kavayo viduḥ |
    sarvakarmaphalatyāgaṃ prāhustyāgaṃ vicakṣaṇāḥ || 18-2||

    GITA 18-3

    त्याज्यं दोषवदित्येके कर्म प्राहुर्मनीषिणः ।
    यज्ञदानतपःकर्म न त्याज्यमिति चापरे ॥ १८-३॥
    tyājyaṃ doṣavadityeke karma prāhurmanīṣiṇaḥ |
    yajñadānatapaḥkarma na tyājyamiti cāpare || 18-3||

    GITA 18-4

    निश्चयं शृणु मे तत्र त्यागे भरतसत्तम ।
    त्यागो हि पुरुषव्याघ्र त्रिविधः सम्प्रकीर्तितः ॥ १८-४॥
    niścayaṃ śṛṇu me tatra tyāge bharatasattama |
    tyāgo hi puruṣavyāghra trividhaḥ samprakīrtitaḥ || 18-4||

    GITA 18-5

    यज्ञदानतपःकर्म न त्याज्यं कार्यमेव तत् ।
    यज्ञो दानं तपश्चैव पावनानि मनीषिणाम् ॥ १८-५॥
    yajñadānatapaḥkarma na tyājyaṃ kāryameva tat |
    yajño dānaṃ tapaścaiva pāvanāni manīṣiṇām || 18-5||

    GITA 18-6

    एतान्यपि तु कर्माणि सङ्गं त्यक्त्वा फलानि च ।
    कर्तव्यानीति मे पार्थ निश्चितं मतमुत्तमम् ॥ १८-६॥
    etānyapi tu karmāṇi saṅgaṃ tyaktvā phalāni ca |
    kartavyānīti me pārtha niścitaṃ matamuttamam || 18-6||

    GITA 18-7

    नियतस्य तु संन्यासः कर्मणो नोपपद्यते ।
    मोहात्तस्य परित्यागस्तामसः परिकीर्तितः ॥ १८-७॥
    niyatasya tu saṃnyāsaḥ karmaṇo nopapadyate |
    mohāttasya parityāgastāmasaḥ parikīrtitaḥ || 18-7||

    GITA 18-8

    दुःखमित्येव यत्कर्म कायक्लेशभयात्त्यजेत् ।
    स कृत्वा राजसं त्यागं नैव त्यागफलं लभेत् ॥ १८-८॥
    duḥkhamityeva yatkarma kāyakleśabhayāttyajet |
    sa kṛtvā rājasaṃ tyāgaṃ naiva tyāgaphalaṃ labhet || 18-8||

    GITA 18-9

    कार्यमित्येव यत्कर्म नियतं क्रियतेऽर्जुन ।
    सङ्गं त्यक्त्वा फलं चैव स त्यागः सात्त्विको मतः ॥ १८-९॥
    kāryamityeva yatkarma niyataṃ kriyate'rjuna |
    saṅgaṃ tyaktvā phalaṃ caiva sa tyāgaḥ sāttviko mataḥ || 18-9||

    GITA 18-10

    न द्वेष्ट्यकुशलं कर्म कुशले नानुषज्जते ।
    त्यागी सत्त्वसमाविष्टो मेधावी छिन्नसंशयः ॥ १८-१०॥
    na dveṣṭyakuśalaṃ karma kuśale nānuṣajjate |
    tyāgī sattvasamāviṣṭo medhāvī chinnasaṃśayaḥ || 18-10||

    GITA 18-11

    न हि देहभृता शक्यं त्यक्तुं कर्माण्यशेषतः ।
    यस्तु कर्मफलत्यागी स त्यागीत्यभिधीयते ॥ १८-११॥
    na hi dehabhṛtā śakyaṃ tyaktuṃ karmāṇyaśeṣataḥ |
    yastu karmaphalatyāgī sa tyāgītyabhidhīyate || 18-11||

    GITA 18-12

    अनिष्टमिष्टं मिश्रं च त्रिविधं कर्मणः फलम् ।
    भवत्यत्यागिनां प्रेत्य न तु संन्यासिनां क्वचित् ॥ १८-१२॥
    aniṣṭamiṣṭaṃ miśraṃ ca trividhaṃ karmaṇaḥ phalam |
    bhavatyatyāgināṃ pretya na tu saṃnyāsināṃ kvacit || 18-12||

    GITA 18-13

    पञ्चैतानि महाबाहो कारणानि निबोध मे ।
    साङ्ख्ये कृतान्ते प्रोक्तानि सिद्धये सर्वकर्मणाम् ॥ १८-१३॥
    pañcaitāni mahābāho kāraṇāni nibodha me |
    sāṅkhye kṛtānte proktāni siddhaye sarvakarmaṇām || 18-13||

    GITA 18-14

    अधिष्ठानं तथा कर्ता करणं च पृथग्विधम् ।
    विविधाश्च पृथक्चेष्टा दैवं चैवात्र पञ्चमम् ॥ १८-१४॥
    adhiṣṭhānaṃ tathā kartā karaṇaṃ ca pṛthagvidham |
    vividhāśca pṛthakceṣṭā daivaṃ caivātra pañcamam || 18-14||

    GITA 18-15

    शरीरवाङ्मनोभिर्यत्कर्म प्रारभते नरः ।
    न्याय्यं वा विपरीतं वा पञ्चैते तस्य हेतवः ॥ १८-१५॥
    śarīravāṅmanobhiryatkarma prārabhate naraḥ |
    nyāyyaṃ vā viparītaṃ vā pañcaite tasya hetavaḥ || 18-15||

    GITA 18-16

    तत्रैवं सति कर्तारमात्मानं केवलं तु यः ।
    पश्यत्यकृतबुद्धित्वान्न स पश्यति दुर्मतिः ॥ १८-१६॥
    tatraivaṃ sati kartāramātmānaṃ kevalaṃ tu yaḥ |
    paśyatyakṛtabuddhitvānna sa paśyati durmatiḥ || 18-16||

    GITA 18-17

    यस्य नाहङ्कृतो भावो बुद्धिर्यस्य न लिप्यते ।
    हत्वाऽपि स इमाँल्लोकान्न हन्ति न निबध्यते ॥ १८-१७॥
    yasya nāhaṅkṛto bhāvo buddhiryasya na lipyate |
    hatvā'pi sa imā~llokānna hanti na nibadhyate || 18-17||

    GITA 18-18

    ज्ञानं ज्ञेयं परिज्ञाता त्रिविधा कर्मचोदना ।
    करणं कर्म कर्तेति त्रिविधः कर्मसङ्ग्रहः ॥ १८-१८॥
    jñānaṃ jñeyaṃ parijñātā trividhā karmacodanā |
    karaṇaṃ karma karteti trividhaḥ karmasaṅgrahaḥ || 18-18||

    GITA 18-19

    ज्ञानं कर्म च कर्ता च त्रिधैव गुणभेदतः ।
    प्रोच्यते गुणसङ्ख्याने यथावच्छृणु तान्यपि ॥ १८-१९॥
    jñānaṃ karma ca kartā ca tridhaiva guṇabhedataḥ |
    procyate guṇasaṅkhyāne yathāvacchṛṇu tānyapi || 18-19||

    GITA 18-20

    सर्वभूतेषु येनैकं भावमव्ययमीक्षते ।
    अविभक्तं विभक्तेषु तज्ज्ञानं विद्धि सात्त्विकम् ॥ १८-२०॥
    sarvabhūteṣu yenaikaṃ bhāvamavyayamīkṣate |
    avibhaktaṃ vibhakteṣu tajjñānaṃ viddhi sāttvikam || 18-20||

    GITA 18-21

    पृथक्त्वेन तु यज्ज्ञानं नानाभावान्पृथग्विधान् ।
    वेत्ति सर्वेषु भूतेषु तज्ज्ञानं विद्धि राजसम् ॥ १८-२१॥
    pṛthaktvena tu yajjñānaṃ nānābhāvānpṛthagvidhān |
    vetti sarveṣu bhūteṣu tajjñānaṃ viddhi rājasam || 18-21||

    GITA 18-22

    यत्तु कृत्स्नवदेकस्मिन्कार्ये सक्तमहैतुकम् ।
    अतत्त्वार्थवदल्पं च तत्तामसमुदाहृतम् ॥ १८-२२॥
    yattu kṛtsnavadekasminkārye saktamahaitukam |
    atattvārthavadalpaṃ ca tattāmasamudāhṛtam || 18-22||

    GITA 18-23

    नियतं सङ्गरहितमरागद्वेषतः कृतम् ।
    अफलप्रेप्सुना कर्म यत्तत्सात्त्विकमुच्यते ॥ १८-२३॥
    niyataṃ saṅgarahitamarāgadveṣataḥ kṛtam |
    aphalaprepsunā karma yattatsāttvikamucyate || 18-23||

    GITA 18-24

    यत्तु कामेप्सुना कर्म साहङ्कारेण वा पुनः ।
    क्रियते बहुलायासं तद्राजसमुदाहृतम् ॥ १८-२४॥
    yattu kāmepsunā karma sāhaṅkāreṇa vā punaḥ |
    kriyate bahulāyāsaṃ tadrājasamudāhṛtam || 18-24||

    GITA 18-25

    अनुबन्धं क्षयं हिंसामनपेक्ष्य च पौरुषम् ।
    मोहादारभ्यते कर्म यत्तत्तामसमुच्यते ॥ १८-२५॥
    anubandhaṃ kṣayaṃ hiṃsāmanapekṣya ca pauruṣam |
    mohādārabhyate karma yattattāmasamucyate || 18-25||

    GITA 18-26

    मुक्तसङ्गोऽनहंवादी धृत्युत्साहसमन्वितः ।
    सिद्।ह्ध्यसिद्।ह्ध्योर्निर्विकारः कर्ता सात्त्विक उच्यते ॥ १८-२६॥
    muktasaṅgo'nahaṃvādī dhṛtyutsāhasamanvitaḥ |
    sid|hdhyasid|hdhyornirvikāraḥ kartā sāttvika ucyate || 18-26||

    GITA 18-27

    रागी कर्मफलप्रेप्सुर्लुब्धो हिंसात्मकोऽशुचिः ।
    हर्षशोकान्वितः कर्ता राजसः परिकीर्तितः ॥ १८-२७॥
    rāgī karmaphalaprepsurlubdho hiṃsātmako'śuciḥ |
    harṣaśokānvitaḥ kartā rājasaḥ parikīrtitaḥ || 18-27||

    GITA 18-28

    अयुक्तः प्राकृतः स्तब्धः शठो नैष्कृतिकोऽलसः ।
    विषादी दीर्घसूत्री च कर्ता तामस उच्यते ॥ १८-२८॥
    ayuktaḥ prākṛtaḥ stabdhaḥ śaṭho naiṣkṛtiko'lasaḥ |
    viṣādī dīrghasūtrī ca kartā tāmasa ucyate || 18-28||

    GITA 18-29

    बुद्धेर्भेदं धृतेश्चैव गुणतस्त्रिविधं शृणु ।
    प्रोच्यमानमशेषेण पृथक्त्वेन धनञ्जय ॥ १८-२९॥
    buddherbhedaṃ dhṛteścaiva guṇatastrividhaṃ śṛṇu |
    procyamānamaśeṣeṇa pṛthaktvena dhanañjaya || 18-29||

    GITA 18-30

    प्रवृत्तिं च निवृत्तिं च कार्याकार्ये भयाभये ।
    बन्धं मोक्षं च या वेत्ति बुद्धिः सा पार्थ सात्त्विकी ॥ १८-३०॥
    pravṛttiṃ ca nivṛttiṃ ca kāryākārye bhayābhaye |
    bandhaṃ mokṣaṃ ca yā vetti buddhiḥ sā pārtha sāttvikī || 18-30||

    GITA 18-31

    यया धर्ममधर्मं च कार्यं चाकार्यमेव च ।
    अयथावत्प्रजानाति बुद्धिः सा पार्थ राजसी ॥ १८-३१॥
    yayā dharmamadharmaṃ ca kāryaṃ cākāryameva ca |
    ayathāvatprajānāti buddhiḥ sā pārtha rājasī || 18-31||

    GITA 18-32

    अधर्मं धर्ममिति या मन्यते तमसावृता ।
    सर्वार्थान्विपरीतांश्च बुद्धिः सा पार्थ तामसी ॥ १८-३२॥
    adharmaṃ dharmamiti yā manyate tamasāvṛtā |
    sarvārthānviparītāṃśca buddhiḥ sā pārtha tāmasī || 18-32||

    GITA 18-33

    धृत्या यया धारयते मनःप्राणेन्द्रियक्रियाः ।
    योगेनाव्यभिचारिण्या धृतिः सा पार्थ सात्त्विकी ॥ १८-३३॥
    dhṛtyā yayā dhārayate manaḥprāṇendriyakriyāḥ |
    yogenāvyabhicāriṇyā dhṛtiḥ sā pārtha sāttvikī || 18-33||

    GITA 18-34

    यया तु धर्मकामार्थान्धृत्या धारयतेऽर्जुन ।
    प्रसङ्गेन फलाकाङ्क्षी धृतिः सा पार्थ राजसी ॥ १८-३४॥
    yayā tu dharmakāmārthāndhṛtyā dhārayate'rjuna |
    prasaṅgena phalākāṅkṣī dhṛtiḥ sā pārtha rājasī || 18-34||

    GITA 18-35

    यया स्वप्नं भयं शोकं विषादं मदमेव च ।
    न विमुञ्चति दुर्मेधा धृतिः सा पार्थ तामसी ॥ १८-३५॥
    yayā svapnaṃ bhayaṃ śokaṃ viṣādaṃ madameva ca |
    na vimuñcati durmedhā dhṛtiḥ sā pārtha tāmasī || 18-35||

    GITA 18-36

    सुखं त्विदानीं त्रिविधं शृणु मे भरतर्षभ ।
    अभ्यासाद्रमते यत्र दुःखान्तं च निगच्छति ॥ १८-३६॥
    sukhaṃ tvidānīṃ trividhaṃ śṛṇu me bharatarṣabha |
    abhyāsādramate yatra duḥkhāntaṃ ca nigacchati || 18-36||

    GITA 18-37

    यत्तदग्रे विषमिव परिणामेऽमृतोपमम् ।
    तत्सुखं सात्त्विकं प्रोक्तमात्मबुद्धिप्रसादजम् ॥ १८-३७॥
    yattadagre viṣamiva pariṇāme'mṛtopamam |
    tatsukhaṃ sāttvikaṃ proktamātmabuddhiprasādajam || 18-37||

    GITA 18-38

    विषयेन्द्रियसंयोगाद्यत्तदग्रेऽमृतोपमम् ।
    परिणामे विषमिव तत्सुखं राजसं स्मृतम् ॥ १८-३८॥
    viṣayendriyasaṃyogādyattadagre'mṛtopamam |
    pariṇāme viṣamiva tatsukhaṃ rājasaṃ smṛtam || 18-38||

    GITA 18-39

    यदग्रे चानुबन्धे च सुखं मोहनमात्मनः ।
    निद्रालस्यप्रमादोत्थं तत्तामसमुदाहृतम् ॥ १८-३९॥
    yadagre cānubandhe ca sukhaṃ mohanamātmanaḥ |
    nidrālasyapramādotthaṃ tattāmasamudāhṛtam || 18-39||

    GITA 18-40

    न तदस्ति पृथिव्यां वा दिवि देवेषु वा पुनः ।
    सत्त्वं प्रकृतिजैर्मुक्तं यदेभिः स्यात्त्रिभिर्गुणैः ॥ १८-४०॥
    na tadasti pṛthivyāṃ vā divi deveṣu vā punaḥ |
    sattvaṃ prakṛtijairmuktaṃ yadebhiḥ syāttribhirguṇaiḥ || 18-40||

    GITA 18-41

    ब्राह्मणक्षत्रियविशां शूद्राणां च परन्तप ।
    कर्माणि प्रविभक्तानि स्वभावप्रभवैर्गुणैः ॥ १८-४१॥
    brāhmaṇakṣatriyaviśāṃ śūdrāṇāṃ ca parantapa |
    karmāṇi pravibhaktāni svabhāvaprabhavairguṇaiḥ || 18-41||

    GITA 18-42

    शमो दमस्तपः शौचं क्षान्तिरार्जवमेव च ।
    ज्ञानं विज्ञानमास्तिक्यं ब्रह्मकर्म स्वभावजम् ॥ १८-४२॥
    śamo damastapaḥ śaucaṃ kṣāntirārjavameva ca |
    jñānaṃ vijñānamāstikyaṃ brahmakarma svabhāvajam || 18-42||

    GITA 18-43

    शौर्यं तेजो धृतिर्दाक्ष्यं युद्धे चाप्यपलायनम् ।
    दानमीश्वरभावश्च क्षात्रं कर्म स्वभावजम् ॥ १८-४३॥
    śauryaṃ tejo dhṛtirdākṣyaṃ yuddhe cāpyapalāyanam |
    dānamīśvarabhāvaśca kṣātraṃ karma svabhāvajam || 18-43||

    GITA 18-44

    कृषिगौरक्ष्यवाणिज्यं वैश्यकर्म स्वभावजम् ।
    परिचर्यात्मकं कर्म शूद्रस्यापि स्वभावजम् ॥ १८-४४॥
    kṛṣigaurakṣyavāṇijyaṃ vaiśyakarma svabhāvajam |
    paricaryātmakaṃ karma śūdrasyāpi svabhāvajam || 18-44||

    GITA 18-45

    स्वे स्वे कर्मण्यभिरतः संसिद्धिं लभते नरः ।
    स्वकर्मनिरतः सिद्धिं यथा विन्दति तच्छृणु ॥ १८-४५॥
    sve sve karmaṇyabhirataḥ saṃsiddhiṃ labhate naraḥ |
    svakarmanirataḥ siddhiṃ yathā vindati tacchṛṇu || 18-45||

    GITA 18-46

    यतः प्रवृत्तिर्भूतानां येन सर्वमिदं ततम् ।
    स्वकर्मणा तमभ्यर्च्य सिद्धिं विन्दति मानवः ॥ १८-४६॥
    yataḥ pravṛttirbhūtānāṃ yena sarvamidaṃ tatam |
    svakarmaṇā tamabhyarcya siddhiṃ vindati mānavaḥ || 18-46||

    GITA 18-47

    श्रेयान्स्वधर्मो विगुणः परधर्मात्स्वनुष्ठितात् ।
    स्वभावनियतं कर्म कुर्वन्नाप्नोति किल्बिषम् ॥ १८-४७॥
    śreyānsvadharmo viguṇaḥ paradharmātsvanuṣṭhitāt |
    svabhāvaniyataṃ karma kurvannāpnoti kilbiṣam || 18-47||

    GITA 18-48

    सहजं कर्म कौन्तेय सदोषमपि न त्यजेत् ।
    सर्वारम्भा हि दोषेण धूमेनाग्निरिवावृताः ॥ १८-४८॥
    sahajaṃ karma kaunteya sadoṣamapi na tyajet |
    sarvārambhā hi doṣeṇa dhūmenāgnirivāvṛtāḥ || 18-48||

    GITA 18-49

    असक्तबुद्धिः सर्वत्र जितात्मा विगतस्पृहः ।
    नैष्कर्म्यसिद्धिं परमां संन्यासेनाधिगच्छति ॥ १८-४९॥
    asaktabuddhiḥ sarvatra jitātmā vigataspṛhaḥ |
    naiṣkarmyasiddhiṃ paramāṃ saṃnyāsenādhigacchati || 18-49||

    GITA 18-50

    सिद्धिं प्राप्तो यथा ब्रह्म तथाप्नोति निबोध मे ।
    समासेनैव कौन्तेय निष्ठा ज्ञानस्य या परा ॥ १८-५०॥
    siddhiṃ prāpto yathā brahma tathāpnoti nibodha me |
    samāsenaiva kaunteya niṣṭhā jñānasya yā parā || 18-50||

    GITA 18-51

    बुद्।ह्ध्या विशुद्धया युक्तो धृत्यात्मानं नियम्य च ।
    शब्दादीन्विषयांस्त्यक्त्वा रागद्वेषौ व्युदस्य च ॥ १८-५१॥
    bud|hdhyā viśuddhayā yukto dhṛtyātmānaṃ niyamya ca |
    śabdādīnviṣayāṃstyaktvā rāgadveṣau vyudasya ca || 18-51||

    GITA 18-52

    विविक्तसेवी लघ्वाशी यतवाक्कायमानसः ।
    ध्यानयोगपरो नित्यं वैराग्यं समुपाश्रितः ॥ १८-५२॥
    viviktasevī laghvāśī yatavākkāyamānasaḥ |
    dhyānayogaparo nityaṃ vairāgyaṃ samupāśritaḥ || 18-52||

    GITA 18-53

    अहङ्कारं बलं दर्पं कामं क्रोधं परिग्रहम् ।
    विमुच्य निर्ममः शान्तो ब्रह्मभूयाय कल्पते ॥ १८-५३॥
    ahaṅkāraṃ balaṃ darpaṃ kāmaṃ krodhaṃ parigraham |
    vimucya nirmamaḥ śānto brahmabhūyāya kalpate || 18-53||

    GITA 18-54

    ब्रह्मभूतः प्रसन्नात्मा न शोचति न काङ्क्षति ।
    समः सर्वेषु भूतेषु मद्भक्तिं लभते पराम् ॥ १८-५४॥
    brahmabhūtaḥ prasannātmā na śocati na kāṅkṣati |
    samaḥ sarveṣu bhūteṣu madbhaktiṃ labhate parām || 18-54||

    GITA 18-55

    भक्त्या मामभिजानाति यावान्यश्चास्मि तत्त्वतः ।
    ततो मां तत्त्वतो ज्ञात्वा विशते तदनन्तरम् ॥ १८-५५॥
    bhaktyā māmabhijānāti yāvānyaścāsmi tattvataḥ |
    tato māṃ tattvato jñātvā viśate tadanantaram || 18-55||

    GITA 18-56

    सर्वकर्माण्यपि सदा कुर्वाणो मद्।ह्व्यपाश्रयः ।
    मत्प्रसादादवाप्नोति शाश्वतं पदमव्ययम् ॥ १८-५६॥
    sarvakarmāṇyapi sadā kurvāṇo mad|hvyapāśrayaḥ |
    matprasādādavāpnoti śāśvataṃ padamavyayam || 18-56||

    GITA 18-57

    चेतसा सर्वकर्माणि मयि संन्यस्य मत्परः ।
    बुद्धियोगमुपाश्रित्य मच्चित्तः सततं भव ॥ १८-५७॥
    cetasā sarvakarmāṇi mayi saṃnyasya matparaḥ |
    buddhiyogamupāśritya maccittaḥ satataṃ bhava || 18-57||

    GITA 18-58

    मच्चित्तः सर्वदुर्गाणि मत्प्रसादात्तरिष्यसि ।
    अथ चेत्त्वमहङ्कारान्न श्रोष्यसि विनङ्क्ष्यसि ॥ १८-५८॥
    maccittaḥ sarvadurgāṇi matprasādāttariṣyasi |
    atha cettvamahaṅkārānna śroṣyasi vinaṅkṣyasi || 18-58||

    GITA 18-59

    यदहङ्कारमाश्रित्य न योत्स्य इति मन्यसे ।
    मिथ्यैष व्यवसायस्ते प्रकृतिस्त्वां नियोक्ष्यति ॥ १८-५९॥
    yadahaṅkāramāśritya na yotsya iti manyase |
    mithyaiṣa vyavasāyaste prakṛtistvāṃ niyokṣyati || 18-59||

    GITA 18-60

    स्वभावजेन कौन्तेय निबद्धः स्वेन कर्मणा ।
    कर्तुं नेच्छसि यन्मोहात्करिष्यस्यवशोऽपि तत् ॥ १८-६०॥
    svabhāvajena kaunteya nibaddhaḥ svena karmaṇā |
    kartuṃ necchasi yanmohātkariṣyasyavaśo'pi tat || 18-60||

    GITA 18-61

    ईश्वरः सर्वभूतानां हृद्देशेऽर्जुन तिष्ठति ।
    भ्रामयन्सर्वभूतानि यन्त्रारूढानि मायया ॥ १८-६१॥
    īśvaraḥ sarvabhūtānāṃ hṛddeśe'rjuna tiṣṭhati |
    bhrāmayansarvabhūtāni yantrārūḍhāni māyayā || 18-61||

    GITA 18-62

    तमेव शरणं गच्छ सर्वभावेन भारत ।
    तत्प्रसादात्परां शान्तिं स्थानं प्राप्स्यसि शाश्वतम् ॥ १८-६२॥
    tameva śaraṇaṃ gaccha sarvabhāvena bhārata |
    tatprasādātparāṃ śāntiṃ sthānaṃ prāpsyasi śāśvatam || 18-62||

    GITA 18-63

    इति ते ज्ञानमाख्यातं गुह्याद्।ह्गुह्यतरं मया ।
    विमृश्यैतदशेषेण यथेच्छसि तथा कुरु ॥ १८-६३॥
    iti te jñānamākhyātaṃ guhyād|hguhyataraṃ mayā |
    vimṛśyaitadaśeṣeṇa yathecchasi tathā kuru || 18-63||

    GITA 18-64

    सर्वगुह्यतमं भूयः शृणु मे परमं वचः ।
    इष्टोऽसि मे दृढमिति ततो वक्ष्यामि ते हितम् ॥ १८-६४॥
    sarvaguhyatamaṃ bhūyaḥ śṛṇu me paramaṃ vacaḥ |
    iṣṭo'si me dṛḍhamiti tato vakṣyāmi te hitam || 18-64||

    GITA 18-65

    मन्मना भव मद्भक्तो मद्याजी मां नमस्कुरु ।
    मामेवैष्यसि सत्यं ते प्रतिजाने प्रियोऽसि मे ॥ १८-६५॥
    manmanā bhava madbhakto madyājī māṃ namaskuru |
    māmevaiṣyasi satyaṃ te pratijāne priyo'si me || 18-65||

    GITA 18-66

    सर्वधर्मान्परित्यज्य मामेकं शरणं व्रज ।
    अहं त्वा सर्वपापेभ्यो मोक्षयिष्यामि मा शुचः ॥ १८-६६॥
    sarvadharmānparityajya māmekaṃ śaraṇaṃ vraja |
    ahaṃ tvā sarvapāpebhyo mokṣayiṣyāmi mā śucaḥ || 18-66||

    GITA 18-67

    इदं ते नातपस्काय नाभक्ताय कदाचन ।
    न चाशुश्रूषवे वाच्यं न च मां योऽभ्यसूयति ॥ १८-६७॥
    idaṃ te nātapaskāya nābhaktāya kadācana |
    na cāśuśrūṣave vācyaṃ na ca māṃ yo'bhyasūyati || 18-67||

    GITA 18-68

    य इदं परमं गुह्यं मद्भक्तेष्वभिधास्यति ।
    भक्तिं मयि परां कृत्वा मामेवैष्यत्यसंशयः ॥ १८-६८॥
    ya idaṃ paramaṃ guhyaṃ madbhakteṣvabhidhāsyati |
    bhaktiṃ mayi parāṃ kṛtvā māmevaiṣyatyasaṃśayaḥ || 18-68||

    GITA 18-69

    न च तस्मान्मनुष्येषु कश्चिन्मे प्रियकृत्तमः ।
    भविता न च मे तस्मादन्यः प्रियतरो भुवि ॥ १८-६९॥
    na ca tasmānmanuṣyeṣu kaścinme priyakṛttamaḥ |
    bhavitā na ca me tasmādanyaḥ priyataro bhuvi || 18-69||

    GITA 18-70

    अध्येष्यते च य इमं धर्म्यं संवादमावयोः ।
    ज्ञानयज्ञेन तेनाहमिष्टः स्यामिति मे मतिः ॥ १८-७०॥
    adhyeṣyate ca ya imaṃ dharmyaṃ saṃvādamāvayoḥ |
    jñānayajñena tenāhamiṣṭaḥ syāmiti me matiḥ || 18-70||

    GITA 18-71

    श्रद्धावाननसूयश्च शृणुयादपि यो नरः ।
    सोऽपि मुक्तः शुभाँल्लोकान्प्राप्नुयात्पुण्यकर्मणाम् ॥ १८-७१॥
    śraddhāvānanasūyaśca śṛṇuyādapi yo naraḥ |
    so'pi muktaḥ śubhā~llokānprāpnuyātpuṇyakarmaṇām || 18-71||

    GITA 18-72

    कच्चिदेतच्छ्रुतं पार्थ त्वयैकाग्रेण चेतसा ।
    कच्चिदज्ञानसम्मोहः प्रनष्टस्ते धनञ्जय ॥ १८-७२॥
    kaccidetacchrutaṃ pārtha tvayaikāgreṇa cetasā |
    kaccidajñānasammohaḥ pranaṣṭaste dhanañjaya || 18-72||

    GITA 18-73

    अर्जुन उवाच ।
    नष्टो मोहः स्मृतिर्लब्धा त्वत्प्रसादान्मयाच्युत ।
    स्थितोऽस्मि गतसन्देहः करिष्ये वचनं तव ॥ १८-७३॥
    arjuna uvāca |
    naṣṭo mohaḥ smṛtirlabdhā tvatprasādānmayācyuta |
    sthito'smi gatasandehaḥ kariṣye vacanaṃ tava || 18-73||

    GITA 18-74

    सञ्जय उवाच ।
    इत्यहं वासुदेवस्य पार्थस्य च महात्मनः ।
    संवादमिममश्रौषमद्भुतं रोमहर्षणम् ॥ १८-७४॥
    sañjaya uvāca |
    ityahaṃ vāsudevasya pārthasya ca mahātmanaḥ |
    saṃvādamimamaśrauṣamadbhutaṃ romaharṣaṇam || 18-74||

    GITA 18-75

    व्यासप्रसादाच्छ्रुतवानेतद्गुह्यमहं परम् ।
    योगं योगेश्वरात्कृष्णात्साक्षात्कथयतः स्वयम् ॥ १८-७५॥
    vyāsaprasādācchrutavānetadguhyamahaṃ param |
    yogaṃ yogeśvarātkṛṣṇātsākṣātkathayataḥ svayam || 18-75||

    GITA 18-76

    राजन्संस्मृत्य संस्मृत्य संवादमिममद्भुतम् ।
    केशवार्जुनयोः पुण्यं हृष्यामि च मुहुर्मुहुः ॥ १८-७६॥
    rājansaṃsmṛtya saṃsmṛtya saṃvādamimamadbhutam |
    keśavārjunayoḥ puṇyaṃ hṛṣyāmi ca muhurmuhuḥ || 18-76||

    GITA 18-77

    तच्च संस्मृत्य संस्मृत्य रूपमत्यद्भुतं हरेः ।
    विस्मयो मे महान् राजन्हृष्यामि च पुनः पुनः ॥ १८-७७॥
    tacca saṃsmṛtya saṃsmṛtya rūpamatyadbhutaṃ hareḥ |
    vismayo me mahān rājanhṛṣyāmi ca punaḥ punaḥ || 18-77||

    GITA 18-78

    यत्र योगेश्वरः कृष्णो यत्र पार्थो धनुर्धरः ।
    तत्र श्रीर्विजयो भूतिर्ध्रुवा नीतिर्मतिर्मम ॥ १८-७८॥
    yatra yogeśvaraḥ kṛṣṇo yatra pārtho dhanurdharaḥ |
    tatra śrīrvijayo bhūtirdhruvā nītirmatirmama || 18-78||
    ॐ
    oṃ